جاڭا جۇمىستانۋ فورماتسياسىنداعى ەڭبەكشىلەردىڭ ۇقىق - مۇددەسىن قامتاماسىزداندىرۋ ءادىسى جونىندە اشىق پىكىر الۋدا

ادام كۇشى بايلىعى جانە قوعامدىق قامتاماسىزداندىرۋ مينيسترلىگى 10 - ايدىڭ 8 - كۇنى «جاڭا جۇمىستانۋ فورماتسياسىنداعى ەڭبەكشىلەردىڭ ۇقىق - مۇددەسىن قامتاماسىزداندىرۋ ءادىسىن (پىكىر الۋ نۇسقاسى)» جاريالادى، 10 – ايدىڭ 8 - كۇنىنەن باستاپ 11 - ايدىڭ 8 - كۇنىنە دەيىن قوعامنان اشىق پىكىر الىنادى. بۇل ەلىمىزدىڭ تۇڭعىش رەت ەرەجە فورماسىمەن كاسىپورىنداردىڭ ەڭبەك باسقارۋدى، ەڭبەك قاتىناسىن ورناتۋ جاعدايىنا تولىق ۇيلەسپەيتىن جاڭا كاسىپتەنۋ فورماتسياسىنداعى ەڭبەكشىلەردى ەڭبەك زاڭ - تۇزىمىمەن قامتاماسىزداندىرۋى بولىپ تابىلادى.

پىكىر الۋ نۇسقاسى جاڭا جۇمىستانۋ فورماتسياسىنىڭ ەرەكشەلىگىنە ۇيلەسىپ، جاڭا جۇمىستانۋ فورماتسياسىنداعى ەڭبەكشىلەردىڭ ەڭبەك قامتاماسىزداندىرۋىندا كوڭىل ءبولىپ وتىرعان ماسەلەلەرىنە جاۋاپ قايتارىپ، نەگىزگى ەڭبەك ۇقىق - مۇددەسىن قامتاماسىزداندىرۋ مازمۇنىن ايقىنداپ، ەڭبەك ەرەجەسى مەن ەسەپتەۋ ءادىسىن ارناعا ءتۇسىرىپ، كاسىپورىنداردىڭ جۇمىسشى ىستەتۋ فورماسىن تۇرگە ءبولىپ بەلگىلەپ، ەڭبەك داۋ - شارىن شەشۋ ارناسىن ىركىلىسسىزدەندىرىپ، تاراۋلاردىڭ باقىلاۋ - باسقارۋ مىندەتىن، سونداي - اق وسى ادىسكە قايشىلىق جاساۋدىڭ زاڭدىق جاۋاپكەرشىلىگىن ايقىندادى.

اشىق پىكىر الۋ مەزگىلىندە بۇقارانىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ تورابىنا شىعۋ، حات جازۋ، ەلەكتروندىق جولداما جولداۋ قاتارلى فورمالار ارقىلى قۇندى پىكىر ايتۋىنا بولادى.

كەلۋ قاينارى: حالىق تورابى