ءتوراعا شي جينپيڭ ءۇندىستاننىڭ زۇڭليى سينگپەن كەزدەستى

شي جينپيڭ ورايدى مىقتى يگەرىپ، تىزە قوسا سەلبەسىپ، جۇڭگو مەن ءۇندىستاننىڭ ستراتەگيالىق سەلبەستىك-ارىپتەستىك قاتىناسىنىڭ تىڭ بەلەسكە كوتەرىلۋىن جەبەۋ كەرەك دەدى

2013.10.24 15:30   كەلۋ قاينارى : حالىق تورابى

　　شينحۋا اگەنتتىگىنىڭ 23-قازاندا بەيجيڭنەن بەرگەن حابارى. مەملەكەت ءتوراعاسى شي جينپيڭ 23 – قازاندا دياۋيۇتايداعى مەملەكەتتىك قوناق ۇيدە ءۇندىستاننىڭ زۇڭليى سينگپەن كەزدەستى.

　　شي جينپيڭ سينگتىڭ مۋكەرجە زۇڭتۇڭ مەن ۇلتتىق قۇرىلتاي پارتياسىنىڭ ءتوراعاسى سونيا گانديگە ىقىلاستى سالەمىن جەتكىزۋىن ءوتىندى. شي جينپيڭ بىلاي دەدى: ءسىز ءۇندىستاننىڭ ساقا ساياساتكەرى ءارى جۇڭگو حالقىنىڭ ەجەلگى دوسى رەتىندە جۇڭگو مەن ءۇندىستان قاتىناسىنىڭ دامۋى جولىندا ماڭىزدى ۇلەستەر قوستىڭىز. جۇڭگو مەن ءۇندىستان تاريحى ۇزاق، وركەنيەتتى بايىرعى ەل ءارى بۇگىنگى تاڭداعى دۇنيە جۇزىندەگى دامۋ ۇستىندەگى ەكى ءىرى ەل. ەكى ەلدىڭ جان سانىن قوساتىن بولساق دۇنيە ءجۇزى جان سانىنىڭ 3/1 ىنەن اسادى. جۇڭگو-ءۇندىستان قاتىناسى ەكى جاقتىلى قاتىناس كاتەگورياسىنان الدەقاشان اتتاپ ءوتىپ، جەر شارىلىق جانە ستراتەگيالىق مانگە يە بولدى. مەن سينگ زۇڭيلدىڭ دۇنيە ءجۇزىنىڭ جۇڭگو مەن ءۇندىستاننىڭ ورتاق دامۋىنا جەتكىلىكتى كەڭىستىك جاراتىپ بەرە الادى دەگەن ءسوزىن قۇپتايمىن. مەنشە دۇنيە ءجۇزى دە جۇڭگو مەن ءۇندىستاننىڭ ورتاق دامۋىنا مۇقتاج. بۇگىنگى تاڭداعى دۇنيە جۇزىندەگى ەڭ ماڭىزدى ەكى جاقتىلى قاتىناس رەتىندە، جۇڭگو-ءۇندىستان قاتىناسى ەكى ەل حالقىنا باقىت جاراتىپ قالماستان، ازيانىڭ ءتىپتى دۇنيەنىڭ بولاشاق بەتالىسىنا تەرەڭ ىقپال جاسايدى.

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى