شي جينپيڭ كۋبانىڭ مەملەكەت ىستەرى كوميتەتىنىڭ ءتوراعاسى جانە مينيسترلەر كەڭەسىنىڭ ءتوراعاسى راۋل كاسترومەن كەڭەس وتكىزدى

ءوزارا ادال دوستىقتى بۇلجىماستان تەرەڭدەتىپ، ءوزارا تيىمدىلىك جەتكىزىپ، تەڭ يگىلىكتەنەتىن سەلبەستىكتى بۇلجىماستان ورىستەتىپ، رەفورما مەن دامۋدىڭ سەنىمدى سەرىكتەسى بولۋ باسا دارىپتەلدى

2014.07.24 15:45   كەلۋ قاينارى : حالىق تورابى

　　حالىق تورابى، 22 - شىلدە، حاۆانا. جەرگىلىكتى ۋاقىت 22 - شىلدە كۇنى مەملەكەت ءتوراعاسى شي جينپيڭ حاۆانادا كۋبانىڭ مەملەكەت ىستەرى كوميتەتىنىڭ ءتوراعاسى جانە مينيسترلەر كەڭەسىنىڭ ءتوراعاسى راۋل كاسترومەن كەڭەس وتكىزدى.

　　راۋل كاسترو شي جينپيڭنىڭ كۋباعا ساپارلاي كەلگەنىن قىزۋ قارسى الدى ءارى كەزىندە جۇڭگودا ساپاردا بولعان كەزىن تەبىرەنە ەسكە الىپ، ەكى ەل قاتىناسىنىڭ ەڭ تاماشا تاريحي مەزگىلگە ەنىپ، ەل سەلبەستىگىنىڭ ءار قايسى سالالارعا كەڭەيۋ ۇستىندە ەكەندىگىن ءبىلدىردى. ول ءتوراعا شي جينپيڭنەن ەكى ەل قاتىناسىن دامىتۋ جونىندە ىشكەرىلەي پىكىر الماستىرۋدى ءارى ءبىرقىدىرۋ ماڭىزدى سەلبەستىك جاساسۋ كەلىسىمدەرىنە قول قويۋدىڭ كۋاشىلارى بولۋ ارقىلى سەلبەستىكى كۇشەيتۋ جاعىنداعى ورتاق تىلەگىمىزدى ايگىلەۋدى ءۇمىت ەتەمىن دەدى.

　　شي جينپيڭ مىنانى اتاپ كورسەتتى: ديپلوماتيالىق قاتىناس ورناتقان 54 جىلدان بەرى، جۇڭگو مەن كۋبا ورتاق مۇرات جولىندا، ورتاق سەنىمدە باستان - اياق تاباندى بولىپ، سوتسياليزم قۇرۋ جولىندا تار جول تايعاق كەشۋلەردى بىرگە وتكەرىپ، تاعدىرلاس، تىنىستاس بولىپ كەلدى؛ قاي - قاشاندا ءبىر بىرىنە ادال بولىپ، ءبىر - بىرىنە قۇرمەت ەتىپ، سەلبەستىكتى تەڭدىك، ءوزارا تيىمدىلىك تۇرعىسىنان ورىستەتىپ، بىرلىكتە دامۋدى جەبەپ كەلدى؛ قاي-قاشاندا اۋقىمعا ۇيلەسىپ، داۋىرمەن جارىسا العا ىلگەرىلەپ، ەكى ەلدىڭ قاتىناسىنا تىڭ قوزعاۋشى قۋات قوسىپ وتىردى. جۇڭگو ەكى ەلدىڭ ءداستۇرلى دوستىعىن قاستەرلەيدى، حالىقارالىق جاعدايدا مەيلى قانداي وزگەرىستەر بولسىن، ەكى ەلدىڭ باياندى دوستىعىنا تاباندى بولۋ جۇڭگونىڭ بۇلجىماس باعىتى. ءبىز ءوزارا ادال دوستىقتى بۇلجىماستان تەرەڭدەتىپ، ءوزارا تيىمدىلىك جەتكىزىپ، تەڭ يگىلىكتەنەتىن سەلبەستىكتى بۇلجىماستان ورىستەتىپ، رەفورما مەن دامۋدىڭ سەنىمدى سەرىكتەسى بولامىز.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى