- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حۋنان ولكەلىك پارتيا، ۇكىمەت ورىندارىنىڭ ۋاكىلدەر ۇيىرمەسى تۇرپان ايماعىندا قىزمەت تەكسەردى جانە اڭگىمە ءماجىلىس وتكىزدى
تۇرپان ايماعىنىڭ ەكونوميكاسى مەن قوعامىنىڭ باياندى دامۋ قۋاتىن كۇشەيتۋ كەرەك
2014.07.25 11:12 كەلۋ قاينارى : ءتاڭىرتاۋ تورابى
حۋنان ولكەلىك پارتكومنىڭ ورىنباسار شۋجيى، ولكە باستىعى دۋ جياحاۋ باستاعان حۋنان ولكەلىك پارتيا، ۇكىمەت ورىندارىنىڭ ۋاكىلدەر ۇيىرمەسى 22 - شىلدەدەن 23 - شىلدەگە دەيىن، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىردىڭ سەرىك بولۋىندا تۇرپان ايماعىندا قىزمەت تەكسەردى.
2010 - جىلدان بەرى، حۋنان ولكەسى شينجياڭعا باعىتتامالى كومەكتەسۋگە ءبىر ميلليارد 17 ميلليون يۋان قارجى قوستى (حالىق تۇرمىسىىنا قاتىستى نىساندارعا قوسىلعان قارجى %85تى يەلەيدى)، مۇندا شينجياڭعا باعىتتامالى كومەكتەسۋ بويىنشا 76 نىسان اتقارىلدى، بەيقۇت ءۇي سالىپ، حالىقتى اۋقاتتاندىرۋ، وقۋ - اعارتۋ، دەنساۋلىق ساقتاۋ، كاسىپ باقشا رايونى، دارىندىلار جاعىنداعى نىساندار ءساتتى اتقارىلىپ، كورنەكتى ونىمدىلىككە قول جەتتى.
دۋ جياحاۋ جانە ونىڭ ساپارلاستارى 22 - شىلدەدەن 23 - شىلدەگە دەيىن تۇرپان ايماعىنداعى زاۆودتاردى، اۋىل - قىستاقتاردى جانە بيڭتۋان 12 - ديۆيزياسىن ارالادى، ءپىشان اۋداندىق عىلىم - تەحنيكا ورتالىعى (جوعارى مەكتەپ وقۋشىلارىنىڭ شارۋاشىلىق قۇرۋ باقشاسى)، توقسۇن اۋدانىنداعى بەيقۇت ءۇي سالىپ، حالىقتى اۋقاتتاندىرۋ ينجەنەرياسى سياقتى شينجياڭعا باعىتتامالى كومەكتەسۋ نىساندارىنىڭ قۇرىلىسىن تەكسەردى جانە شينجياڭعا كومەككە كەلگەن كادرلاردان حال سۇرادى، سونداي - اق حۋنان ولكەسىنىڭ تۇرپان ايماعىنا باعىتتامالى كومەكتەسۋ قىزمەتى جونىندە اڭگىمە ءماجىلىس اشتى.
دۋ جياحاۋ اڭگىمە ماجىلىستە: شينجياڭداعى ءار دارەجەلى پارتكوم مەن ۇكىمەتتىڭ قولداپ - قۋاتتاۋىندا، حۋنان ولكەسى نىسان قۇرىلىسىن ءتۇيىن ەتۋدەن اۋىتقىماي، كاسىپ سالاسىن دامىتۋدى، حالىق تۇرمىسىن جاقسارتۋدى باستى ورىنعا قويىپ، تۇرعىن ءۇي قۇرىلىسى، كاسىپتىك ونەرگە باۋلۋ، وقۋ - اعارتۋ، دەنساۋلىق ساقتاۋ سالالارىندا ناقتى ونىمدىلىكتەرگە قول جەتكىزدى. ءبىز الداعى جەردە ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن ويداعىداي دايەكتى تياناقتاندىرىپ، شينجياڭعا باعىتتامالى كومەكتەسۋ قىزمەتىن ونان ارى تىڭعىلىقتى ىستەۋىمىز كەرەك، - دەدى.
نۇر باكىر بىلاي دەدى: بۇدان بىلاي، ءبىز ورتالىقتىڭ شەشىمدەرى مەن ورنالاستىرۋلارىنا ساي، حۋنان ولكەسىمەن تىعىز سەلبەسىپ، بىرىككەن كۇش قالىپتاستىرىپ، شينجياڭنىڭ قوعام ورنىقتىلىعى مەن باياندى تىنىشتىعىنا ءتيىمدى بولۋدى شينجياڭعا باعىتتامالى كومەكتەسۋدەگى ءتۇبىرلى نىسانا ەتىپ، شينجياڭعا باعىتتامالى كومەكتەسۋ قىزمەتىندە تىڭ ونىمدىلىكتەرگە قول جەتكىزۋىمىز كەرەك. حۋنان ولكەسىنىڭ كاسىپ سالاسى، دارىندى، قارجى، تەحنيكا جاقتارىنداعى باسىمدىلىقتارىن ساۋلەلەندىرىپ، ءتىپتى دە كوپ كاسىپورىنداردى شينجياڭعا قارجى قوسىپ، دامۋعا شابىتتاندىرۋىن، رەفورما جانە ەسىك اشۋداعى تاجىريبەسى مەن ۇلگىسىن شينجياڭعا اكەلىپ، ابزالدىلىعىن ساۋلەلەندىرىپ، جىبەك جولى ەكونوميكالىق بەلدەۋى قۇرىلىسىن بىرگە ىلگەرىلەتۋىن، بارىس - كەلىس جاساۋ، قارىم - قاتىناس ورناتۋ جاعىندا تىڭ جاعداي جاراتىپ، 2 ولكە - اۆتونوميالى رايونداعى ۇجىمداردىڭ قاتىناسى مەن سەلبەستىگىن بەلسەنە جەبەۋىن ءۇمىت ەتەمىز. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
