بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ينتەرنەتتىڭ بولاشاعى قالاي بولادى؟ ما يۇن، ما حۋاتىڭ، ليۋ چياڭدۇڭدار بىلاي دەيدى

2017.12.07 13:40     كەلۋ قاينارى : حالىق تورابى

  رەداكتور ەسكەرتپەسى

  «سيفرلى ەكونوميكانى دامىتىپ، اشىقتىق پەن بىرگە يگىلىكتەنۋدى ىلگەرىلەتەيىك ــ عالامتور كەڭىستىگىندەگى تاعدىرلاس ورتاق تۇلعانى قول ۇستاسا بىرگە قۇرايىق» اتتى تاقىرىپتاعى 4 – كەزەكتى دۇنيە جۇزىلىك ينتەرنەت ءماجىلىسى 3 – جەلتوقساننان 5 – جەلتوقسانعا دەيىن جىجياڭ ولكەسىنىڭ ۋجىن قالاشىعىندا وتكىزىلدى. جاساندى زەردە، سيفرلى ەكونوميكا، 5G، زاتتار ينتەرنەتى، عالامتور كەڭىستىگىن جونگە سالۋ سىندى ماسەلەلەر دۇنيە جۇزىنەن كەلگەن مەيمانداردىڭ قىزۋ تالقىلاعان تۇيىنىنە اينالدى؛ الۋان ءتۇرلى جاڭا تەحنيكالار، كوزدىڭ جاۋىن الاتىن جاڭا ونىمدەر، تاڭداندىراتىن جاڭا تابىستار ءماجىلىس الاڭىنداعىلاردى، دۇنيە جۇزىندەگىلەردى جالت قاراتتى. ينتەرنەت گەنى تۇرمىسىمىزعا ەندەي كىرىپ، جاڭا تەحنيكالار ۇزدىكسىز قولايلىلىقتار تۋدىردى. بولاشاقتا ينتەرنەت قالاي وزگەرەدى؟ مۇنان دا ورەلى عىلىم – تەحنيكا جەتىستىكتەرى تۇرمىسىمىزعا قانداي اسەر ەتەدى؟ ينتەرنەت سالاسىنداعى كوشباسشىلاردىڭ ۋجىن قالاشىعىنداعى ماجىلىستە بۇل جونىندە قانداي پىكىرلەر بىلدىرگەنىن وقىپ كورىڭىز:

  اليبابا توبى القالار مەكەمەسىنىڭ ءتوراعاسى ما يۇن

  بولاشاقتاعى 30 جىلدا ينتەرنەت «باردان جوققا» اينالادى

  بولاشاقتاعى 30 جىل ىشىندە ينتەرنەت «باردان جوققا» اينالادى، مۇنداعى «جوق» دەپ وتىرعانىمىز، ينتەرنەتتىڭ پايدالانىلمايتىن جەرى جوق دەگەندى بىلدىرەدى، ول كەزدە ەشكىم دە ينتەرنەتتەن ايىرىلا المايدى

  ينتەرنەت قازىر قوعامنىڭ بارلىق سالاسىنا ىشكەرىلەي ەندى، بۇل رەتكى تەحنيكالىق توڭكەرىستىڭ ىقپالى بۇرىنعى بارلىق تەحنيكالىق توڭكەرىستەردىڭ قوسىندىسىنان اسىپ تۇسەرى داۋسىز.

  بولاشاقتاعى 30 جىلدا ساندى مالىمەت وندىرىستىك قۇرال - جابدىقتارعا اينالىپ، ەسەپتەۋ تاسىلدەرى وندىرگىش كۇشتىڭ رولىن اتقارادى، ينتەرنەت ءبىر ءتۇرلى وندىرىستىك قاتىناس بولىپ ەسەپتەلەدى. ەگەر ءبىز ساندى مالىمەتتەنۋگە كوشپەسەك، ينتەرنەتپەن توعىسپاساق، وندا وتكەن 30 جىل ىشىندەگى توك جالعانباعان كەزدەن ارى مەشەۋ كۇي كەشەمىز.

