- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«جەمىس-جيدەك مەكەنى» اتانعان رايونىمىز جەمىس اعاشى كاسىبىندە ساتىلىم ءورىسىن كەڭەيتتى
2014.07.25 16:32 كەلۋ قاينارى : شينجياڭ حالىق راديو ستانسياسى تورابى
ءبىر جىلداعى جەمىس-جيدەك پىساتىن ەڭ تاماشا مەزگىل جەتتى. قاربىز، ءجۇزىم، ورىك سياقتى شينجياڭنان وندىرىلگەن ءدامى ءتىل ۇيىرەتىن ءتۇرلى جەمىس-جيدەك رايونىمىزداعىلاردىڭ قارسى الۋىنا يە بولىپ قالماستان، بۇل ونىمدەر توراپ، سىرتقا ساتۋ تەكشەسى ارقىلى ەلىمىزدىڭ جەر-جەرىنە ساتىلدى. «جەمىس-جيدەك مەكەنى» اتانعان رايونىمىز جەمىس اعاشى كاسىبىندە ساتىلىم ءورىسىن كەڭەيتىپ، كاسىپ جاعىندا ناتيجە جاراتۋ جولىن اشتى.
شىلدە ايى شينجياڭنىڭ جەمىس-جيدەگى كوپ ساتىلاتىن مەزگىل، رايونىمىزداعى جەمىس ءونىمى كاسىبىنىڭ كوشباسشىسى شينجياڭ جەمىس اعاشى توبى شەكتى سەرىكتەستىگىنىڭ ەلەكترلى ساۋدا تيجارات ورتالىعىنداعى ساتۋشى قىزمەتكەر لي ۋينا 10 نەشە قىزمەتتەسىمەن بىرگە كومپيوتەر الدىندا حاريدارلاردىڭ سۇراۋىنا جاۋاپ بەرىپ جاتتى، ول بىلاي دەدى: بۇكىل ەلىمىزدىڭ جەر-جەرىنەن تۇتىنۋشىلار بار، كۇندەگى ساتىلىم سوما 30 مىڭ يۋان اينالاسىندا، ءوتىمدى مەزگىلدەگى ايلىق ساتىلىم سوماسى 2 ميلليون يۋانعا جەتەدى.
شينجياڭ جەمىس كاسىبى توبى شەكتى سەرىكتەستىگى 2011-جىلدان باستاپ توراپتا ارناۋلى ساتۋ دۇكەنىن اشىپ، ەرەكشە جەمىس ونىمدەرى جاعىندا ەلەكترلى ساۋدا تەكشەسىن قۇرىپ، مەملەكەت بويىنشا شينجياڭنىڭ كەپتىرىلگەن، جاس جەمىس ونىمدەرىن اپارىلاتىن جەرگە تەز جەتكىزۋ اينالىم نىساناسىن جۇزەگە اسىردى. سونىمەن بىرگە، جەر-جەردە تىكە ساتۋ ورتالىعىن، تىزبەكتى دۇكەن اشىپ، جىلدىق مانەرلەۋ، جەتكىزۋ مولشەرى ميلليون تونناعا، وتكەن جىلعى تيجارات كىرىسى ءبىر ميلليارد 400 ميلليون يۋانعا جەتتى. باس مەڭگەرۋشىنىڭ كومەكشىسى سۋ جۇنشيۋ بىلاي دەدى: مەملەكەت بويىنشا 6 ناقتىلى دۇكەن مەن ساتۋ تەكشەسىن قۇردىق، وسى ارقىلى تيجارات ساۋدا ورىندارىن كوبەيتىپ، ارناۋلى ساتۋ دۇكەنىن، ءوڭىرىن، بوكايىن ورنالاستىردىق. ءبىز وسى بازار ءورىسىن ۇزدىكسىز كەڭەيتىپ، شينجياڭنىڭ ساپالى اۋىل شارۋاشىلىق ونىمدەرىن ىشكى ولكەدەگى ءىرى بازارلارعا شىعارامىز.
