- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سۋجوۋدان كەلگەن دا ۋىنپيڭ مەن ۋ ييپيڭ ەرلى-زايىپتى ەكەۋى كوركەم سايرام كولى جاعاسىندا وزدەرىنىڭ قازاق قىزى بايرامەن كەزدەستى
2014.07.23 12:52 كەلۋ قاينارى : شينجياڭ حالىق راديو ستانسياسى تورابى
19-شىلدە كۇنى، سۋجوۋدان كەلگەن دا ۋىنپيڭ مەن ۋ ييپيڭ ەرلى-زايىپتى ەكەۋى كوركەم سايرام كولى جاعاسىندا وزدەرىنىڭ قازاق قىزى بايرامەن كەزدەستى. ەكى جىلدىڭ الدىندا، سۋجوۋلىق وسى ەرلى-زايىپتىىنىڭ قىزى دا چيۋشياڭ كوز ءمۇيىز قابىعىن بايراعا تارتۋ ەتتى، سودان تارتىپ بايرا ولاردى ءوزىنىڭ اكە-شەشەسىندەي كورىپ حابارلاسىپ تۇردى.
19-شىلدە تاڭەرتەڭ ساعات 10 دا، بايرا كيىز ءۇيىنىڭ الدىندا سۋجوۋلىق اكە-شەشەسىن اسىعا كۇتتى. ءبىر جەڭىل اۆتوموبيلدىڭ وسى ۇيگە قاراي كەلە جاتقانىن كورىپ جۇگىرىپ الدىنان شىقتى. ۇشەۋى كوپكە دەيىن قۇشاقتاسىپ كورىستى. كوز ءمۇيىز قابىعىن كوشىرۋ وپەراتسياسىن جاساتقان2 جىلدان بەرى، بايرا سوناۋ قيىرداعى سۋجوۋ قالاسىنداعى اكە-شەشەسىن قاتتى ساعىندى. ول تىلشىگە بىلاي دەدى: «دا چيۋشياڭ اپەكەمنىڭ اكە-شەشەسىنىڭ بۇگىن سايرامعا كەلەدى دەگەنىن ەستىپ قۋانعانىمنان تۇنىمەن كوز ىلمەدىم، بۇگىن قوي سويىپ ول كىسىلەردى كۇتىپ الامىز».
بايرا ەكى كاريانى ۇيىنە ەرتىپ كىرىپ، قايماقتاپ شاي قۇيىپ، داستارقانعا قۇرت-ماي جانە جەمىس-جيدەك قويىپ بايەك بولىپ كۇتتى، ءارى ەرتەدەن دايىنداپ قويعان قازاقى مەشپەت پەن تاقيانى ەكى كارياعا كيگىزدى.
سۋجوۋداعى دا ۋىنپيڭ مەن ۋ ييپيڭ كاريانىڭ قالايشا قازاق قىزى بولعاندىعى جونىندەگى اڭگىمەنى2 جىلدىڭ الدىنداعى ۋاقيعادان باستاۋعا تۋرا كەلەدى.
27 جاستاعى بايرا قورعاس اۋدانىنىڭ ادامى، 14 جاسىندا كوز ءمۇيىز قابىعى قابىنۋ اۋىرۋىنا شالدىعىپ، دەر كەزىندە ەمدەلە الماعاندىقتان كوزى كورمەي قالادى دا، كوز ءمۇيىز قابىعىن اۋىستىرۋ وپەراتسياسىن جاساتۋعا تۋرا كەلەدى.2 جىلدىڭ الدىندا جياڭسۋدان شينجياڭعا كومەككە كەلگەن شيپاگەر قورعاس اۋدانىندا كوز اۋىرۋى بارلاردى تەكسەرىپ جۇرگەندە بايرانىڭ كوز ءمۇيىز قابىعى قابىنۋ اۋىرۋىنىڭ بارلىعىن بايقايدى. سۋجوۋ قالاسىنىڭ كۇنشانىنداعى دا چيۋشياڭ كوكىرىك پەردە تالشىعى وسپەسى اۋىرۋى بار بولىپ، 8 رەت وپەراتسيا جاساتسا دا جازىلماعاندىقتان، ءوز دەنە مۇشەسىن باسقالارعا تارتۋ ەتۋ بەكىمىنە كەلەدى. 2012-جىلى 7-مامىر كۇنى ول باقىتقا قارسى قازا بولادى. ەرتەسى، سۋجوۋ ۋنيۋەرسيتەتىنە قاراستى كوز اۋىرۋلارى شيپاحاناسى بايرانى سۋجوۋ قالاسىنا الدىرىپ كوز ءمۇيىز قابىعىن اۋىستىرۋ وپەراتسياسىن جاسايدى. مىنە ءوستىپ بايرا سوناۋ قيىرداعى حانزۋ وتباسىنىڭ ءوز قىزىنداي بولىپ كەتەدى.
2012-جىلى 13-مامىر وپەراتسيا جاساپ 3-كۇنى، دا چيۋشياڭنىڭ شەشەسى ۋ ييپيڭ بايرانىڭ كوزىن تاڭعان داكىنى ءوز قولىمەن اشادى، ول بايرانىڭ كوزىن كورىپ ءوز قىزىن كورگەندەي بولادى. ول تىلشىگە بىلاي دەيدى: «مەنىڭ ۇلكەن قىزىم ول دۇنيەگە اتتانعانىمەن، مىنە كىشى قىزىم بار، ول شينجياڭدىق، ونىڭ تۇرى دە ۇلكەن قىزىما ۇقسايدى. بايرا: «شەشە، چيۋشياڭ اپەكەمنىڭ ماعان جارىق دۇنيە سيلاعانىنا مىڭ دا ءبىر العىسىمدى ايتامىن. مەن سۋجوۋلىق اكە-شەشەمە ماڭگى قارايلاسامىن»،-دەيدى.قازىر، بايرا نىڭ كورۋ قۋاتى 0.6 عا جەتتى، كۇيەۋى ەكەۋى سايرام كولى جاعاسىندا اسحانا اشىپ وتىر. بايرانىڭ كوزىنىڭ جازىلعانىن كورگەن ۋ ييپيڭ اجەي ەرەكشە قۋاندى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