  بولاشاقتاعى 30 جىلدا ينتەرنەت تەك ينتەرنەت سەرىكتەستىكتەرىنىڭ ينتەرنەتى بولىپ قالماستان، بۇكىل ادامداردىڭ ينتەرنەتى بولادى. ينتەرنەت وتكەن 20 جىلدا جوقتان بار بولدى دەسەك، الداعى 30 جىلدا «باردان جوققا» اينالادى، مۇنداعى «جوق» دەگەن ءسوز ينتەرنەتتىڭ پايدالانىلمايتىن جەرى جوق دەگەندى بىلدىرەدى، ول كەزدە ەشكىم دە ينتەرنەتتەن ايىرىلا المايدى.

  بىرنەشە جىلدان بەرى، دۇنيە جۇزىندە جاڭا تەحنيكا ءداۋىرى مەن جاڭا تەحنيكا جونىندە ۋايىم تارادى. شىنىن ايتقاندا، جاڭا تەحنيكالار ادامداردى جۇمىسسىز قالدىرمايدى، قايتا ادامداردى اناعۇرلىم قۇندى جۇمىستاردى ىستەۋگە جەبەيدى؛ ادامداردىڭ ءوزىن – ءوزى قايتالاۋى بولىپ قالمايدى، قايتا جاڭالىق جاراتۋ بارىسى بولىپ، ادامداردىڭ قىزمەتىن «بىرتىندەپ دامىتادى». سوندىقتان، بۇل جونىندە الاڭداۋدان كورى، بىلەك سىبانا كىرىسكەنىمىز ابزال! جاڭا تەحنيكالاردىڭ جۇمىسىمىزدى تارتىپ اكەتۋىنەن الاڭداعاننان كورى، جاڭا تەحنيكالارمەن قاۋىشىپ، جاڭا ماسەلەلەردى شەشۋىمىز، جاڭا ورايلاردى جاراتۋىمىز كەرەك.

  وتكەن 30 جىلدا ءبىز ادامدى روبوتقا اينالدىردىق؛ بولاشاقتاعى 30 جىلدا ءبىز روبوتتاردى ادامعا اينالدىرامىز؛ الايدا، ەڭ سوڭىندا روبوتتار روبوت كۇيىنشە قالادى، ادامدار ادام بولىپ جاسايدى. تەحنيكانىڭ بەتالىسىن توسۋعا كەلمەيدى، ءبىراق، روبوتتا رۋح جوق، سەنىم جوق، ادامزات وزىمىزگە سەنۋىمىز، ماشينالاردى مەڭگەرە الاتىنىمىزعا سەنۋىمىز كەرەك.

   تىڭشۇن القالار كەڭەسىنىڭ ءتوراعاسى جانە CEOى ما حۋاتىڭ

  جۇڭگو كاسىپورىندارى جاڭا تەحنيكانىڭ قوزعاۋشىلارى بولۋى كەرەك

   سيفرلى ەكونوميكا مەن ناقتى تۇلعالىق ەكونوميكانىڭ بايلانىسى، استە، ءبىرىنىڭ ورنىن ءبىرى باسۋ ەمەس، قايتا ءوزارا توعىسۋ بولىپ تابىلادى، ءبىز زەردەلى بايلانىستىرۋدان پايدالانىپ، ءار سالا ءار كاسىپتىڭ سيفرلىلانۋعا قاراي بۇرىلىس جاساۋىنا كومەكتەسۋىمىز كەرەك

  وتكەن ءبىر جىل ىشىندە سيفرلى ەكونوميكا دامۋى ەڭ تەز، جاڭالىق جاراتۋدا ەڭ بەلسەندى، ءورىسى ەڭ كەڭ ەكونوميكالىق ارەكەت بولدى. بۇكىل دۇنيە ءجۇزى كولەمىندە نەگىزگى عىلىم – تەحنيكا جەتىستىكتەرى ينتەرنەت سەرىكتەستىكتەرىمەن بىرگە ەڭ كورنەۋ ورىنعا شىعىپ، جەدەل دامۋعا يە بولدى. تەك وتكەن ءبىر جىل ىشىندە دۇنيە جۇزىندەگى بازار قۇنى ەڭ جوعارى بولعان 10 سەرىكتەستىكتىڭ ىشىندە 7 سەرىكتەستىك عىلىم – تەحنيكا سەرىكتەستىگى، ال، بۇل 7 سەرىكتەستىك ەندى ءبىر جاعىنان تۇگەلدەي ينتەرنەت سەرىكتەستىكتەرى بولىپ ەسەپتەلەدى.

  دۇنيە جۇزىندەگى جاڭا كەزەكتى ءوندىرىس توڭكەرىسى الدىندا جاڭا عىلىم – تەحنيكالار كارتا ويىنىن قايتادان باستاۋ ورايىن اكەلدى. بۇرىن جۇڭگو كاسىپورىندارى جاڭا تەحنيكا جاعىندا نەگىزىنەن ىلەسۋشى بولىپ كەلگەن بولسا، بۇگىنگى تاڭدا ءبىز جاڭا تەحنيكانى قوزعاۋشىلار جانە ۇلەس قوسۋشىلار بولۋىمىز، دۇنيە جۇزىندەگى سەرىكتەرىمىزبەن بىرگە دامۋىمىز كەرەك.

  تىڭشۇن سەرىكتەستىگى ينتەرنەتتى نەگىز ەتكەن عىلىم – تەحنيكا جانە مادەنيەت سەرىكتەستىگى بولىپ، جاڭالىق جاراتۋعا سۇيەنەدى. جاڭا ونىمدەر اي سايىن، ءتىپتى، كۇن سايىن جارىققا شىعۋدا، «ءىرى» سەرىكتەستىكتەر دە جەدەل دە يكەمدىلىكپەن سايكەسۋى كەرەك. وتكەن ءبىر جىلدا تىڭشۇن سەرىكتەستىگى جاڭا تەحنيكا سالاسىنا قوسىلىمدى ارتتىرىپ، كوپتەگەن تابىستارعا قول جەتكىزدى. مىسالى: قازىر جاساندى زەردە مەن ايدىك مالىمەتتى ءبىرجاقتى ەتۋ قابىلەتىنە سۇيەنە وتىرىپ، شيپاگەرلىك سالاسىنداعى كەسكىندەردى ماشينامەن ساراپتاۋعا جانە تالداۋ جاساتۋعا بولادى، وسى ارقىلى دياگنوز قويۋعا كومەكتەسەدى.

  ءبىز سيفرلى ەكونوميكا مەن ناقتى تۇلعالىق ەكونوميكا اراسىنداعى بايلانىستىڭ، استە، ءبىرىنىڭ ورنىن ءبىرى باسۋ ەمەس، قايتا، ءبىر – بىرىمەن توعىسۋ ەكەنىن بارعان سايىن تانىپ جەتتىك. ءبىز زەردەلى تۇردە بايلانىستىرۋ ارقىلى ءار سالا ءار كاسىپتىڭ سيفرلىلانۋعا قاراي بۇرىلىس جاساۋىنا كومەكتەسۋىمىز، ءار سالا ءار كاسىپتى ەڭ سوڭىندا بۇلتتى تەرمينالدا جاساندى زەردە ارقىلى ايدىك مالىمەتتەردى ءبىرجاقتى ەتە الاتىن ورەگە جەتكىزۋىمىز كەرەك. مۇنداي جەدەلدەتۋ مەن جاڭالىق جاراتۋ جاعىندا دۇنيە جۇزىندە قازىرگە دەيىن دايىن تۇرعان تاجىريبە جوق، بارلىق ينتەرنەتتىك كاسىپورىندار مەن ءار سالا ءار كاسىپتەگى كاسىپورىنداردىڭ قول ۇستاسا سەلبەسىپ، اشىقتىق، بىرگە پايدالانۋ سىندى تۇرعىدان ىزدەنىس جاساۋىن جانە سىناپ كورۋىن قاجەت ەتەدى.

   بايدۋ سەرىكتەستىگىنىڭ باس القاسى جانە CEOى لي يانحۇڭ

  جاساندى زەردە ءار سالا ءار كاسىپتى وزگەرتەدى

  ءبىز ويلاپ جەتە الاتىن بارلىق سالا، قورا – جاي سالاسىنان تارتىپ، وقۋ – اعارتۋ، دەنساۋلىق ساقتاۋ، زات اينالىمى، ەنەرگەتيكا سىندى بارلىق سالا جاڭا تەحنيكالار مەن جاڭالىق جاراتۋ سەبەبىنەن وزگەرەتىن بولادى

  ينتەرنەتتە ادام كۇشىنەن كەلەتىن تيىمدىلىك جوق بولعانىمەن، تەحنيكالىق جاقتان كەلەتىن تيىمدىلىكتىڭ بارلىعىن بايقادىق. جاساندى زەردەنى ۋاكىل ەتكەن جاڭالىقتار بولاشاقتاعى نەشە ون جىل ىشىندە سيفرلى ەكونوميكانىڭ دامۋىن ۇزدىكسىز ىلگەرىلەتەدى.

  جاساندى زەردە مەن بۇرىنعى ينتەرنەتتىڭ ۇقسامايتىن جەرى، ونىڭ قۋاتتى دا تىكەلەي بىرىكتىرۋ ەرەكشەلىگىنىڭ بولعاندىعىندا. بۇرىن ينتەرنەت سەرىكتەستىكتەرى نەگىزىنەن جۇمساق بولشەكتەردى زەرتتەپ جاساۋدى نەگىز ەتەتىن. قازىرگى تاڭدا جۇمساق بولشەك، قاتتى بولشەك، قىزمەت وتەۋ ۇشەۋىن پارمەندى تۇردە بىرىكتىرگەندە عانا ونىمدىلىگىن ساۋلەلەندىرە الادى.

  جاساندى زەردە تەك TOC (تۇتىنۋشىلارعا باعىتتالعان) سالاسىمەن عانا شەكتەلمەستەن، TOB (كاسىپورىندارعا باعىتتالعان) سالاسىندا دا كوپتەگەن پايدالانۋ قۇندىلىعىنا يە. جاساندى زەردە تەحنيكاسى تەك C تەرمينالىن عانا بارىنشا وزگەرتىپ قالماستان، B تەرمينالىن دا وزگەرتەدى، اتاپ ايتقاندا، جاساۋ جاعى مەن قامداۋ جاعىن بىردەي وزگەرتەدى.

  ءبىز ويلاپ جەتە الاتىن بارلىق سالا، تەحنيكالىق جاڭالىقتار ارقىلى وزگەرەتىن بولادى. قورا – جاي سالاسىنان تارتىپ، وقۋ – اعارتۋ، دەنساۋلىق ساقتاۋ، زات اينالىمى، ەنەرگەتيكا سىندى بارلىق سالا جاساندى زەردە تەحنيكاسىنىڭ ۇزدىكسىز جاڭالانۋى سەبەبىنەن وزگەرىسكە ۇشىرايدى. جاساندى زەردەنىڭ كوپتەگەن پايدالانۋ قۇندىلىعى بولادى، مۇنداي پايدالانۋ قۇندىلىقتارىن بايدۋ جالعىز ءوزى ىسكە اسىرا المايدى، بۇكىل قوعام مەن كاسىپورىندار بولىپ بىرگە قۇلشىنۋىمىز كەرەك.

  وسى مانىنەن الىپ ايتقاندا، ءبىز ۇلى داۋىردە جاساپ وتىرمىز. ءبىز جاساندى زەردە سىندى ونەركاسىپ توڭكەرىسىمەن بارابار كەلەتىن تەحنيكالىق توڭكەرىستىڭ ادامزات تاريحىنداعى قالىپتاسۋىنا كۋا بولا الامىز جانە قاتىناسا الامىز، وزگەرىستەردى بارشامىز سەزىنىپ، وزگەرىستەر بارشامىزدى تاڭداندىرۋدا. جاساندى زەردە تەحنيكاسىنىڭ ىلگەرىلەۋى ءاربىر ادامعا ۇزدىكسىز توسىن سي سيلاي بەرسىن دەپ تىلەيمىز.

  جيڭدۇڭ توبى القالار مەكەمەسىنىڭ ءتوراعاسى جانە CEOى ليۋ چياڭدۇڭ

   ينتەرنەت پەن ناقتى كاسىپورىندار اراسىنداعى شەكارا جوعالادى

  «شەكاراسىز بولشەك ساتۋ» داۋىرىندە كاسىپورىندار زەرتتەۋ، وندىرۋدەن تارتىپ، ساتقاننان كەيىنگى قىزمەت وتەۋگە دەيىنگى بارلىق جەلىنى سيفرلاستىرىپ، تەحنيكادان پايدالانىپ تۇتىنۋشىلاردىڭ قاجەتىن اناعۇرلىم ءدال، اناعۇرلىم قولايلى تۇردە ۇعىسا الادى جانە قاناعاتتاندىرا الادى