«ايگىلى ماركا جاراتىپ، سىرتقا شىعارۋ» ارقىلى رايونىمىز جىلىنا 100 ميلليون يۋاننان ارتىق قارجى قوسىپ، جاڭا ءونىم تۇرلەرىن ەنگىزىپ، جەمىس اعاشى ەرەكشە ۇلگى بازارىن قۇرىپ، كاسىپ سالالانعان مانەرلەۋ، ساقتاۋ قىزمەتىن ىستەپ، سولتۇستىك جۇڭگو، شىعىس جۇڭگو، وڭتۇستىك جۇڭگو، ورتا جۇڭگو، شىعىس سولتۇستىك، باتىس وڭتۇستىك سياقتى 6 ءىرى بازاردى بەلسەنە اشتى، شينجياڭنىڭ ەرەكشە جەمىس اعاشى ونىمدەرى جارمەنكەسىن اشۋ ارقىلى اناعۇرلىم كوپ ىشكى ولكە حاريدارلارىنا شينجياڭنىڭ جاسىل ءتۇستى، ورگانيكالى، تابيعي ونىمدەرىن ۇگىتتەدى. شينجياڭنىڭ جەمىس اعاشى كاسىبى ەلىمىزدەگى تۇتىنۋشىلاردىڭ قارسى الۋىنا يە بولىپ، شينجياڭنىڭ باعباندارى ەڭ زور يگىلىككە كەنەلۋشى بولدى، شىلان مەكەنى چارقىلىقتاعى ديقان مامەت راحمان بىلاي دەدى: بۇرىن شىلان ەكپەگەن كەزدە، ءبىر مۋ جەردەن ەڭ كوپ بولعاندا مىڭ يۋانداي كىرىس كىرەتىن، شىلان ەككەننەن كەيىن ءبىر مۋ جەردەن از دەگەندە 10 مىڭ يۋاننىڭ ۇستىندە كىرىس كىردى، وتكەن جىلعى كىرىسىم 300 مىڭ يۋان بولدى.
قازىر، شينجياڭنىڭ جەمىس اعاشى ەگىلگەن جەر كولەمى 20 ميلليون مۋدان اسىپ، جەمىس ونىمدەرىنىڭ جالپى مولشەرى 8 ميلليون تونناعا، جالپى ءونىم قۇنى 38 ميلليارد يۋانعا جەتىپ، ەرەكشە جەمىس اعاشى كاسىبى ديقانداردىڭ كىرىسىن ارتتىراتىن كاسىپكە اينالدى. بۇدان كەيىن شينجياڭنىڭ جەمىس اعاشى كاسىبى جاعىندا «كولەمدى ورنىقتىرۋ، قۇرىلىمدى ابزالداندىرۋ، ساپانى جوعارىلاتىپ، كىرىستى ارتتىرۋ، بۇرىلىس جاساپ، دارەجەسىن جوعارىلاتۋ» جۇمىسى ىستەلىپ، شينجياڭنىڭ جەمىس اعاشى كاسىبىنىڭ ارتقان قۇنى بارىنشا جوعارىلاتىلادى. اۆتونوميالى رايوندىق جەمىس اعاشى كاسىبى كەڭسەسىنىڭ مەڭگەرۋشىسى فىڭ چۇنلين بىلاي دەدى: «بۇدان كەيىن جەمىس اعاشىنىڭ ءونىم مولشەرى، ءونىم ساپاسى جانە ءوندىرۋ بازاسى ونىمدىلىگىن جوعارىلاتىپ، ديقانداردىڭ كىرىسىن ارتتىرۋعا شارت-جاعداي جاراتامىز، ەكىنشى جەمىس اعاشى كاسىبىنىڭ ايگىلى ماركا قۇرىلىسىنا كۇش سالامىز، ءۇشىنشى، سىرتقا ساتۋ تەكشەسى تەبىنىن كۇشەيتىپ، شينجياڭنىڭ ەرەكشە جەمىس اعاشى ونىمدەرىن سىرتقا شىعارامىز، ءتىپتى شەتەلدى، دۇنيە ءجۇزىن بەتكە الامىز، بۇل ءبىزدىڭ بۇدان كەيىنگى دامۋ باعدارىمىز».
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
