- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان 4-كەزەكتى جۇڭگو-ازيا-ەۆروپا كورمەسىنە قاتىناسقان شەتەلدىك سيلى قوناقتارىمەن كەزدەستى
2014.09.03 16:12 كەلۋ قاينارى : شينجياڭ حالىق راديو ستانسياسى تورابى
2-قىركۇيەك ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 4-كەزەكتى جۇڭگو-ازيا-ەۆروپا كورمەسىنە قاتىناسقان جۇڭگو جانە شەتەلدىك سيلى قوناقتارىمەن كەزدەستى.
گرۋزيا پارلامەنتىنىڭ ورىنباسار باستىعى زۆياد چەحگۋليمەن كەزدەسكەندە جاڭ چۇنشيان بىلاي دەدى: وتكەن جىلى قىركۇيەكتە، ءتوراعا شي جينپيڭ جىبەك جولى ەكونوميكالىق بەلدەۋىن ورتاق قۇرۋ ستراتەگيالىق وي جەلىسى مەن دارىپتەمەسىن العا قويدى، جۇڭگونىڭ شينجياڭى جىبەك جولى ەكونوميكالىق بەلدەۋىندەگى وزەكتى رايون، ال گرۋزيا جىبەك جولى ەكونوميكالىق بەلدەۋىندەگى ايىرىق جول. ءۇرىمجى مەن تبيليسيعا قاتىنايتىن اۋە جولىنىڭ اشىلۋى جۇڭگونىڭ شينجياڭى مەن گرۋزيانىڭ اۋىس-كۇيىسىن جانە سەلبەستىگىن اناعۇرلىم جەبەدى. ەندىگى كەزەكتە ءىرى كاسىپورىن، ءىرى نىساننىڭ جەبەۋى ارقىلى، ەكى جاقتىڭ ەكونوميكا-ساۋدا جاعىنداعى سەلبەستىگىن نىعايتىپ، ساياحات كاسىبىندەگى سەلبەستىكتى اناعۇرلىم كۇشەيتەمىز. ەكى جاقتان 4-كەزەكتى جۇڭگو-ازيا-ەۆروپا كورمەسىن وراي ەتىپ، ەكونوميكا، گۋمانتيتارلىق جاقتا سەلبەسەتىن تەكشە قۇرىپ، جىبەك جولى ەكونوميكالىق بەلدەۋى قۇرىلىسىنداعى رولىن ساۋلەلەندىرۋدى ءۇمىت ەتەمىز.
زۆياد چەحگۋلي بىلاي دەدى: سوڭعى جىلداردان بەرى، گرۋزيا مەن جۇڭگونىڭ ەكونوميكا-ساۋدا سەلبەستىگى بارعان سايىن جيىلەدى. وسى رەت جۇڭگونىڭ شينجياڭىنا كەلىپ، وراسان زور دامۋ كومەسكى كۇشىن سەزىندىم، جۇڭگونىڭ شينجياڭىمەن قارىم-قاتىناستى كۇشەيتىپ، سەلبەستىكتى جەبەۋدى ءۇمىت ەتەمىن.
شاڭحاي سەلبەستىك ۇيىمىنىڭ باس حاتشىسى مەزەنتسەۆپەن كەزدەسكەندە، جاڭ چۇنشيان بىلاي دەدى: 4-كەزەكتى جۇڭگو-ازيا-ەۆروپا كورمەسىنىڭ ءساتتى اشىلۋىن شاڭحاي سەلبەستىك ۇيىمىنىڭ كۇش سالا قولداۋىنان بولە قاراۋعا بولمايدى. كەزەكتە، شينجياڭ جىبەك جولى ەكونوميكالىق بەلدەۋىنىڭ وزەكتى رايونىن قۇرۋدا، شاڭحاي سەلبەستىك ۇيىمىمەن اناعۇرلىم كوپ اۋىس-كۇيىس جاساپ، لاڭكەستىككە قارسى تۇرىپ، ورنىقتىلىقتى ساقتاۋ، شينجياڭدى ۇگىتتەۋ سياقتى جاقتاردا سەلبەستىكتى اناعۇرلىم كۇشەيتۋدى ءۇمىت ەتەمىز.
مەزەنتسەۆ بىلاي دەدى: شاڭحاي سەلبەستىك ۇيىمى ەكونوميكا-ساۋدا، لاڭكەستىككە قارسى تۇرۋ، مادەنيەت سەلبەستىگى، حالىقتىق اۋىس-كۇيىس جاساۋ سياقتى جاقتاردا جۇڭگونىڭ شينجياڭىنا زور قولداۋ كورسەتەدى.