  جۋىرداعى بىرنەشە جىلدان بەرى، بۇلتتى ەسەپتەۋ، ايدىك مالىمەت، وتە – موتە، جاساندى زەردەنىڭ دامۋىنا ىلەسە، ناقتى تۇلعالىق ەكونوميكا مەن ينتەرنەت بارعان سايىن تىعىز ۇشتاسىپ، بۇكىلدەي جاڭاشا، زور كولەمدەگى سيفرلى ەكونوميكانى قالىپتاستىردى. الداعى بىرنەشە جىلدا عالامتوردان تىس كاسىپورىنداردى قامتىعان بارلىق كاسىپورىنداردىڭ سيفرلى ەكونوميكاعا قارجى قوسۋىنا بايلانىستى، جۇڭگونىڭ سيفرلى ەكونوميكاسىنىڭ ۇشقان قۇستاي داميتىنىنا سەنىمىمىز كامىل.

  بولاشاقتا بولشەك ساتۋ كاسىبىندە، ءتىپتى بۇكىل ساۋدا سالاسىندا شەكارا بولمايدى، كاسىپ سالاسىنىڭ ايىرماشىلىعى دا بارعان سايىن كومەسكىلەنە تۇسەدى. تۇتىنۋشى، ورىن، قامداۋشى جەلىسىنەن نارىق اشۋ (ماركەتنيك) سالاسىنا دەيىن بارىنشا بىتىراڭقى، وزگەرىسشەڭ بولا تۇسەدى، ۋاقىت پەن كەڭىستىكتىڭ شەكتەۋىنەن القىپ، ءوندىرۋشى، برەندتەۋشى، تەكشەمەن قامداۋشى اراسىنداعى شەك – شەكارانى بۇزىپ، ساندى مالىمەتتەر تولىق توعىسىپ جانە اينالىمعا ءتۇسىپ، سالالىق ونىمدىلىكتىڭ جاپپاي جوعارىلاۋىن ىلگەرىلەتەدى.

  «شەكاراسىز بولشەك ساتۋ» داۋىرىندە كاسىپورىندار زەرتتەۋ، وندىرۋدەن تارتىپ، ساتقاننان كەيىنگى قىزمەت وتەۋگە دەيىنگى بارلىق جەلىنى سيفرلاستىرىپ، تەحنيكادان پايدالانىپ تۇتىنۋشىلاردىڭ قاجەتىن اناعۇرلىم ءدال، اناعۇرلىم قولايلى تۇردە ۇعىسا الادى جانە قاناعاتتاندىرا الادى، «سەنى وزىڭنەن ارتىق تۇسىنۋگە» قول جەتكىزىپ، ءونىم مەن قىزمەت وتەۋ ساپاسىن بارىنشا جوعارىلاتادى ءارى ءوندىرىستىڭ وزىندىك قۇنىن تومەندەتىپ، قامداۋ جەلىسىنىڭ ونىمدىلىگىن جوعارىلاتادى. تۇتىنۋشىلار اناعۇرلىم تاماشا تۇتىنۋ سەزىمىن باستان كەشىرەدى.

  جيڭدۇڭ «شەكاراسىز بولشەك ساتۋدى» جاپپاي ەتەك الدىرىپ، بولشەك ساتۋ تەكشەسىنەن بولشەك ساتۋ نەگىزدىك قۇرىلعىلارىمەن قامداۋشى بولۋعا بۇرىلىس جاسايدى. ءبىز ايدىك مالىمەت، جاساندى زەردە، پاراساتتى قامداۋشى جەلى سىندى جاقتاردا وزىندىك باسىمدىلىعىمىزدى ساۋلەلەندىرىپ، بولشەك ساتۋ نەگىزدىك قۇرىلعىلارىن ناقتى كاسىپورىندارعا اشىق ۇستاپ، قامداۋ جاعىنداعى سيفرلى ەكونوميكا مەن ناقتى تۇلعالىق ەكونوميكانىڭ اراسىندا دانەكەر بولىپ، قاجەتسىنۋ جاعىندا حالىقتىڭ تاماشا تۇرمىسىن ىلگەرىلەتۋشى بولامىز. بۇل جيڭدۇڭ سەرىكتەستىگىنىڭ بولاشاقتاعى دامۋدا ءسوزسىز باساتىن جولى ءارى ءبىزدىڭ قوعامدىق جاۋاپكەرشىلىگىمىز بەن قوعامدىق قۇنىمىزدىڭ ايگىلەنۋى بولىپ تابىلادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار