پروكۋراتۋرا ورگاندارى چىن ۋيجۇننىڭ پارا الۋ دەلوسىنا زاڭ بويىنشا الەۋمەتتىك ايىپتاۋ ءتۇسىردى

شينحۋا اگەنتتىگىنىڭ 10 – ايدىڭ 9 - كۇنى بەيجيڭنەن بەرگەن حابارى. ءتىلشىنىڭ 10 – ايدىڭ 9 – كۇنى ەڭ جوعارى حالىق پروكۋراتۋراسىنان ۇعىسۋىنشا، شينجياڭ ۇيعۇر اۆتونوميالى رايوندىق پارتكومنىڭ بۇرىنعى تۇراقتى مۇشەسى، اۆتونوميالى رايوندىق ۇكىمەتتىڭ بۇرىنعى ورىنباسار ءتوراعاسى چىن ۋيجۇننىڭ پارا الۋ دەلوسىن مەملەكەتتىك باقىلاۋ - تەكسەرۋ كوميتەتى تەكسەرىپ اياقتاتىپ، پروكۋراتۋرا ورگاندارىنىڭ تەكسەرىپ ايىپتاۋىنا وتكىزىپ بەرگەن. ەڭ جوعارى حالىق پروكۋراتۋراسى زاڭعا ساي پارا الۋ قىلمىسى بويىنشا چىن ۋيجۇندى قولعا الۋ ۇيعارىمىن جاسادى ءارى انحۇي ولكەسى چۋجوۋ قالالىق حالىق پروكۋراتۋراسىن تەكسەرىپ ايىپتاۋعا بەلگىلەدى. تاياۋدا چۋجوۋ قالالىق حالىق پروكۋراتۋراسى چۋجوۋ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاۋ ءتۇسىردى.

پروكۋراتۋرا ورگاندارى تەكسەرىپ ايىپتاۋ ساتىسىندا ايىپكەر چىن ۋيجۇننىڭ ارىز - شاعىم ۇقىعىنان يگىلىكتەنەتىندىگىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ ايىپتادى: ايىپكەر چىن ۋيجۇن جىجياڭ ولكەسى فىڭحۋا قالالىق پارتكومنىڭ ورىنباسار شۋجيى، قالا باستىعى، نيڭبو قالالىق پارتكومنىڭ تۇراقتى مۇشەسى، شۇيجوۋ رايوندىق پارتكومنىڭ شۋجيى، حۋجوۋ قالالىق پارتكومنىڭ ورىنباسار شۋجيى، قالا باستىعى، حۋجوۋ قالالىق پارتكومنىڭ شۋجيى، جىجياڭ ولكەسىنىڭ ورىنباسار باستىعى، ۋىنجوۋ قالالىق پارتكومىنىڭ شۋجيى، جىجياڭ ولكەلىك پارتكومنىڭ تۇراقتى مۇشەسى، ۋىنجوۋ قالالىق پارتكومىنىڭ شۋجيى، شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق ۇكىمەتتىڭ ورىنباسار ءتوراعاسى قاتارلى قىزمەتتەگى قولايلىلىعىنان پايدالانىپ، باسقالارعا پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى توتەنشە كوپ، زاڭعا ساي پارا الۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى