- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شىعىس سولتۇستىك ازيا ءوڭىرىن ورنىقتىرۋ جاڭا وي جەلىنى قاجەت ەتەدى
2013.01.04 08:57 كەلۋ قاينارى : شينجياڭ حالىق راديو ستانسياسى تورابى
سوڭعى جىلداردان بەرگى شىعىس سولتۇستىك ازيا ءوڭىرىنىڭ، اسىرەسە، كورەي تۇبەگىنىڭ جاعدايىنا وبيەكتيۆ تۇرعىدان ۇڭىلەر بولساق، زەرەك ادامنىڭ جالپى جاعدايدى مەڭگەرۋ جاعىندا ورتاق تانىمعا كەلە الاتىندىعىن بايقاي الامىز.
ديپلوماتيالىق قارىم-قاتىناستى ءبىر جايلى ەتۋدە، وڭتۇستىك كورەيانىڭ جاڭادان تاعايىندالعان زۇڭتۇڭى پياۋ جينحۇي سىنعا دا، ورايعا دا ءدوپ كەلدى. مۇندا باستىسى ــ شىعىس سولتۇستىك ازيا ءوڭىرىن ورنىقتىراتىن جاڭا وي جەلىنى تابۋ.
قازىر وڭتۇستىك كورەيانىڭ سىرتقى ورتاسى كوڭىلدەگىدەي ەمەس. وڭتۇستىك كورەيا مەن سولتۇستىك كورەيانىڭ قاتىناسى تىعىرىققا تىرەلدى، وڭتۇستىك كورەيا مەن جاپونيانىڭ قاتىناسى تەرريتوريا جانە تاريحي ماسەلە سەبىنەن سوققىعا ۇشىرادى، شىعىس سولتۇستىك ازيا ءوڭىرىنىڭ جاعدايى دا ەرەكشە سەزىمتال مەزگىلدە تۇر. سالىستىرىپ ايتقاندا، وڭتۇستىك كورەيانىڭ جۇڭگومەن بولعان قارىم-قاتىناسىنىڭ دامۋى پياۋ جينحۇي جونىنەن العاندا ديپلوماتيالىق قازىنا سانالادى. جۇڭگو مەن وڭتۇستىك كورەيا ديپلوماتيالىق قارىم-قاتىناس ورناتقان 20 جىلدان بەرى، ەكى ەلدىڭ قاتىناسى قارىشتاپ دامىپ، سەلبەستىك سەرىگىنەن، جاپپاي سەلبەستىك سەرىگىنە، ونان سوڭ ستراتەگيالىق سەلبەستىك سەرىگىنە دەيىن، ءۇش رەتكى سەكىرمەلى دامۋدى جۇزەگە اسىردى. جۇڭگو قازىر وڭتۇستىك كورەيانىڭ ەڭ ۇلكەن ساۋدا سەرىگى، ەڭ ءىرى ەكسپورت بازارى جانە يمپورت بازاسى، كەڭەسۋ ۇستىندەگى جۇڭگو مەن وڭتۇستىك كورەيانىڭ ەركىن ساۋدا ءوڭىرى قۇرىلىسى الدا ەكى ەل كاسىپورىندارىنا تاماشا دامۋ ورايىن جاراتادى. وڭتۇستىك كورەيانىڭ جاڭا كەزەكتى ۇكىمەتىنىڭ «ەكونوميكانى گۇلدەندىرىپ»، ارتۋدىڭ تىڭ قوزعاۋشى كۇشىن اشۋدا، جۇڭگومەن بولعان قارىم-قاتىناسىن اناعۇرلىم دامىتۋ ونىڭ الدىنداعى بىردەن-ءبىر تالعام.
