پويەز بەلەتىن ساتۋعا قاتىستى ءۇشىنشى جاق تەكشەلەردەن 7 تەكشەنىڭ جاۋاپتىلارىن شاقىرىپ سويلەستى 

بازاردى باقىلاۋ - باسقارۋ باس مەڭگەرمەسى ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كەڭسەسىمەن، مەملەكەتتىك تەمىر جول مەڭگەرمەسىمەن بىرگە پويەز بەلەتىن ساتۋعا قاتىستى ءۇشىنشى جاق تەكشەلەردەن 7 تەكشەنىڭ جاۋاپتىلارىن شاقىرىپ سويلەستى

6 - ايدىڭ 11 - كۇنى، بازاردى باقىلاۋ - باسقارۋ باس مەڭگەرمەسى ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كەڭسەسىمەن، مەملەكەتتىك تەمىر جول مەڭگەرمەسىمەن بىرگە، شىيەچىڭ، تۇڭچىڭ، چۇينا - ىر، فەيجۋ، مەيتۋان، جىشيڭ پويەز بەلەتى، گاۋتيە گۋانجيا قاتارلى ءۇشىنشى جاق تەكشەلىك كاسىپورىنداردان 7 كاسىپورىننىڭ جاۋاپتىلارىن شاقىرىپ سويلەسكەن. ولاردىڭ ”تولىقتاپ تاراتىلعان بەلەتكە تالاسۋعا كومەكتەسۋ“ جانە اقى تولەپ ورىن تاڭداۋ سىندى قىزمەت وتەۋ تۇرلەرىن ۇيلەسىمسىز ۇگىتتەۋ، پايدالانۋشىلاردى ”الىس جەردىڭ بەلەتىمەن جاقىن جەرگە بارۋ“ نەمەسە ”جاقىن جەردىڭ بەلەتىمەن الىس جەرگە بارۋ“ سىندى ۇيلەسىمسىز ارەكەتتەرگە جەتەلەۋ، تەكشەدەن پايدالانۋشىلاردىڭ جەكەلىك ينفورماتسياسىن ۇيلەسىمسىز جيناۋ جانە پايدالانۋ قاتارلى ولشەمگە تولمايتىن تيجارات جۇرگىزۋ ماسەلەلەرىنە باعىتتاي وتىرىپ، قاتىستى كاسىپورىنداردان «جۇڭحۋا حالىق رەسپۋبليكاسىنىڭ ۇيلەسىمسىز باسەكەگە قارسى تۇرۋ زاڭى»، «جۇڭحۋا حالىق رەسپۋبليكاسىنىڭ تۇتىنۋشىلاردىڭ ۇقىق - مۇددەسىن قورعاۋ زاڭى»، «جۇڭحۋا حالىق رەسپۋبليكاسىنىڭ ەلەكتروندىق ساۋدا زاڭى»، «جۇڭحۋا حالىق رەسپۋبليكاسىنىڭ جەكەلىك ينفورماتسيانى قورعاۋ زاڭى» قاتارلى زاڭ - تۇزىمدەردەگى بەلگىلەمەلەرگە قاتاڭ بويسۇنۋدى، نەگىزگى تۇلعالىق جاۋاپكەرشىلىكتى تياناقتاندىرۋدى، پويەز بەلەتىن ساتۋ سىندى تيجاراتتىق ارەكەتتى جالپى بەتتىك ولشەمدەندىرۋدى، پويەز بەلەتىن ساتۋ بازارىنىڭ ءتارتىبىن بىرگە قورعاۋدى، بارشا تۇتىنۋشىلاردىڭ زاڭدى ۇقىق - مۇددەسىن قامتاماسىزداندىرۋدى تالاپ ەتتى.

بازاردى باقىلاۋ - باسقارۋ باس مەڭگەرمەسى قاتارلى تاراۋلار باقىلاۋ – باسقارۋ جانە زاڭ اتقارۋ تەبىنىن ارتتىرادى، ەگەر زاڭسىز ارەكەت بار ەكەنى بايقالسا، زاڭ - ءتۇزىم بويىنشا قاتاڭ ءبىرجاقتى ەتەدى.

كەلۋ قاينارى: حالىق تورابى