- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ پۋتينمەن، موديمەن جانە زۋمامەن جەكە - جەكە كەزدەستى
2014.07.17 14:08 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 14 - شىلدەدە برازيليانىڭ فورتالەزاسىنان بەرگەن حابارى. جەرگىلىكتى ۋاقىت 14 - شىلدەدە مەملەكەت ءتوراعاسى شي جينپيڭ برازيليانىڭ فورتالەزاسىندا رەسەيدىڭ زۇڭتۇڭى پۋتينمەن كەزدەستى.
شي جينپيڭ بىلاي دەدى: كەلەسى قادامدا جۇڭگو مەن رەسەي ساياسي جاقتا ءوزارا قولداۋ تەبىنىن ۇزدىكسىز كۇشەيتىپ، سەلبەستىكتى تەرەڭدەتىپ جانە كەڭەيتىپ، ستراتەگيالىق ءىرى نىسانداردى بىرلەسىپ زەرتتەپ اشۋ، جالپىلاستىرىپ پايدالانۋ، ءوندىرۋ ىستەرىن جاپپاي ورىستەتىپ، اسكەري ىستەر، حاۋىپسىزدىك سالالارىندا شىنايى، بىرلەسكەن ارەكەتتەر قولدانۋ، گۋمانيتارلىق سالادا بىرلەسىپ مەكتەپ اشۋ، مادەنيەتتى بىرگە دامىتۋ ىستەرىنە شابىت بەرىپ، قولداۋ كورسەتۋ كەرەك. ەكى ەل حالىقارالىق ىستەردە ءتىپتى دە كوپ بىرلەسكەن ارەكەت قولدانىپ، بريكس ەلدەرىنىڭ سەلبەستىگىن بىرگە ىلگەرىلەتىپ، سويلەۋ ۇقىعى مەن ىقپالىن كۇشەيتىپ، جەر شارىن باسقارۋدى كەمەلدەندىرىپ، حالىقارالىق قاتىناستىڭ دەموكراتيالانۋىن جەدەلدەتىپ، دۇنيە ءجۇزىنىڭ بەيبىتشىلىگى مەن دامۋىن جەبەۋ كەرەك.
پۋتين بىلاي دەدى: رەسەي جۇڭگومەن بىرگە قۇلشىنىپ، الداعى سەلبەستىك ىستەرىن جاپپاي ۋاعىندا تياناقتاندىرىپ جانە جوسپارلاپ، ەكى جاقتى ساۋدا جانە قارجى قوسۋ كولەمىن كەڭەيتىپ، ەنەرگيا، عىلىم - تەحنيكا، اۆياتسيا، عارىش، قاتىناس نەگىزدىك قۇرىلعىلارى، بىرلىك اقشا ايىرباسى سياقتى سالالارداعى سەلبەستىكتى ءتۇيىندى تۇردە ىلگەرىلەتۋدى، رەسەي مەن جۇڭگونىڭ باتىس جەلىدەگى تابيعي گاز قۇبىرى كەلىسىمى جونىندەگى كەلىسسوزىن ەرتەرەك باستاۋدى، شاڭحاي سەلبەستىك ۇيىمى، 20 ەل توبى سياقتى جۇلگەلەردەگى سايكەستىكتى ۇزدىكسىز كۇشەيتۋدى، حالىقارالىق اقشا قور ۇيىمىنىڭ ۇلەس رەفورماسىن بىرگە جەدەلدەتۋدى، عالامتور حاۋىپسىزدىگىن بىرگە قورعاۋدى قالايدى. ءتوراعا شي جينپيڭمەن قويۋ بارىس - كەلىس جاساسىپ تۇرۋدى قالايمىن، بيىل قاراشادا جۇڭگوعا بارىپ، ازيا - تىنىق مۇحيت ەلدەرى ەكونوميكالىق سەلبەستىك ۇيىمى باسشىلارىنىڭ بەيرەسمي كەڭەسىنە قاتىناسۋدى اسىعا كۇتەمىن.
شينحۋا اگەنتتىگىنىڭ 14 - شىلدەدە برازيليانىڭ فورتالەزاسىنان بەرگەن حابارى. جەرگىلىكتى ۋاقىت 14 - شىلدەدە مەملەكەت ءتوراعاسى شي جينپيڭ برازيليانىڭ فورتالەزاسىندا ءۇندىستاننىڭ زۇڭليى موديمەن كەزدەستى.
