بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

2026 – جىلى جاسى ەگدەلەگەندەردىڭ ساباق ءوتۋ جوسپارى بويىنشا 6000 وقىتۋشى قابىلداندى

2026.10.09 15:27     كەلۋ قاينارى : حالىق تورابى

شينحۋا اگەنتتىگىنىڭ 10 – ايدىڭ 8 - كۇنى بەيجيڭنەن بەرگەن حابارى. ءتىلشىنىڭ 10 – ايدىڭ 8 – كۇنى وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگى، قازىنا مينيسترلىگى تاياۋدا 2026 – جىلعى جاسى ەگدەلەگەندەردىڭ ساباق ءوتۋ جوسپارىن اتقارۋدى ورنالاستىرىپ، مىندەتتى وقۋ – اعارتۋ ساتىسىنداعى جاسى ەگدەلەگەن ساباق وتەتىن وقىتۋشىلاردان 6000 ادامدى قابىلداۋدى جوسپارلاعان.

تانىستىرۋعا قاراعاندا، 2026 ـ جىلعى جاسى ەگدەلەگەندەردىڭ ساباق ءوتۋ جوسپارى نەگىزىنەن كەدەيلىكتەن ارىلعان اۋداندارعا، دامىماعان ۇلتتىق اۋداندارعا، توڭكەرىستىك بايىرعى رايون اۋداندارىنا، شەكارا اۋداندارعا، سونداي ـ اق شينجياڭ ءوندىرىس ـ قۇرىلىس بيڭتۋانىنىڭ تۋان ـ الاڭدارىنا باعىتتالىپ، مەملەكەتتىڭ اۋىل ـ قىستاقتى گۇلدەندىرۋدەگى ءتۇيىندى سۇيەمەلدەنەتىن اۋداندارعا ءتۇيىندى تۇردە بەيىمدەلگەن. ءارى ءارقايسى ولكەلەردىڭ ءىس جۇزىندىك جاعدايىمەن ۇشتاستىرىپ، زەينەتكە شىققان تاڭداۋلى وقىتۋشىلاردى وقۋ - اعارتۋىنىڭ دامۋى ءالسىز باسقا اۋدان، اۋىل وڭىرلەرىنە بارىپ ساباق وتۋگە شابىتتاندىرىپ، قاجەتكە قاراي ادەتتەگى ورتا مەكتەپتەردى دەربەس اتقارۋ كولەمىنە ەنگىزدى.

تالاپقا ساي، جاسى ەگدەلەگەندەردىڭ ساباق ءوتۋ جوسپارىن ءوتىنىش ەتكەن زەينەتكە شىققان وقىتۋشىلار مەكتەپ باستىعىن، وقىتۋدى زەرتتەۋشىلەردى، ەرەكشە دارەجەلى وقىتۋشىلاردى، تىرەكتى وقىتۋشىلاردى نەگىز ەتەدى. ساياسيدا سەنىمدى، ۇستازدىق ءمورالى وسكەلەڭ، وقۋ ـ اعارتۋ سۇيىسپەنشىلىگى تەرەڭ، قىزمەت ورنىن ءسۇيىپ، كاسىپتى قادىرلەيتىن، كاسىپكە جەتىك، دەنساۋلىعى جاقسى، ۇلەس قوسۋعا پەيىل، ستيلى تياناقتى، وقۋ ـ اعارتۋ، وقىتۋ تاجىريبەسى مول بولۋ تالاپ ەتىلەدى، پرينسيپتىك جاقتان ورتا دارەجەلى جانە ودان جوعارى وقىتۋشىلاردىڭ كاسىپتىك اتاعى بولۋى، جوعارى دارەجەلى وقىتۋشىلاردى نەگىز ەتۋى كەرەك. بۇرىنعى قىزمەت ورنىنىڭ زەينەتكە شىققان وقىتۋشىلاردى قايتا ۇسىنىس ەتۋ قىزمەتى جاسى ەگدەلەگەندەردىڭ ساباق ءوتۋ جوسپارىنا ەنگىزىلمەيدى.

كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى