ۇرىمجىدە تۇرىكپەن احالتەكەسى قۇلىندادى

ءبىر كۇندە ەكى قۇلىن اياعىنان تۇردى

2015.07.13 14:15   كەلۋ قاينارى : حالىق تورابى

　　حالىق تورابى، 13 – شىلدە، بەيجيڭ. شينجياڭ ورتالىق قالا گازەتىنىڭ حابارلاۋىنشا، 10 – شىلدە كۇنى ۇرىمجىدەگى يەما توبى ــ جۇڭگو احالتەكە بازاسىندا ەكى احالتەكە قۇلىندادى.

　　ەكى قۇلىن ءبىر ەنەدەن تۋماعانىمەن، ءبىر – بىرىنەن اۋمايدى، جارىق دۇنيەگە جاڭا كەلگەن جانۋارلار قورقۋدى بىلمەيدى، تانتىرەكتەي كەلىپ ءتىلشىنىڭ قولىن يىسكەيدى.

　　قۇلىنداعان بيەلەر مەن ۇيىرگە تۇسكەن ايعىردىڭ بارلىعى دا بىلتىر رەسەيدەن اكەلىنگەن، ەكەۋى دە العاش ۇيىرگە تۇسكەن. جاڭا تۋعان قۇلىنداردىڭ انا ءسۇتىن ىزدەپ تالپىنعان تۇرىنەن اقاۋسىز ەكەنى بايقالادى.

　　رۇڭ رۇڭ ەسىمدى باقتاشىنىڭ ايتۋىنشا، بۇل ارادا قازىر 110 تۇياق تازا ءناسىلدى احالتەكە جىلقىسى بار، بيىلدىڭ وزىندە 9 قۇلىن قاتارعا قوسىلعان. احالتەكە جىلقىسى 340 ~ 350 كۇندە قۇلىندايدى، جالقى نەمەسە ەگىز قۇلىن تابادى.

　　چىن جىفىڭ ەسىمدى قىزمەتكەر: التايلىق بولعاندىقتان جىلقى تۇلىگىنە ىقىلاسىم ەرەكشە، بۇل احالتەكە جىلقىلارى ۇزاق جول باسىپ شينجياڭعا اكەلىنگەن، ولاردىڭ اقاۋسىز تىرشىلىك ەتىپ، قۇلىنداعانىن كورگەندە، بارلىق كورگەن قيىنشىلىقتارىمىز بۇعان تاتيدى دەپ ويلايمىن، - دەيدى.

　　كەلۋ قاينارى: حالىق تورابى