جۇڭگو ايەلدەر ۆالەيبول كومانداسى قازاقستانعا جەتىپ 2018 – جىلعى حالىقارالىق ايەلدەر ۆالەيبول شاقىرمالى جارىسىن باستادى

2017.09.19 15:42   كەلۋ قاينارى : حالىق تورابى

　　حالىق تورابى، 19 – قىركۇيەك، بەيجيڭ. جەرگىلىكتى ۋاقىت تۇستەن بۇرىن 18دە جۇڭگو ايەلدەر ۆالەيبول كومانداسى قازاقستاننىڭ وڭتۇستىگىندەگى الماتى قالاسىنا جەتىپ، 20 – قىركۇيەك باستالاتىن 2018 – جىلعى حالىقارالىق ايەلدەر ۆالەيبول شاقىرمالى جارىسىنىڭ ازياداعى تولىمدىلىق جارىسىنا دايىندالدى. جۇڭگونىڭ الماتى قالاسىنداعى باس كونسۋلى جاڭ ۋەي، سونداي – اق جۇڭگونىڭ قازاقستانداعى باسقا دا سىرتقى ىستەر قىزمەتكەرلەرى اۋەجايعا كەلىپ، شاعىن قارسى الۋ سالتىن وتكىزدى. جۇڭگونىڭ قازاقستاندا وقىپ جاتقان وقۋشىلارىنان ءبىر ءبولىم ستۋدەنتتەر مەن جانكۇيەرلەر اۋەجايعا كەلىپ جۇڭگو ايەلدەر ۆالەيبول كومانداسىن قارسى الدى.

　　2018 – جىلعى حالىقارالىق ايەلدەر ۆالەيبول شاقىرمالى جارىسىنىڭ ازيا رايونىنداعى تولىمدىلىق جارىسى 2017 – جىلى 20 – قىركۇيەكتەن 24 – قىركۇيەككە دەيىن الماتى قالاسىندا وتكىزىلەدى. جۇڭگو ايەلدەر ۆالەيبول كومانداسى قازاقستان، جۇڭحۋا تايبەي، اۆستراليا جانە فيدجي قاتارلى ەلدەردىڭ ۆالەيبول كوماندالارىمەن جارىس وتكىزەدى. الدىڭعى ەكىگە كىرگەندەر كەلەر جىلى جاپونيادا وتكىزىلەتىن حالىقارالىق ايەلدەر ۆالەيبول شاقىرمالى جارىسىنا قاتىناسادى.

　　كەلۋ قاينارى: حالىق تورابى