شينجياڭ مادەنيەت سارايى وسەك – اياڭعا تويتارىس بەرۋ مازمۇنىنداعى ۇقتىرۋدى جاريالادى

1 – ايدىڭ 20 – كۇنى، شينجياڭ مادەنيەت سارايىنىڭ ۋيشين تەكشەسى «ينتەرنەتتە تارالعان شينجياڭ مادەنيەت سارايىنىڭ قىزمەتكەر قابىلداۋىنا قاتىستى جالعان ينفورماتسياعا تويتارىس بەرۋ ۇقتىرۋىن» جاريالادى، ناقتى مازمۇنى مىناداي:

ينتەرنەتتە تارالعان شينجياڭ مادەنيەت سارايىنىڭ قىزمەتكەر قابىلداۋىنا قاتىستى جالعان ينفورماتسياعا تويتارىس بەرۋ ۇقتىرۋى

جۋىردا ينتەرنەتتە «شينجياڭ مادەنيەت سارايىنىڭ قىزمەتكەر قابىلداۋىنا» قاتىستى اقپارات تارالدى، اقپاراتتىڭ مازمۇنى ەڭبەكاقى جانە يگىلىك تۇرلەرى، قىزمەت ۋاقىتى جانە قىزمەتكەر قابىلداۋ شارتى قاتارلىلاردى قامتىعان. وسى جونىندە شينجياڭ ۇيعۇر اۆتونوميالى رايوندىق مادەنيەت سارايى مىناداي قاتاڭ مالىمدەمە جاريالايدى:

ءبىرىنشى، جوعارىداعى ينفورماتسيالاردىڭ بارلىعى جالعان. شينجياڭ ۇيعۇر اۆتونوميالى رايوندىق مادەنيەت سارايى ەشقاشان وسى تەكتەس قىزمەتكە قابىلداۋ ينفورماتسياسىن جاريالاماعان جانە ەشقانداي ادامعا نەمەسە ءۇشىنشى جاق قۇرىلىمعا جاريالاۋ ۇقىعىن بەرمەگەن.

ەكىنشى، شينجياڭ ۇيعۇر اۆتونوميالى رايوندىق مادەنيەت سارايىنىڭ اشىق تۇردە قىزمەتكەر قابىلداۋ قىزمەتى تۇگەلدەي اۆتونوميالى رايوننىڭ ءىسورىندارعا اشىق تۇردە قىزمەتكەر قابىلداۋ بەلگىلەمەسى بويىنشا قاتاڭ اتقارىلادى، شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ رەسمي تورابىندا (http://rst.xinjiang.gov.cn)، شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسىنىڭ رەسمي تورابىندا (http://wlt.xinjiang.gov.cn)، سونداي – اق، وسى سارايدىڭ رەسمي ۋيشين تەكشەسى قاتارلى رەسمي ارنالاردا ءبىر تۇتاس ۇقتىرۋ شىعارىلادى، قىزمەتكەر قابىلداۋ ءتارتىبى جاريا، ءادىل، ادىلەتتى بولىپ، قوعامداعىلاردىڭ باقىلاۋىن قابىلدايدى.

ءۇشىنشى، قوعامداعى جۇرتشىلىقتىڭ قىراعىلىقتى ارتتىرىپ، قىزمەتكەر قابىلداۋ تۋرالى رەسمي ارنالاردا جاريالانباعان ۇقتىرۋلارعا سەنبەۋىن، الدانىپ قالۋدان اباي بولۋىن ەسكەرتەمىز. ەگەر كۇماندى جاعداي بايقالسا، سارايىمىزبەن حابارلاسىپ انىق – قانىعىن بىلۋىڭىزگە بولادى (حابارلاسۋ تەلەفونى: 2301187-0991).

ءتورتىنشى، ەگەر شينجياڭ ۇيعۇر اۆتونوميالى رايوندىق مادەنيەت سارايىنىڭ اتىن جامىلىپ جالعان ينفورماتسيا جاريالاعان، سارايىمىزدىڭ بەدەلىنە زيان جەتكىزگەن زاڭعا قايشى ءارقانداي ارەكەت بايقالسا، سارايىمىز ونىڭ زاڭدىق جاۋاپكەرشىلىگىن قۋزاستىرۋ ۇقىعىنا يە.

ارنايى مالىمدەمە شىعارىلدى.

شينجياڭ ۇيعۇر اۆتونوميالى رايوندىق مادەنيەت سارايى

2026 – جىلى 1 – ايدىڭ 20 – كۇنى