شەكارادان جاسىرىن وتكىزۋشىلەردىڭ ىشكى – سىرتقى اتاماندارىمەن ءتىل بىرىكتىرىپ، جۇڭگو ازاماتتارىن شەكارادان ۇرلانىپ وتۋگە ۇيىمداستىرعان! قىلمىس كۇماندىسى ساي Xگو ەلىمىزگە قايتارىلدى 

ۇزاق ۋاقىت بويى شەتەلدە جاسىرىنىپ، باسقالاردى مەملەكەت شەكاراسىنان جاسىرىن وتۋگە ۇيىمداستىرعان قىلمىس كۇماندىسى ساي Xگو 6 – ايدىڭ 8 – كۇنى شەتەلدەن ءساتتى تۇردە ەلىمىزگە قايتارىلدى.

2024 – جىلى 2 – ايدا جياڭسۋ ولكەسى جىنجياڭ قالالىق قوعام حاۋىپسىزدىگى مەكەمەسى شەكارادان كىرىپ - شىعۋدى باسقارۋ تاراۋى جۇڭگو ازاماتتارىن جول الماستىرىپ شەكارادان جاسىرىن وتۋگە ۇيىمداستىراتىن حالىقارالىق قىلمىس توبىن بايقاعان. تەكسەرۋ ارقىلى، 2023 - جىلدان 2024 - جىلعا دەيىن، جۇڭگولىق ساي Xگو قاتارلىلار شەكارادان جاسىرىن وتكىزۋشىلەردىڭ ىشكى – سىرتقى اتاماندارىمەن استاسىپ، جۇڭگولىق كوپتەگەن ازاماتتاردى جول اۋىستىرىپ شەكارادان جاسىرىن وتۋگە ۇيىمداستىرىپ، شەكارا سىرتىندا زاڭسىز قيمىلدارمەن شۇعىلدانعانىن انىقتاعان. مەملەكەتتىك كوشى - قوندى باسقارۋ مەڭگەرمەسى بۇل دەلونى بەلگى قويىپ قۋزاۋ سالاتىن دەلولار قاتارىنا قوسىپ، ساي Xگونى قۋعىندالاتىن قاشقىن دەپ تۇراقتاندىرعان.

2026 - جىلى 3 - ايدا، ءمالىم مەملەكەتتىڭ ساقشى جاعى ساي Xگونى تۇتقىنداعان ءارى ەلىمىز جاققا حابارلاعان. قوعام حاۋىپسىزدىگى مينيسترلىگى مەن مەملەكەتتىك كوشى - قوندى باسقارۋ مەڭگەرمەسى دەلو بىتىرەتىن ورىندارعا جەتەكشىلىك ەتىپ، اتالعان ەلدەن قاشقىندى وتكىزىپ بەرۋدى وتىنگەن، سىرتقى ىستەر تاراۋلارى قىزمەتتىك رولىن بەلسەندى ساۋلەلەندىرىپ، بارلىعى تىعىز سەلبەسىپ، وتكىزىپ الۋ ىسىنە بىرگە كۇش سالادى. 5 - ايدىڭ سوڭىندا، اتالعان ەل قاشقىندى وتكىزىپ بەرۋ جونىندە كەسىم جاسايدى. كەزەكتە، ساي Xگو ەلىمىزگە قايتارىلىپ اكەلىندى، دەلو ىشكەرىلەي تەكسەرىلۋدە.

مەملەكەتتىك كوشى - قوندى باسقارۋ مەڭگەرمەسى وسى ورايدا بارلىق قاشقىندارعا مىنانى بىلدىرەدى: زاڭ تورى قاتاڭ، قىلمىس جاۋاپكەرشىلىگىنەن قۇتىلا المايسىڭدار. شەكارا سىرتى، استە، جازادان تاسالاناتىن جايلى تۇراق بولمايدى، زاڭنان تىسقارى جەر دە ەمەس. ءارقانداي تىزە بۇكپەي قارسىلاسۋ ارەكەتى، سوققى بەرۋدەن جالتارۋ ارەكەتى تۇگەلدەي زاڭنىڭ قاتاڭ جازاسىنان قۇتىلا المايدى، بىردەن - ءبىر دۇرىس جول — ءوز ەركىمەن ەلىمىزگە قايتىپ كەلىپ، ءوزىن مالىمدەپ، قىلمىسىن مويىنداپ، كەڭشىلىكپەن ءبىرجاقتى ەتۋگە قول جەتكىزۋ.

كەلۋ قاينارى: حالىق تورابى