شي جينپيڭ بىلاي دەدى: ءۇندىستان مەن جۇڭگو دۇنيە جۇزىندەگى ماڭىزدى ءبىر ۇيەك، كوپتەگەن ستراتەگيالىق ۇقساستىققا يە. جۇڭگو مەن ءۇندىستان ءبىر اۋىزدى پىكىر بىلدىرسە، تۇتاس دۇنيە ءجۇزى دەن قويا تىڭدايدى. جۇڭگو مەن ءۇندىستان قول ۇستاسىپ، سەلبەستىك جاساسسا، كۇللى الەم نازار اۋدارادى. مەيلى ەكى جاقتى، وڭىرلىك، نە جەر شارىندىق تۇرعىدان الساق تا، جۇڭگو مەن ءۇندىستان باسەكە ارىپتەسى بولماستان، قايتا ۇزاق مەزگىلدىك ستراتەگيالىق، سەلبەستىك سەرىك. بەيبىت دامۋدى، سەلبەستىكپەن دامۋدى، باۋىرمالدىلىقپەن دامۋدى بىرگە ىسكە اسىرىپ، ەكى ەلدەگى 2 ميلليارد 500 ميلليون حالىقتىڭ تۇرمىس ورەسىن جوعارىلاتىپ، ءوڭىر، سونداي - اق دۇنيە ءجۇزى ءۇشىن بەيبىتشىلىك جانە دامۋ كۇشتەرىن مولايتۋ ءبىزدىڭ ەڭ ۇلكەن ورتاق مۇددەمىزگە سايادى.
مودي بىلاي دەدى: تاياۋدا ءۇندىستان، جۇڭگو، بيرما بەيبىت قاتار تۇرۋدىڭ 5 پرينسيبى جاريالانعانىنىڭ 60 جىلدىعىن ەسكە الۋ قيمىلىن بىرگە وتكىزدى، ءتوراعا شي جينپيڭنىڭ سونداعى ماڭىزدى ءسوزى ماعان تەرەڭ اسەر قالدىردى. مەنىڭ باسشىلىعىمداعى ءۇندىستان جاڭا ۇكىمەتى ءۇندىستان مەن جۇڭگونىڭ دوستىق، سەلبەستىك قاتىناسىن دامىتۋعا رازى، بۇل ءۇندىستان جونىنەن ەرەكشە ماڭىزدى.
شينحۋا اگەنتتىگىنىڭ 14 - شىلدەدە برازيليانىڭ فورتالەزاسىنان بەرگەن حابارى. جەرگىلىكتى ۋاقىت 14 - شىلدە كۇنى مەملەكەت ءتوراعاسى شي جينپيڭ برازيليانىڭ فورتالەزاسىندا وڭتۇستىك افريكانىڭ زۇڭتۇڭى زۋمامەن كەزدەستى.
شي جينپيڭ مىنانى اتاپ كورسەتتى: جۇڭگو مەن وڭتۇستىك افريكا تاعدىرلاس ورتاق تۇلعا، افريكا ەلدەرىمەن دامۋ تاجىريبەلەرىمىزدەن ورتاق يگىلىكتەنۋگە، افريكانىڭ بەيبىتشىلىك، حاۋىپسىزدىك ىستەرىنە بەلسەندىلىكپەن قاتىناسۋعا، افريكانىڭ ەل ارالىق، ءوڭىر ارالىق حابارلاسۋ نىساندارىن ىلگەرىلەتۋگە، افريكانىڭ ءبىر تۇلعالانۋىن جەبەۋگە اناعۇرلىم زور ۇلەس قوسۋعا پەيىلمىز. جۇڭگو وڭتۇستىك افريكامەن جۇڭگو مەن افريكا ەلدەرى سەلبەستىك تالقى مىنبەرى جۇلگەسىندەگى سەلبەستىگىن كۇشەيتىپ، جۇڭگو مەن افريكانىڭ جاڭاشا ستراتەگيالىق سەرىكتەستىك قاتىناسىن جاپپاي تەرەڭدەتۋگە رازى.
زۋما بىلاي دەدى: وڭتۇستىك افريكا ونەركاسىپتەندىرۋدى جانە شارۋاشىلىقتىڭ كوپ نەگىزدەنۋىن جەدەل ىسكە اسىرۋدا، افريكانىڭ بەيبىتشىلىگىن، ورنىقتىلىعىن، دامۋىن جەبەۋگە كۇش سالادى، جۇڭگومەن جالپى بەتتىك ستراتەگيالىق سەرىكتەستىك قاتىناستى كۇشەيتىپ، كەلەلى حالىقارالىق جانە وڭىرلىك ماسەلەلەردەگى بارىس - كەلىس پەن سايكەستىكتى نىعايتۋدى، ەكونوميكالىق ساۋدا، ەنەرگيا سياقتى سالالارداعى سەلبەستىكتى كەڭەيتۋدى ءۇمىت ەتەدى. وڭتۇستىك افريكا جۇڭگو كاسىپورىندارىنىڭ وڭتۇستىك افريكانىڭ ەكونوميكالىق، قوعامدىق دامۋىنا بەلسەندىلىكپەن قاتىناسۋىن قارسى الادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
