حالىقارالىق فۋتبول بىرلەستىگىنىڭ تەكسەرۋگە الىنعان ءمانساپتىلارى

2015.05.29 15:02   كەلۋ قاينارى : حالىق تورابى

　　شۆەتساريا ۋاقىتى 27 – مامىر تاڭەرتەڭ شۆەتساريانىڭ تسۋريح قالاسىندا حالىقارالىق فۋتبول بىرلەستىگىنىڭ ماجىلسىنە قاتىناسىپ جاتقان ءبىر نەشە ۋاكىلى «قيانات جاساۋ، الدامكوستىك ىستەۋ جانە اقشا جىمقىرۋ» قاتارلى ايىپتامالار بويىنشا جەرگىلىكتى ساقشى ۇستاپ كەتكەن. ا ق ش ءادىليا مينيسترى لوليتا لينكي ا ق ش ۋاقىتى بويىنشا 27 – مامىردا نيۋ – يوركتاعى برۋكليندە اقپار جاريالاۋ ءماجىلىسىن اشىپ، قاتىستى جاعدايلاردى مالىمدەگەن. دەلوعا شاتىلعان 14 ادامنىڭ ىشىندە 9 ادام حالىقارالىق فۋتبول بىرلەستىگىنىڭ ءمانساپتىلارى، 5 ادام قاتىستى دەنە تاربيە سەرىكتىكتەرىنىڭ جوعارى لاۋازىمدى باسشىلارى.

　　جوعارىدا حالىقارالىق فۋتبول بىرلەستىگىنىڭ دەلوعا شاتىلعان 9 ءمانساپتىسىنىڭ 8-ىنىڭ سۋرەتى بەرىلدى، جوعارعى قاتاردا سولدان وڭعا قاراي: حالىقارالىق فۋتبول بىرلەستىگى ءتوراعاسىنىڭ ورىنباسارى، سولتۇستىك، ورتا، لاتىن امەريكاسى جانە كارايب ءوڭىرى فۋتبول بىرلەستىگىنىڭ ءتوراعاسى جەففري ۋەب، حالىقارالىق فۋتبول بىرلەستىگى ءتوراعاسىنىڭ ورىنباسارى ەۋگەنيو فيگۋەرەيدو، برازيليا فۋتبول بىرلەستىگىنىڭ بۇرىنعى ءتوراعاسى حۋان ماريا مارين، كوستا – ريكا فۋتبول فەدەراتسياسىنىڭ ءتوراعاسى ەدۆارد لي؛ استىڭعى قاتاردا سولدان وڭعا قاراي: حالىقارالىق فۋتبول بىرلەستىگى ءتوراعاسىنىڭ بۇرىنعى ورىنباسارى جەك ۋورنەر، حالىقارالىق فۋتبول بىرلەستىگىنىڭ بۇرىنعى اتقارۋشى مۇشەسى نيگولاس لەوس، ۆەنەسۋەلا فۋتبول بىرلەستىگىنىڭ ءتوراعاسى رافاەل ەسكۋيۆەل جانە نيكاراگۋا فۋتبول بىرلەستىگىنىڭ ءتوراعاسى جۋليو روچا. شينحۋا اگەنتتىگى

　　كەلۋ قاينارى: حالىق تورابى