سانجى وبلىسى مىندەتتى وقۋ – اعارتۋ كەزەڭىندەگى كوكتەمگى دەمالىس پەن قار دەمالىسىن جولعا قويادى

ءتىلشىنىڭ سانجى حۇيزۋ اۆتونوميالى وبلىستىق ەكى ماجىلىستەن ۇعىسۋىنشا، سانجى وبلىسىنىڭ ۇكىمەت قىزمەتىنەن بايانداماسىندا مىندەتتى وقۋ – اعارتۋ كەزەڭىندە كوكتەمگى دەمالىس پەن قار دەمالىسى ءتۇزىمىن جولعا قويۋ ايقىن تۇراقتاندىرىلىپ، سانجى وبلىسىنىڭ 2026 – جىلى ىستەيتىن حالىققا ءتيىمدى ون ناقتى ءىسىنىڭ قاتارىنا ەنگىزگەن، ءار وقۋ ماۋسىمىندا 6 كۇندىك دەمالىس قوسىلادى، سونىمەن بىرگە، اتا – انالاردىڭ دا جۇمىس قاربالاس ەمەس ۋاقىتتا ەڭبەكاقىلى دەمالىس الۋىنا قولداۋ كورسەتىلەدى.

سانجى وبلىستىق حالىق قۇرىلتايى ۋاكىلى دۇڭ يىڭ دا وسى رەتكى ەكى ماجىلىستە قاتىستى ۇسىنىستاردى ورتاعا قويعان. دۇڭ يىڭ مىنانى ءبىلدىردى: مىندەتتى وقۋ – اعارتۋ كەزەڭىندە كوكتەمگى دەمالىس جانە قار دەمالىسىن بەرۋ سانجى وبلىسىنىڭ كليمات ەرەكشەلىگىنە، وقۋ – اعارتۋ سالاسىنداعى ناقتى جاعدايىنا ساياتىن حالىق تۇرمىسىمەن ۇشتاستىرىلعان شارا، مەملەكەتتىڭ ورتا، باستاۋىش مەكتەپتەردە كوكتەم مەن كۇزدە دەمالىس بەرۋگە شابىتتاندىرۋ ساياساتىنىڭ باعدارىنا ءۇن قوسۋمەن بىرگە، وقۋشىلاردىڭ ساۋ دەنەلى ەرجەتۋ قاجەتىن دە اناعۇرلىم قاناعاتتاندىرادى.

دۇڭ يىڭ مىناداي ۇسىنىس بەرگەن: سانجى وبلىسىنداعى مادەنيەت – ساياحات، وقۋ – اعارتۋ قاتارلى قاتىستى تاراۋلار فۋنكتسيالىق رولىن ىرىقتىلىقپەن ساۋلەلەندىرىپ، جەرگىلىكتى ورىننىڭ مول جاراتىلىستىق، مادەنيەت جانە كاسىپ سالاسى بايلىعىنا سۇيەنىپ، ورتا، باستاۋىش مەكتەپ وقۋشىلارىنىڭ زەرتتەۋ جۇرگىزىپ ۇيرەنۋىنە ۇيلەسەتىن ساياحات جەلىلەرىن بەلسەندى تۇردە ىسكە قوسۋى جانە ونى سايكەستىرۋى كەرەك. زەرتتەپ ۇيرەنۋ جەلىلەرىن ۇيلەسىمدى ورنالاستىرىپ، جاراتىلىستىق ورتاعا بايلانىستى عىلىمدى جالپىلاستىرۋ، مادەنيەتكە مۇراگەرلىك ەتۋ، ەڭبەك امالياتىنا قاتىناسۋ، توڭكەرىستىك تاربيە قاتارلى مازمۇنداردى دەمالىس مەزگىلىندەگى قيمىلدارمەن توعىستىرىپ، وقۋشىلاردىڭ اماليات بارىسىندا كوز اياسىن كەڭەيتۋىنە، مىنەز – قۇلقىن جەتىلدىرۋىنە، دەمالىستى كوڭىلدى وتكىزۋىنە شارت – جاعداي جاراتىپ قالماستان، وتباسىلىق زەرتتەپ ۇيرەنۋ ساپارى بارىسىنداعى تۇتىنۋدى دا جەبەپ، سانجى وبلىسىنىڭ ساياحات بازارىن اناعۇرلىم جانداندىرىپ، ساياحات ەكونوميكاسىنىڭ ورنىقتى ارتۋىن جەبەپ، وقۋ – اعارتۋ جاعىندا حالىققا تيىمدىلىك جەتكىزۋ مەن كاسىپ سالاسىن دامىتۋدىڭ ءوزارا دەم بەرۋىن ىسكە اسىرۋى قاجەت.

ءتىلشىنىڭ ۇعىسۋىنشا، قازىر قاتىستى تاراۋلار دەمالىس مەزگىلى، وقىتۋ - وقۋدى ءبىرتۇتاس جوسپارلاۋ، اماناتقا ساي باسقارۋ قىزمەتى جانە زەرتتەپ ۇيرەنۋگە سايكەستى شارالار قاتارلى جوبالاردى جىنتىكتەي ورنالاستىرۋدا، الدا ساياساتتى تياناقتاندىرىپ، ونىڭ ونىمدىلىگىن كورۋگە، حالىق جۇرتشىلىعى ”اڭساعان ءىستىڭ“ ۇكىمەتتىڭ ”ىستەيتىن جۇمىسىنا“ اينالدىرۋعا كەپىلدىك ەتەدى.

كەلۋ قاينارى: حالىق تورابى