- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ازيانىڭ جانە دۇنيە ءجۇزىنىڭ جارقىن بولاشاعىن بىرگە جاراتايىق
شي جينپيڭ بو - اۋ ازيا تالقى مىنبەرىنىڭ 2013 - جىلعى جىلدىق ءماجىلىسىنىڭ اشىلۋ سالتىنا قاتىناستى جانە باستى ماقساتى تۋرالى لەكسيا جاسادى
2013.04.11 15:39 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 4 - ساۋىردە حايناننىڭ بو - اۋىنان بەرگەن حابارى. بو - اۋ ازيا تالقى مىنبەرىنىڭ 2013 - جىلعى جىلدىق ءماجىلىسى 7 - ساۋىردە حاينان ولكەسىنىڭ بو - اۋىندا اشىلدى. مەملەكەت ءتوراعاسى شي جينپيڭ ءماجىلىستىڭ اشىلۋ سالتىنا قاتىناستى جانە باستى ماقساتى تۋرالى لەكسيا جاسادى.
شي جينپيڭ لەكسياسىندا مىنالاردى باسا دارىپتەدى: ورتاق دامۋ − باياندى وركەندەۋدىڭ ماڭىزدى ارقاۋى. ءبىز تاعدىر ورتاقتىعى تانىمىن بەرىك ورناتىپ، زامانا اعىمىنا سايكەسىپ، دۇرىس بەتالىستى يگەرىپ، قيىنشىلىقتاردى بىرگە جەڭىپ، ازيانىڭ جانە دۇنيە ءجۇزىنىڭ دامۋىن توقتاۋسىز تىڭ بەلەسكە كوتەرۋىمىز كەرەك.
ءساۋىر ايىنداعى بو - اۋدا كۇن جىلىمىق تارتىپ، تەڭىزدەن ەركە سامال ەسىپ تۇردى. بو - اۋ حالىقارالىق جينالىس ورتالىعىنىڭ باستى جيىن زالىنا سيلى قوناقتار جينالدى. تۇستەن بۇرىن ساعات 10 شاماسىندا شي جينپيڭ بۋرۋنديدىڭ سولتانى حاسسانال، قازاقستاننىڭ زۇڭتۇڭى نۇرسولتان نازاربايەۆ، بيرمانىڭ زۇڭتۇڭى ۋ دىڭشىڭ، پەرۋدىڭ زۇڭتۇڭى حۋمالا، زامبيانىڭ زۇڭتۇڭى ساتا، فينلانديانىڭ زۇڭتۇڭى نينيەست، مەكسيكانىڭ زۇڭتۇڭى پەنا، كامبودجانىڭ باس ءۋازىرى حۇڭسىن، جاڭا زەلانديانىڭ زۇڭليى جون. كەي، اۆستراليانىڭ زۇڭليى گيللارد، سونداي - اق الجيريا ۇلت پالاتاسىنىڭ باستىعى ب. سالاح، موڭعۇليا ۇلكەن حورالىنىڭ ءتوراعاسى ەنكىبولد، 67 - كەزەكتى ب م ۇ جينالىسىنىڭ ءتوراعاسى جەپەميح، حالىقارالىق اقشا قورى ۇيىمىنىڭ باس تورەشىسى لاگاردە سياقتى شەتەلدىك ساياسي قايراتكەرلەرمەن بىرگە جيىن زالىنا كىرگەندە الاڭدى شاتىرلاعان شاپالاق ءۇنى كەرنەدى.
قىزۋ مەرەيلى شاپالاق ءۇنى ىشىندە شي جينپيڭ مىنبەگە شىعىپ، «ازيانىڭ جانە دۇنيە ءجۇزىنىڭ جارقىن بولاشاعىن بىرگە جاراتايىق» دەگەن تاقىرىپتا باستى ماقسات تۋرالى لەكسيا جاسادى.
شي جينپيڭ مىنالاردى اتاپ كورسەتتى: قازىر حالىقارالىق جاعدايدا تولاسسىز تەرەڭ دە كۇردەلى وزگەرىستەر تۋىلۋدا، بەيبىتشىلىك، دامۋ، سەلبەستىك، ورتاق پايدا تابۋ كوزدەلەتىن حالىقارالىق اۋقىم اناعۇرلىم كۇشەيە ءتۇستى. سونىمەن قاتار، جەر ءجۇزى ءالى دە تىم - تىنىش ەمەس، دامۋ ماسەلەسى ءالى دە كورنەكتى ورىندا، دۇنيە ءجۇزى ەكونوميكاسى ماندىك رەتتەۋ كەزەڭىنە ءوتتى. ءار ەلدىڭ ورتاق دامۋىن جۇزەگە اسىرۋدا اتقارار مىندەت اۋىر، باسار جول ۇزاق.
