لي كىچياڭ ارناۋلى قور ورنالاستىردى: توزاڭدى تۇماندى الاستاۋ شايقاسى شوعىرلى جۇرگىزىلەدى

2017.03.20 16:15   كەلۋ قاينارى : حالىق تورابى

　　17 – ناۋرىز تۇستەن كەيىن لي كىچياڭ زۇڭلي «ۇكىمەت قىزمەتىنەن باياندامانى» تياناقتاندىرۋ قىزمەتىنە جاڭا مىندەت قوستى: ارناۋلى قور ورنالاستىرىپ، قاتىستى عىلىم سالاسىنداعى ۇزدىك عالىمداردى ۇيىمداستىردى، الدا توزاڭدى تۇماننىڭ قالىپتاسۋ قاعيداسىن زەرتتەۋ جانە ونى وڭاۋ جونىندە شوعىرلى شايقاس جۇرگىلەتىن بولدى.

　　«مەن وسى جولى شانشي ۋاكىلدەر ۇيىرمەسىنىڭ تالقىسىنا قاتىناسقاندا، جۇڭگو عىلىم اكادەمياسىنىڭ ءبىر اكادەميگى ماعان وزدەرىنىڭ ون نەشە جىل تاباندىلىقپەن زەرتتەۋ ارقىلى جۇڭگونىڭ سولتۇستىك وڭىرىندە قىستا پايدا بولاتىن توزاڭدى تۇماننىڭ دۇنيە ءجۇزى بويىنشا سيرەك كەزدەسەتىنىن بايقاعاندارىن، وندا بىزگە قانىق كومىر جاعۋدان، قالدىق گازدى ىعىستىرۋدان پايدا بولاتىن شاڭ – توزاڭنان تىس، باسقا دا فاكتورلاردىڭ بار ەكەنىن ايتقان بولاتىن». زۇڭلي مەملەكەتتىك كەڭەستىڭ ۇنەمىلىك ىستەر ماجىلىسىندە بىلاي دەگەن بولاتىن: بۇل قىزمەت «ۇكىمەت قىزمەتىنەن بايانداماعا» جازىلعان جوق، الايدا مەن تىلشىلەردى قابىلداۋ جيىنىندا ۋادە بەرگەنمىن. ءبىز بۇگىن ارناۋلى قور ورنالاسترىپ، تاراۋلار ارا كوپتەگەن عالىمدى ۇيىمداستىرىپ، توزاڭدى تۇماندى الاستاۋ شايقاسىن شوعىرلى جۇرگىزۋگە بەكىدىك.

　　ەكى كۇننىڭ الدىندا وتكىزىلگەن تىلشىلەردى قابىلداۋ جيىنىندا لي كىچياڭ تىلشىلەردىڭ سۇراۋىنا جاۋاپ قايتارعاندا بىلاي دەپ ايقىن اتاپ كورسەتكەن بولاتىن: مەملەكەت ارناۋلى قور ورنالاستىرىپ، قاتىستى تاراۋلاردان ۇزدىك عالىمداردى قامال الۋعا ۇيىمداستىرىپ، توزاڭدى تۇماننىڭ قالىپتاسۋىنداعى ايقىن ەمەس فاكتورلاردى زەرتتەۋدى مىقتى يگەرىپ، ونى بارىنشا وڭاۋعا كۇش سالادى. 17 – ناۋرىزدا وتكىزىلگەن ۇنەمىلىك ىستەر ماجىلىسىندە قاتىستى تاراۋلاردىڭ جاۋاپتىلارى دا بىلاي دەدى: توزاڭدى تۇماندى زەرتتەۋدە باستىسى ءبىرىنشى رەتكى ىعىستىرۋعا نازار سالىنىپ وتىر، ەكىنشى رەتكى ىعىستىرۋداعى كەيبىر قاعيدالار انىق زەرتتەلگەن جوق. ارناۋلى قور ورنالاسترىپ، توزاڭدى تۇماننىڭ ەكىنشى رەت قالىپتاسۋىنداعى زاڭدىلىقتى انىق اشۋ ونى عىلمي جونگە سالۋدا توتەنشە ماڭىزدى مانگە يە.

　　لي كىچياڭ بىلاي دەدى: «قازىر ءبىزدىڭ توزاڭدى تۇماندى زەرتتەۋ ءتاسىلىمىز بىرنەشە ءتۇرلى، مۇندا نەنىڭ ‹تۇمان›، نەنىڭ ‹توزاڭ› ەكەنى انىق بولماي وتىر. توزاڭدى تۇماننىڭ قالىپتاسۋىنداعى زاڭدىلىق پەن ونىڭ قۇرامىن انىقتاۋ جاعىندا ءتىپتى دە ىشكەرىلەي زەرتتەۋ جۇرگىزۋىمىز كەرەك. مەيلى كليماتتى، مەيلى توپىراقتى زەرتتەيىك، قاتىستى عىلىم سالاسىنداعى كۇشتەر ۇيىمداسۋى، عىلىم اتتاپ زەرتتەۋ جۇرگىزىپ قامال الۋى، اۋانى تازارتۋ شايقاسىن باتىلدىقپەن جۇرگىزىپ، كوپشىلىككە كوك اسپان سيلاۋى كەرەك!»

　　ول مىنالاردى دارىپتەدى: توزاڭدى تۇمان حالىقتىڭ دەنساۋلىعىنا سايادى، حالىق بۇقاراسى بۇل جاعىنان زور ءۇمىت ارتۋدا، بۇل حالىقتىڭ باس قاتىرار ماسەلەسىنە، شۇعىل مىندەتكە اينالدى. سوندىقتان ۋاقىتتى ۇتىپ كەڭ كولەمدە جوعارى ساپالى تەكسەرۋ – زەرتتەۋ جۇرگىزىپ، توزاڭدى تۇماندى وڭاۋدىڭ ءونىمدى شاراسىن تاۋىپ، حالىق بۇقاراسىنا ريزا بولارلىقتاي جاۋاپ قايتارىمىز كەرەك.

　　لي كىچياڭ بىلاي دەدى: «بۇگىن مەملەكەتتىك كەڭەستەن ارناۋلى قارجىنى بەكىتتىك، وسى ماسەلەدەن شوعىرلى قامال الامىز. ەكى بومبى مەن ءبىر جاساندى سەرىكتى دە زەرتتەپ شىققانبىز، حالىقتىڭ كوكەيتەستى تىلەگىنە ساياتىن وسى قيىن ماسەلەنى دە شەشۋىمىز كەرەك! قانشالىق اقشا كەتسە مەيلى، زەرتتەۋدەن ناتيجە شىعارساق بولعانى!»

　　كەلۋ قاينارى: حالىق تورابى