ماكرون فرانسيانى «سوعىس كەزىندەگى كۇيگە» ءوتتى دەپ جاريالادى

ىندەتكە توتەپ بەرۋگە بۇكىل ەلدى اتتانىسقا كەلتىردى

2020.03.17 14:36   كەلۋ قاينارى : حالىق تورابى

　　شينحۋا اگەنتتىگى، 3 – ايدىڭ 16 – كۇنى، پاريج (ءتىلشى: شۇي يۇڭچۇن، تاڭ جي، چىن چىن) فرانسيا پرەزيدەنتى ماكرون 3 – ايدىڭ 16 – كۇنى تەلەۆيزوردا ءسوز سويلەپ، جاڭا تيپتى ايدارشا ۆيروس وكپە قابىنۋ ىندەتىنىڭ شۇعىل جاعدايىنا باعىتتاي وتىرىپ، فرانسيانىڭ «سوعىس كەزىندەگى كۇيگە» وتكەنىن، بۇكىل ەلدى ىندەتكە توتەپ بەرۋگە اتتانىسقا كەلتىرۋ قاجەت ەكەنىن ايتقان.

　　ماكرون بىلاي دەدى: ىندەتتەن ساقتانۋ – تىزگىندەۋ جاعدايى اۋىر بولعاندىقتان، ءاسىلى 3 – ايدىڭ 22 – كۇنى وتكىزىلەتىن بولىپ بەكىتىلگەن قالا – قالاشىق سايلاۋىنىڭ ەكىنشى اينالىمداعى داۋىس بەرۋىن كەشەۋىلدەتۋ ۇيعارىلدى، زەينەتكەرلىك ءتۇزىمى رەفورماسىن قامتىعان بارلىق رەفورمالاردى ىلگەرىلەتۋ ۋاقىتتىق توقتاتىلادى.

　　ماكرون فرانسيالىقتاردى ءجۇرىس – تۇرىستى بارىنشا ازايتۋعا ۇندەدى. ول بىلاي دەدى: 3 – ايدىڭ 17 – كۇنى تۇستەن باستاپ، كەمىندە 15 كۇن ىشىندە فرانسيالىقتار ءجۇرىس – تۇرىستى بارىنشا ازايتىپ، باسقالارمەن ۇشىراسۋدان ساقتانۋى كەرەك. سىرتقا شىعىپ جيىلىس وتكىزۋگە، دوس – جاراندارىمەن كەزدەسۋگە، باقشاعا بارۋ جانە جول بويىندا سەيىلدەۋگە تيىم سالىنادى، تۇرمىستىق قاجەتتى بۇيىمداردى ساتىپ الۋ مەن سىرتقا شىعىپ ەمدەلۋ سىندى ەرەكشە جاعدايلاردان سىرت، تۇرعىندار مۇمكىندىگىنشە ۇيدە وتىرۋى كەرەك. ول جۇرتشىلىقتى دەنساۋلىق ساقتاۋ بەلگىلەمەلەرىنە جانە ىندەتتەن ساقتانۋ – تىزگىندەۋ بەلگىلەمەلەرىنە بويسۇنۋعا ۇندەدى.

　　كەلۋ قاينارى: حالىق تورابى