2 – ايدىڭ 2 – كۇنىنەن باستاپ، شينجياڭدا توتە اۋە جەلىسىنەن ەكەۋى قوسىلادى

2 – ايدىڭ 2 – كۇنىنەن باستاپ، شاندۇڭ اۆياتسيا سەرىكتەستىگى ۇرىمجىدەن سانياعا، جىڭجوۋعا توتە ۇشاتىن اۋە جەلىسىن جاڭادان قوسادى.

ۇرىمجىدەن سانياعا توتە ۇشاتىن اۋە جەلىسىندە ءار كۇنى ءبىر كەزەك ۇشاق ۇشىرۋ جوسپارلانعان. باراتىن SC4925 كەزەكشى ۇشاق ساعات 8 دە ءۇرىمجى تيانشان حالىقارالىق اۋەجايىنان ۇشىپ، ساعات 12 دەن 55 مينۋت وتكەندە سانيا فىڭحۋاڭ حالىقارالىق اۋەجايىنا جەتەدى؛ قايتاتىن SC4926 كەزەكشى ۇشاق ساعات 14 تەن 05 مينۋت وتكەندە سانيا فىڭحۋاڭ حالىقارالىق اۋەجايىنان ۇشىپ، ساعات 20 دان 05 مينۋت وتكەندە ءۇرىمجى تيانشان حالىقارالىق اۋەجايىنا جەتەدى.

ۇعىسۋعا قاراعاندا، اتالعان اۋە جەلىسى جولاۋشىلاردىڭ شينجياڭداعى قار – مۇز ساياحاتىنان ءلاززاتتانۋ، قىستىق دەمالىستاعى ءجۇرىس – تۇرىس جانە سانياعا بارىپ قىس مەزگىلىن جىلى جەردە وتكىزۋ قاجەتىمەن دالمە – ءدال ۇشتاستىرىلىپ، ”جىلى قىس ساپارى“ اۋە جەلىسىن قالىپتاستىرادى.

ۇرىمجىدەن جىڭجوۋعا قاتىنايتىن اۋە جەلىسىندە ءار كۇنى ءبىر كەزەك ۇشاق ۇشىرۋ جوسپارلانعان. باراتىن SC4941 كەزەكشى ۇشاق ساعات 15 تەن 40 مينۋت وتكەندە ءۇرىمجى تيانشان حالىقارالىق اۋەجايىنان ۇشىپ، ساعات 19 دان 30 مينۋت وتكەندە جىڭجوۋ شينجىڭ حالىقارالىق اۋەجايىنا جەتەدى؛ قايتاتىن SC4942 كەزەكشى ۇشاق ساعات 10 نان 20 مينۋت وتكەندە جىڭجوۋ شينجىڭ حالىقارالىق اۋەجايىنان ۇشىپ، ساعات 14 تەن 40 مينۋت وتكەندە ءۇرىمجى تيانشان حالىقارالىق اۋەجايىنا جەتەدى.

كەلۋ قاينارى: حالىق تورابى