جاندانعان ەكونوميكالىق ساۋدا قارىم-قاتىناسى مادەنيەت پەن ادامداردىڭ اۋىس-كۇيىس جاساۋ اياق الىسىن ىلگەرىلەتەدى. قورتىپ ايتقاندا، جۇڭگو مەن وڭتۇستىك كورەيا حالقى اراسىنداعى ءوزارا تۇسىنىك بارىنشا تەرەڭدەپ، قارىم-قاتىناس جاساۋ قۋاتى كورنەكتى ارتتى. بۇل جۇڭگو مەن وڭتۇستىك كورەيانىڭ قارىم-قاتىناسىن اناعۇرلىم كۇشەيتۋىنىڭ بەرىك نەگىزىن قالادى. دەگەنمەن مەملەكەت اراسىنداعى قارىم-قاتىناستىڭ بىركەلكى بولا بەرۋى ەكىتالاي، قاتىناس قويۋلاعان سايىن، ماسەلەدە كوبەيەدى. ءبىز ۇنەمى دامىعان كەزدەگى ماسەلە، دامىماعان كەزدەگىدەن از بولمايدى دەيمىز، بۇل قاعيدا ىشكى ىستەر جانە سىرتقى ىستەر سالاسىنا تۇگەل ۇيلەسەدى. سوڭعى بىرنەشە جىلدان بەرى، جۇڭگو مەن وڭتۇستىك كورەيا حالقى اراسىندا ءبىرسپىرا ماسەلەدەگى كوزقاراسى ۇقساس بولماعاندىقتان الاۋىزدىق تۋىلدى. بۇل توسىننان تۋىلعان وقيعالارمەن قاتىستى بولۋدان سىرت، شىعىس سولتۇستىك ازيا ءوڭىرىنىڭ حاۋىپسىزدىك جاعدايىمەن دە قاتىستى.
مۇندا جالتارۋعا بولمايتىنى، جۇڭگو مەن وڭتۇستىك كورەيا حالقىنىڭ تانىمى دا كورەي توبەگىنىڭ جاعدايىنداعى وزگەرىستىڭ ىقپالىنا وڭاي ۇشىرايتىندىعى. ورىن اۋستىرىپ وي جۇگىرتۋ توتەنشە ماڭىزدى. جۇڭگو وڭتۇستىك كورەيانىڭ ءىرى ديپلوماتيالىق ويى مەن ەرەكشە نازار اۋداراتىن ىستەرىن ءتۇسىنۋدى قالايدى. وڭتۇستىك كورەيا دا جۇڭگونىڭ كورشىلەس ەلدەرگە قاراتقان ديپلوماتيالىق ساياساتىن جانە ءبىر جاۋاپكەرلىكتى ارقالاي الاتىن ءىرى ەلدىڭ ىقپال كۇشىن دۇرىس مەڭگەرۋى كەرەك. ءار جولى كورەي تۇبەگىندە كولەمدى اۋمالى-توكپەلى جاعداي تۋىلعاندا، جۇڭگو ماڭىزدى رول اتقاردى. جۇڭگونىڭ ديپلوماتيالىق قاتىناسىنىڭ سىندارلىلىعى ــ بەيبىت دامۋ يدەياسىنىڭ تابيعى سىرتقا بەتالۋى، ول العىس ايتۋدى ەمەس، قايتا ءتۇسىنۋدى جانە دۇرىس باعالاۋدى قاجەت ەتەدى. ىستەگەن جاقسىلىعىنا كەيىستىك بىلدىرسە، مۇنداي «مامىلە» كىسىنى ۇمىتسىزدەندىرەدى.
جۇڭگو مەن وڭتۇستىك كورەيانىڭ قارىم-قاتىناسىن ىشكەرىلەي زەرتتەۋمەن بىرگە، ا ق ش-قا، اسىرەسە، ا ق ش-تىڭ ازيا-تىنىق مۇحيت وڭىرىنە قارجى قوسۋ تەبىنىن ارتتىرۋىنا نەمقۇرايدى قاراۋعا بولمايدى. جۇڭگو جەتكىلىكتى ستراتەگيالىق وراي مەن سەنىمگە يە، بەلگىلى ءبىر كورشىلەس ەلمەن بۇرىنعىدان دا قويۋ قارىم-قاتىناس ورناتۋ ءۇشىن، باسقا ءبىر ەلمەن باسەكەگە تۇسپەيدى. قازىر وڭتۇستىك كورەيانىڭ جاڭا باسشىسى جۇڭگومەن جانە ا ق ش-پەن بولعان قارىم-قاتىناستى دامىتۋ بىردەي ماڭىزدى دەپ قارايدى،-دەگەن ءبىر كوزقاراس بار. وڭتۇستىك كورەيانىڭ جۇڭگومەن بولعان قارىم-قاتىناسىنا باسا نازار اۋدارۋى، تابيعي تۇردە قارسى الۋعا تاتيدى. ءبىز دە بىرلىكتە العا باسۋدى قالايمىز، جۇڭگو مەن وڭتۇستىك كورەيانىڭ قاتىناسىنىڭ بەلسەندى دامۋ جاعدايىن ساقتاۋدى ءۇمىت ەتەمىز.
جۇڭگو مەن وڭتۇستىك كورەيانىڭ ەكەۋى دە شىعىس سولتۇستىك ازيا وڭىرىندەگى ىقپالدى مەملەكەت، ەكى ەلدىڭ قارىم-قاتىناسىنىڭ ورنىقتى دامۋى ەكى ەل حالقىنا باقىت جاراتۋمەن بىرگە، شىعىس سولتۇستىك ازيا ءوڭىرىنىڭ بەيبىت، ورنىقتى، گۇلدەنىپ-كوركەيۋىنە ءتيىمدى. جۇڭگو مەن وڭتۇستىك كورەيانىڭ سەلبەستىك ورايى زور، ىشىنارا ورتاق ماسەلەگە دە ءدۇپ كەلىپ وتىر. بۇعان ءبىر مىسال كەلتىرە كەتەيىك: جاپونيا وزىنىڭ ميليتاريزم شاپقىنشىلىق تاريحىن قايتا اۋىزعا لاۋدان باس تارتىپ، ساياسي وڭشىلدىق يدەيا كۇشەيدى. سوعىستان كەيىنگى حالىقارالىق ءتارتىپتى قورعاۋ ورنالاستىرىن جاساپ، جاپونيانىڭ ەرتەرەك «قالىپتى ەلگە» اينالۋىنا مۇمكىندىك جاساۋدا، جۇڭگو مەن وڭتۇستىك كورەيانىڭ كوپتەگەن ءىستى ىستەۋىنە بولادى، ءارى ونى ىستەۋى كەرەك. ىستەۋگە ءتيىستى ىستەر ورىندالۋدان بۇرىن، شىعىس سولتۇستىك ازيا ءوڭىرىنىڭ، اۋەلى تۇتاس شىعس ازيا ءوڭىرىنىڭ سەلبەستىك اياق الىسىن ىلگەرىلەتۋ قيىن.
شىعىس سولتۇستىك ازيا ءوڭىرىنىڭ حاۋىپسىزدىگىن ورنىقتىرۋدا، جۇڭگو مەن وڭتۇستىك كورەيانىڭ وي جەلىسى كەيدە بىردەي بولعانىمەن، ءبىراق ورتاق مۇددە بارىنەن ماڭىزدى. تۇرلىشە جاعدايدان تۇرلىشە اسەر، تۇرلىشە كوزقاراس تۋىلادى. جاعداي كەيدە ادامعا ەرىك بەرمەيدى. سوڭعى جىلداردان بەرگى شىعىس سولتۇستىك ازيا ءوڭىرىنىڭ، اسىرەسە، كورەي تۇبەگىنىڭ جاعدايىنا وبيەكتيۆ تۇرعىدان ۇڭىلەر بولسا، زەرەك ادامنىڭ جالپى جاعدايدى مەڭگەرۋ جاعىندا ورتاق تانىمعا كەلە الاتىندىعى ءداۋسىز. جۇڭگو ساياسي تىلدەسۋ ارقىلى ماسەلەنى شەشۋدى قولدايدى، جاعدايدى شيلەنىستىرۋ مۇمكىندىگى بار ءارقانداي ارەكەتكە قارسى تۇرۋمەن بىرگە، قارۋلى قاقتىعىسقا باتىل قارسى تۇرادى. ەلىمىزدىڭ وسى ءبىر پرەنسيپتىك مايدانى اسقان جاۋاپكەرلىك. مۇنىڭ قاعيداسى وتە قاراپايىم، كورەي تۇبەگىنىڭ جاعدايى ۋشىعاتىن بولسا، ونىڭ سوڭى اۋىر زارداپ تۋدىرادى، وسى وڭىردەگى ءارقايسى ەلدىڭ، اسىرەسە، جاۋاپكەر ەلدىڭ جاعدايى قيىن كۇيگە ءتۇسەدى.
جۇرت پياۋ جينحۇيدىڭ زۇڭتۇڭ باسەكەسى كەزىندە، سىندارلى تىلدەسۋ ارقىلى كورەي تۇبەگىنە قاتىستى اسكەري الاۋىزدىقتى باسەڭدەتۋدى قالايتىندىعىن، ءارى التى جاق كەڭەسىن قايتا باستاۋدى ءۇمىت ەتەتىندىگىن اڭعاردى. ونىڭ وسى پوزەتسياسى قارسى الۋعا تاتيدى. شىعىس سولتۇستىك ازيا ءوڭىرىنىڭ، اسىرەسە، كورەي تۇبەگىنىڭ حاۋىپسىزدىك جاعدايىن ورنىقتىرۋ، شىنىندا جاڭا وي جەلىنى قاجەت ەتەدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