اۋستراليانىڭ جۇڭگوداعى باس ەلشىسى سۇن فاڭ-انمەن كەزدەسكەندە، جاڭ چۇنشيان بىلاي دەدى: اۋستراليا مەن جۇڭگونىڭ سەلبەستىگىنىڭ بولاشاعى زور. جۇڭگونىڭ شينجياڭى مەن اۋستراليانىڭ كەن ءونىمى تەحنيكاسى، كەن ءونىمىن اشۋ جانە كەن ءونىمىن يمپورت ەتۋ سالاسىندا سەلبەسۋىنە بولادى. بۇدان سىرت تاعى ەگىن، مال شارۋاشىلىعى كاسىبى، ساياحات، گۋمانيتارلىق اۋىس-كۇيىس سياقتى جاقتاردا سەلبەستىكتى كۇشەيتەدى.
سۇن فاڭ-ان بىلاي دەدى: اۋستراليا جۇڭگونىڭ ءار قايسى ولكەلەرىمەن سەلبەستىكتى ۇزدىكسىز تەرەڭدەتۋدە. وسى رەت شينجياڭعا كەلىپ، تۇسىنىگىم اناعۇرلىم تەرەڭدەدى. اۋستىراليا شينجياڭمەن سەلبەستىكتى بارىنشا كۇشەيتۋدى ءۇمىت ەتەدى.
ۋانۋاتۋدىڭ جۇڭگوداعى باس ەلشىسى سايلا موليسا، ارمەنيانىڭ جۇڭگوداعى باس ەلشىسى ارمەن سارگسيان، تونگانىڭ جۇڭگوداعى باس ەلشىسى جوسيامەلليەر لاتۋ، اۋعانستاننىڭ جۇڭگوداعى باس ەلشىسى مۇحامەت كابير فاراحي، ميكرونەسيانىڭ جۇڭگوداعى باس ەلشىسىنىڭ اقىلشىسى جەكسون سۇرام سياقتى شەتەلدىڭ جۇڭگوداعى باس ەلشىلەرىمەن كەزدەسكەندە، جاڭ چۇنشيان بىلاي دەدى: 4-كەزەكتى جۇڭگو-ازيا-ەۆروپا كورمەسى سىندى وسى تەكشەنىڭ ءار قايسى ەلدەر اراسىنداعى اۋىس-كۇيىس پەن سەلبەستىكتى كۇشەيتۋىن ءۇمىت ەتەمىن. جۇڭگونىڭ شينجياڭى كورشىلەس ەلدەرمەن جانە تىنىق مۇقيت ارالىنداعى ەلدەرمەن بارىس-كەلىستى اناعۇرلىم تەرەڭدەتۋدى قالايدى.
ءار قايسى ەلدەردىڭ جۇڭگوداعى باس ەلشىلەرى كەزدەسۋدە، جۇڭگونىڭ شينجياڭى مەن اناعۇرلىم كوپ اۋىس-كۇيىس جاساپ، سەلبەسۋ ءورىسىن بىرگە قاراستىراتىنىن ايتتى.
كەزدەسۋدە ەلىمىزدىڭ ارمەنياداعى باس ەلشىسى تيان چاڭچۇن، موڭعۇلياداعى باس ەلشىسى ۋاڭ شياۋلۇڭ، قىرعىزستانداعى باس ەلشىسى چي دايۇي، گرۋزياداعى باس ەلشىسى يۋە بين، وشتاعى كونسۋلى ۋ يچين سياقتى ەلىمىزدىڭ شەتەلدەگى ەلشىلەرىمەن كەزدەسكەندە، جاڭ چۇنشيان بىلاي دەدى: شينجياڭ جۇڭگونىڭ باتىسقا ەسىك اشۋداعى بەكىنىسى، كوپ ەلمەن شەكارالاسادى، جەر ابزالدىلىعى كورنەكتى. شينجياڭ جۇڭگونىڭ شەتەلدەگى ەلشىلەرىمەن كوپ پىكىر اۋىستىرىپ، تالقى جۇرگىزىپ، كوپشىلىكتىڭ سىرتقا ەسىك اشۋ، اۋىس-كۇيىس جاساپ سەلبەسۋ جاقتارىنداعى تاماشا ويلارى مەن ۇسىنىسىن قابىلدايدى، شەتەلدەگى جۇڭگو ەلشىلەرىنەن شينجياڭمەن بايلانىستى، شينجياڭدى ۇگىتتەۋدى كۇشەيتۋدى ءۇمىت ەتەمىز.
شەتەلدەگى جۇڭگو ەلشىلەرى، شينجياڭنىڭ ەلىمىزدىڭ سىرتقا ەسىك اشۋىندا ماڭىزدى رول اتقاراتىنىن، شينجياڭنان ەسىك اشۋدى ۇزدىكسىز كۇشەيتىپ، ماڭىنداعى ەلدەرمەن باعىتتامالى، جان-جاقتىلى سەلبەستىكتى اناعۇرلىم كۇشەيتۋدى ءۇمىت ەتەتىنىن ايتتى.نۇر باكىر، شوكرات زاكىر، نۇرلان ابىلماجىن ۇلى، حۋاڭ ۋي، ءباي جىجيە، ەركىنجان تۇراحۇن، لي شۋەجۇن، ەركىن تۋنياز جەكە-جەكە قاتىستى كەزدەسۋدە بىرگە بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
