شاڭحاي سەلبەستىك ۇيىمىنىڭ چيڭداۋ سامميتى وتكىزىلدى
شي جينپيڭ ءماجىلىستى باسقاردى ءارى ماڭىزدى ءسوز سويلەپ «شاڭحاي رۋحىن» اناعۇرلىم اسقاقتاتۋدى، شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇرۋدى دارىپتەدى
2018.06.11 14:48 كەلۋ قاينارى : حالىق تورابى
«حالىق گازەتى»، 10 – ماۋسىم، چيڭداۋ (تىلشىلەر شۇي جينگىڭ، ۋاڭ شياۋدۇڭ، دۋ شاڭزى، ۋاڭ يۋان). شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 18 - رەتكى ءماجىلىسى 10 - ماۋسىمدا چيڭداۋ حالىقارالىق ءماجىلىس ورتالىعىندا وتكىزىلدى. جۇڭگونىڭ مەملەكەت ءتوراعاسى شي جينپيڭ ءماجىلىستى باسقاردى ءارى ماڭىزدى ءسوز سويلەدى. شاڭحاي سەلبەستىك ۇيىمىنا مۇشە ەلدەردىڭ باسشىلارى، تۇراقتى قۇرىلىمداردىڭ جاۋاپتىلارى، باقىلاۋشى ەلدەردىڭ باسشىلارى جانە ب م ۇ سياقتى حالىقارالىق ۇيىمداردىڭ جاۋاپتىلارى ماجىلىسكە قاتىناستى. ماجىلىسكە قاتىناسقان ءارقايسى جاق شاڭحاي سەلبەستىك ۇيىمىنىڭ دامۋ بارىسىنا قايىرىلا قاراپ، ۇيىم دامۋىنىڭ قازىرگى احۋالى، مىندەتى، بولاشاعى تۋرالى ىشكەرىلەي پىكىر اۋىستىرىپ، ماڭىزدى حالىقارالىق جانە وڭىرلىك ماسەلەلەر جونىندەگى تۇرعىلارىن سايكەستىرىپ، كەڭ ورتاق تانىمعا قول جەتكىزدى.
ماۋسىم ايىنداعى چيڭداۋ سىزعان سۋرەتتەي اسەم كوركىمەن كوز تارتتى. حالىقارالىق ءماجىلىس ورتالىعىنىڭ سىرتىندا، اشىق اسپان اياسىندا كوك تەڭىز باياۋ تولقىپ، سامميتكە قاتىناساتىن ەلدەردىڭ مەملەكەت تۋلارى، شاڭحاي سەلبەستىك ۇيىمىنىڭ تۋى جانە سامميتكە قاتىناساتىن حالىقارالىق ۇيىمداردىڭ تۋلارى اسقاق جەلبىرەپ تۇردى. تۇستەن بۇرىن ساعات 11 مولشەرىندە ءماجىلىس رەسمي باستالدى.
شي جينپيڭ باستالۋ سالتىنىڭ ارناۋ سوزىندە ەڭ الدىمەن ءارقايسى جاقتىڭ جۇڭگونىڭ شاڭحاي سەلبەستىك ۇيىمىنا ءتوراعالىق ەتكەن ءبىر جىلدان بەرگى قىزمەتىنە كورسەتكەن زور قولداۋى مەن تىعىز سەلبەستىگىنە العىس ايتىپ، بۇل رەتكى سامميتتىڭ شاڭحاي سەلبەستىك ۇيىمىنا جاڭا مۇشەلەر قوسىلعاننان كەيىن وتكىزىلگەن تۇڭعىش سامميت ەكەنىن، ونىڭ بۇرىنعىعا مۇراگەر، كەيىنگىگە بۇيداگەر بولاتىن ماڭىزدى ءمانى بار ەكەنىن اتاپ كورسەتتى. ءۇندىستاننىڭ پرەمەر مينيسترى موديدىڭ، پاكيستاننىڭ پرەزيدەنتى مامنۋن قۇسايىننىڭ مۇشە مەملەكەتتىڭ باسشىسى سالاۋاتىمەن ماجىلىسكە العاش رەت قاتىناسقانىن قارسى الدى.