شي جينپيڭ مىنالاردى باسا دارىپتەدى: ازيا − تاڭداعى جەر جۇزىندە دامۋ ومىرشەڭدىك كۇشى مەن كومەسكى كۇشى ەڭ زور قۇرلىقتاردىڭ ءبىرى، ول دۇنيە ءجۇزى ەكونوميكاسىنىڭ قالپىنا كەلۋى مەن ارتۋىن دەمەيتىن ماڭىزدى تىرەككە اينالدى، تاياۋ جىلداردان بەرى، دۇنيە ءجۇزى ەكونوميكاسىنىڭ ارتۋىنا قوسقان ۇلەسى %50تەن استى. ءبىز ازيادا ءالى دە كوپتەگەن قيىنشىلىقتار مەن سىن - سىناقتار بارىن ايقىن كورىپ كەلەمىز. ازيانىڭ دامۋى تولقىن جارا العا تارتىپ، فورماعا بۇرىلىس جاساپ، دارەجەنى جوعارىلاتۋعا مۇقتاج، دامۋ − ءالى دە ماڭداي الدى ءىرى ءىس.
شي جينپيڭ مىنالاردى اتاپ كورسەتتى: ادامزاتتىڭ ءبىر عانا جاسىل شارى بار، بارلىق مەملەكەت ءبىر دۇنيەدە قاتار جاساپ كەلەدى. ءبىز تاعدىر ورتاقتىعى تانىمىن بەرىك ورناتىپ، ازيانىڭ جانە دۇنيە ءجۇزىنىڭ ورتاق دامۋىن جەبەي ءتۇسۋىمىز ءتيىس. ءبىرىنشى، وزگەرتۋگە، جاڭالاۋعا باتىل بولىپ، ورتاق دامۋدى دەمەۋگە مۇمكىندىكتىڭ بارىنشا قوزعاۋشى كۇش دايىنداۋ. ۇيلەسىمسىز، ۋاقىتى وتكەن كونە كوزقاراستى تاستاپ، وركەندەۋگە تۇساۋ بولاتىن ەسكى بۇعاۋدى تالقانداپ، ەكونوميكانىڭ دامۋ فورماسىنا بۇرىلىس جاساۋ، ەكونوميكالىق قۇرىلىمدى رەتتەۋ تەبىنىن كۇشەيتىپ، حالىق تۇرمىسىنا اناعۇرلىم ءمان بەرىپ، حالىقارالىق ەكونوميكا مەن فينانس جۇيەسىنىڭ رەفورماسىن ورنىقتى جۇرگىزىپ، الەمدىك وڭاۋ مەحانيزمىن كەمەلدەندىرۋ كەرەك.
ەكىنشى، بەيبىتشىلىكتى ءبىر نيەتتە قورعاپ، ورتاق دامۋدى جەبەۋگە حاۋىپسىزدىك جاعىنان كەپىلدىك ەتۋ. حالىقارالىق قوعام جالپىلىق حاۋىپسىزدىك، ورتاق حاۋىپسىزدىك، سەلبەستىك حاۋىپسىزدىگى تانىم - تۇسىنىگىن دارىپتەپ، جەر شارىن ءوزارا مۇيىزدەسەتىن باسەكە الاڭىنا، ءتىپتى، ءبىر جاقتىڭ جەكە مۇددەسى ءۇشىن ءبىر ءوڭىردى، اۋەلى، دۇنيە ءجۇزىن بىلىقتىراتىن مايدانعا ەمەس، قايتا دامۋدى ورتاق ويلاساتىن الىپ مىنبەگە اينالدىرۋىمىز ءتيىس.
ءۇشىنشى، سەلبەستىكتى كۇش سالا ىلگەرىلەتىپ، ورتاق دامۋدى دەمەۋگە ۇتىمدى جول اشۋ. «جالعىز اعاش ورمان بولماس، بارلىق گۇل شەشەك اتقاندا عانا كوكتەم كەلەر» دەگەن. ءار ەل ءبىر - ءبىرىنىڭ كەم - كەتىگىن تولىقتاپ، ابزالدىلىق ارقىلى قاجەتتى قاندىرىپ، ءوز ەلىنىڭ مۇددەسىن كوزدەۋمەن بىرگە، وزگە ەلدەرگە دە ۇيلەسىمدى كوڭىل ءبولىپ، ءتول وركەندەۋگە تالپىنۋ بارىسىندا ءار ەلدىڭ قاتار دامۋىن دەمەۋى قاجەت.
ءتورتىنشى، اشىق - جارقىن، كەڭ پەيىل بولىپ، ورتاق دامۋدى دەمەۋگە ۇلان - قايىر ءورىس اشۋ. ءار ەلدىڭ قوعامدىق ءتۇزىم مەن دامۋ جولىن ءوزى تاڭداۋ ۇقىعىنا قۇرمەت ەتىپ، دۇنيە ءجۇزىنىڭ الۋان تۇرلىلىگى مەن مەملەكەتتەردىڭ پارقىن دامۋدىڭ ومىرشەڭدىك كۇشى مەن كومەسكى كۇشىنە اينالدىرۋ كەرەك. قاقپانى اشىق ۇستاۋ رۋحىندا بولىپ، وڭىرلىك سەلبەستىكتى ىلگەرىلەتۋ ءتيىس.
ي جينپيڭ مىنالاردى اتاپ كورسەتتى: جۇڭگونىڭ دامۋى ازيا مەن دۇنيە جۇزىنەن قول ۇزە المايدى، ازيا مەن دۇنيە ءجۇزىنىڭ كوركەيۋى دە، ورنىقتى بولۋى دا جۇڭگونى قاجەت ەتەدى. ج ك پ - نىڭ 18 - قۇرىلتايى جۇڭگونىڭ مۇنان كەيىنگى ءبىر مەزگىلدەگى دامۋ جوسپارىن ايقىنداپ بەردى. ءبىز رەفورما جاساۋعا، ەسىك اشۋعا بۇلجىماي تاباندى بولىپ، ەكونوميكانىڭ دامۋ فورماسىنا بۇرىلىس جاساۋ سىندى باستى جەلىنى مىقتى يگەرىپ، زەيىن - زەردەنى شوعىرلاندىرا وتىرىپ، ءوز ىستەرىمىزدى جاقسى ىستەپ، سوتسياليستىك وسىزامانداندىرۋ قۇرىلىسىن ۇزدىكسىز ىلگەرىلەتە بەرەمىز.
شي جينپيڭ مىنالاردى باسا دارىپتەدى: جۇڭگو كورشى ەلدەرمەن تاتۋ بولىپ، ولارمەن سەلبەستىك جاساپ، ءوزىنىڭ دامۋداعى يگى ىقپالىن ىرگەلەس ەلدەرگە جەتكىزۋگە قۇلشىنادى. ءبىز ازيانىڭ جانە دۇنيە ءجۇزىنىڭ دامۋىن، گۇلدەنىپ - كوركەيۋىن بارىنشا جەبەيمىز. مۇنان كەيىنگى 5 جىلدا جۇڭگو قۇنى 10 تريلليون دوللار شاماسىندا تاۋار يمپورت ەتەدى، شەتەلدەرگە قارجى قوسۋ كولەمى 500 ميلليارد دوللارعا جەتەدى، جۇڭگودان شەتەلدەرگە ساياحاتتاي باراتىندار 400 ميلليون ادام - رەتتەن اسۋى مۇمكىن. جۇڭگو نەعۇرلىم وركەندەگەن سايىن، ازياعا جانە دۇنيە جۇزىنە سولعۇرلىم دامۋ ورايىن اكەلەدى. ءبىز ازيانىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن مىزعىماي قورعايمىز. جۇڭگو مەملەكەتتىڭ يەلىك ۇقىعىن، حاۋىپسىزدىگىن، تەرريتوريا بۇتىندىگىن باتىل قورعاۋ نەگىزىندە، كورشى ەلدەرمەن قاتىناسىن جانە وڭىرلىك بەيبىتشىلىك، ورنىقتىلىق جالپى جاعدايىن قورعاۋعا كۇش سالادى. ءبىز ازيا جانە دۇنيە ءجۇزى كولەمىندە وڭىرلىك سەلبەستىكتى بەلسەنە ورىستەتىپ، ازيانىڭ وڭىرلىك سەلبەستىگىنە بەلسەنە ات سالىسىپ، ساۋدا مەن قارجى قوسۋدىڭ ەرىكتى، قولايلى بولۋىن ۇزدىكسىز دارىپتەپ جانە جەبەپ، تۇستىك پەن تەرىستىكتىڭ پارقىن ازايتۋعا كۇش سالامىز.
شي جينپيڭ سوڭىندا مىنالاردى ءبىلدىردى: ازيا مەن دۇنيە ءجۇزىنىڭ بەيبىتشىلىك، دامۋ، سەلبەستىك جاساپ، تەڭ پايداعا كەنەلۋ ىستەرىنىڭ كومبەسى، شەگى بولمايدى، تىڭ تۇعىرلار بىرىنەن سوڭ ءبىرى باستالىپ وتىرادى. جۇڭگو 5 قۇرلىقتاعى دوستارمەن تىزە قوسا وتىرىپ، ازيا مەن دۇنيە ءجۇزىنىڭ جارقىن بولاشاعىن بىرگە اشىپ، ازيا مەن دۇنيە ءجۇزى حالىقتارىنا باقىت جاراتۋدى قالايدى.
2013 - جىلعى بو - اۋ ازيا تالقى مىنبەرى 6 - ساۋىردەن 8 - ساۋىرگە دەيىن وتكىزىلەدى، باستى تاقىرىبى: «جاڭالىققا كوشۋ، جاۋاپكەرشىلىك، سەلبەسۋ: ورتاق دامۋعا تالپىنعان ازيا». 5 قۇرلىقتاعى مەملەكەتتەر مەن رايونداردان كەلگەن باسشىلار، حالىقارالىق ۇيىمداردىڭ جاۋاپتىلارى، ساياسي، ساۋدا - ونەركاسىپ سالاسىنداعى قايراتكەرلەر، ماماندار، وقىمىستىلار بولىپ، جيىنى 2500 نەشە ادام تالقى مىنبەرىنە قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
