حالىق اقشاسىمەن ناق اقشا كۇيىندە اقى الۋ – اقى تولەۋ جونىندەگى جاڭا بەلگىلەمە كەلەسى ايدان باستاپ اتقارىلادى

حالىق گازەتىنىڭ ءتىلشىسى ۋ چيۋيۇي 1 – ايدىڭ 21 – كۇنى بەيجيڭنەن حابارلايدى. حالىق اقشاسىنىڭ زاڭدا بەلگىلەنگەن ۆاليۋتالىق ورنىن شىنايى قورعاۋ، حالىق اقشاسىن ناق اقشا تۇرىندە قابىلداۋدان باس تارتۋ ارەكەتىنەن ساقتانۋ جانە ونى جونگە سالۋ، قوعامداعى جۇرتشىلىقتىڭ اقشا تولەۋ جاعىندا الۋان تۇرلىلەنگەن قىزمەت وتەۋدەن يگىلىكتەنۋ سىندى قاجەتىن قاناعاتتاندىرۋ، كوپ ۇيەكتەنگەن اقشا تولەۋ تاسىلدەرىن بىردەي دامىتۋ جۇلگەسىندە ناق اقشانىڭ قولايلى اينالىمعا ءتۇسۋ ورتاسىن قالىپتاستىرۋ ءۇشىن، جۇڭگو حالىق بانكەسى مەملەكەتتىك دامۋ – رەفورما كوميتەتىمەن، فينانستى باقىلاۋ – باسقارۋ باس مەڭگەرمەسىمەن بىرگە «حالىق اقشاسىمەن ناق اقشا تۇرىندە اقى الۋ – اقى تولەۋ جانە وسىعان قاتىستى قىزمەت وتەۋ جونىندەگى بەلگىلەمەنى» شىعارعان، 2026 – جىلى 2 – ايدىڭ 1 – كۇنىنەن باستاپ اتقارىلادى.

اقى الاتىن ادام ورنالاستىرىپ، بەتپە – بەت قىزمەت وتەۋ، سونداي – اق، ينتەرنەت ارقىلى تاپسىرىس بەرۋ، ساۋدالاسۋ، ينتەرنەتتەن تىس قىزمەت وتەۋ نەمەسە زاتتى تاپسىرۋ سىندى بەتپە – بەت اقى الۋعا شارت – جاعداي بار جاعدايدا، اقى الاتىن ورىندار مەن تيجارات نەگىزگى تۇلعالارى ناق اقشا تولەۋگە قولداۋ كورسەتۋى، ۇيلەسىمدى مولشەردە ۇساق اقشا دايىنداپ قويۋى كەرەك.

اقى الاتىن قىزمەتكەر ورنالاستىرىلماعان، ماشينا – اسپاپتار قاتارلى اۆتوماتتى قىزمەت وتەۋ فورماسى قولدانىلعان جاعدايدا، سونداي – اق، ”ءبىر كارتۋچكامەن بارلىق ەسەپتى جابۋ“ فورماسى قولدانىلعان ءبىرتۇتاس باسقارىلاتىن ونەركاسىپ رايونى، زاۆود رايونى، كورىنىس رايونى، مەكتەپ قاتارلى ورىنداردا تيجارات نەگىزگى تۇلعالارى كورنەۋ ورىنعا اقى تولەۋ تاسىلدەرىن، ناق اقشا اۋىستىرىپ الۋ ءتاسىلىن جانە قىزمەت وتەۋ بايلانىس ءنومىرىن ەسكەرتىپ قويۋى كەرەك. اۋىستىرۋ ءتاسىلى ارقىلى ناق اقشا العان جاعدايدا، رەسميەت اقىسىن الۋعا نەمەسە شارت قويىپ شەكتەۋگە، اۋىستىرۋعا قولايسىزدىق تۋدىرۋعا بولمايدى.

بارلىق ساۋدا، اقى تولەۋ، قىزمەت وتەۋ تۇگەلدەي ينتەرنەت ارقىلى بىتىرىلەتىن جاعدايدا، اقى الاتىن ورىن، تيجارات نەگىزگى تۇلعاسى اقى تولەۋ ءتاسىلىن الدىن الا اشىق جاريالاۋى، جۇرتشىلىقتىڭ ءبىلۋ ۇقىعى مەن تاڭداۋ ۇقىعىنا تولىق قۇرمەت ەتۋى كەرەك.

كەلۋ قاينارى: حالىق تورابى