وسىدان سوڭ شي جينپيڭ «<شاڭحاي رۋحىن> اسقاقتاتىپ، تاعدىرلاس ورتاق تۇلعا قۇرايىق» تاقىرىبىندا ماڭىزدى ءسوز سويلەدى (ءسوزدىڭ تولىق ءماتىنى «حالىق گازەتىنىڭ» 3 – بەتىندە جاريالاندى). شي جينپيڭ مىنالاردى اتاپ كورسەتتى: شاڭحاي سەلبەستىك ۇيىمى قۇرىلعان 17 جىلدان بەرى ايرىقشا دامۋ بارىسىنان ءوتىپ، ماڭىزدى تابىسقا قول جەتكىزدى. ءبىز «شاڭحاي سەلبەستىك ۇيىمىنىڭ ەرەجەسىن»، «شاڭحاي سەلبەستىك ۇيىمىنا مۇشە ەلدەردىڭ ۇزاق ۋاقىت تاتۋ كورشىلىك، دوستىق سەلبەستىگى تۋرالى شارتىن» نەگىز ەتىپ، وداقتاسپاۋ، قارسىلاسپاۋ، ءۇشىنشى تاراپقا باعىتتاماۋ سىندى ناتيجەلى سەرىكتەستىك قارىم - قاتىناس ورناتتىق. بۇل حالىقارالىق قارىم - قاتىناس نازارياسى مەن امالياتىنداعى ماڭىزدى جاڭالىق بولدى، ءبىز وڭىرلىك سەلبەستىكتىڭ جاڭا ۇلگىسىن اشىپ، ءوڭىردىڭ بەيبىتشىلىگى مەن دامۋى ءۇشىن تىڭ ۇلەس قوستىق. قازىرگى تاڭدا، شاڭحاي سەلبەستىك ۇيىمى دۇنيە جۇزىندە جەر كولەمى ەڭ كەڭ، حالقى ەڭ كوپ، جان - جاقتى، وڭىرلىك سەلبەستىك ۇيىمى ەسەپتەلەدى، ونىڭ حالىقارالىق ىقپالى ۇزدىكسىز جوعارىلاپ، الەمدىك بەيبىتشىلىك پەن دامۋدى جەبەيتىن، حالىقارالىق ادىلدىك پەن تەڭدىكتى قورعايتىن، نەمقۇرايدى قاراۋعا بولمايتىن ماڭىزدى كۇشكە اينالدى.
شي جينپيڭ مىنالاردى اتاپ كورسەتتى: شاڭحاي سەلبەستىك ۇيىمى جالىندى ومىرشەڭدىك كۇشىن، قۋاتتى سەلبەستىك كۇشىن ءارقاشان ساقتاپ كەلەدى، مۇنىڭ ءتۇبىرلى سەبەبى ونىڭ «شاڭحاي رۋحىن» جاسامپازدىقپەن ورتاعا قويۋىندا جانە ونى ءارقاشان جۇزەگە اسىرا بىلۋىندە، ءوزارا سەنىمدى، ءوزارا تيىمدىلىكتى، تەڭدىكتى، ءوزارا اقىل - كەڭەستى، مادەنيەتتەردىڭ سان الۋاندىعىنا قۇرمەت ەتۋدى، بىرلەسىپ دامۋعا دەگەن ۇمتىلىستى دارىپتەۋىندە. قازىرگى الەمدە حالىقارالىق قارىم - قاتىناستىڭ دەموكراتيالانۋى بوگەۋ بەرمەس ءداۋىر اعىمىنا اينالدى، حاۋىپسىزدىك پەن ورنىقتىلىق − جۇرت قالاۋى، سەلبەسىپ، تەڭ ۇتۋ − ۇلكەن بەتالىس، تۇرلىشە وركەنيەتتىڭ اۋىس - كۇيىسى، ءبىر - بىرىنەن ۇلگى الۋى ءار ەل حالقىنىڭ ورتاق تىلەگى بولىپ تابىلادى. ءبىز «شاڭحاي رۋحىن» اناعۇرلىم اسقاقتاتىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ كوزقاراسىن دارىپتەپ، ورتاق، جان - جاقتى، سەلبەسكەن، باياندى حاۋىپسىزدىك كوزقاراسىن جۇزەگە اسىرىپ، اشىق، توعىسپالى، ءوزارا ءتيىمدى، تەڭ ۇتاتىن سەلبەستىك كوزقاراسىن نەگىز ەتىپ، تەڭ، ءبىر - بىرىنەن ۇلگى الاتىن، ديالوگ جۇرگىزەتىن، سيىسىمدى وركەنيەت كوزقاراسىن ورناتىپ، اقىلداسۋ، بىرگە قۇرۋ، بىرگە يگىلىكتەنۋ سىندى جاھاندىق جونگە سالۋ كوزقاراسىندا تاباندى بولىپ، داۋىرلىك قيىن ماسەلەلەردى شەشىپ، حاۋىپ - قاتەر، سىن - سايىستاردى باسەيتۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
