جۇڭگو ۇكىمەتى جىبەرگەن كەمەلەر مالايزيا اۆياتسيا مەكەمەسىنىڭ جولاۋشىلار ۇشاعى دەرەكسىز كەتكەن تەڭىز ايدىنىنا بارىپ ىزدەۋ - قۇتقارۋ جۇمىستارىن ورىستەتتى

– ناۋرىز ساعات 21 گە دەيىن تەڭىزدەن كۇدىكتى قالقىما زاتتار جانە تەڭىز تۇبىنەن كۇدىكتى ورىندار بايقالمادى

2014.03.11 15:20   كەلۋ قاينارى : حالىق تورابى

　　حالىق گازەتى 10 – ناۋرىزدا بەيجيڭنەن حابارلايدى. جۇڭگو ۇكىمەتى جىبەرگەن سىرتقى ىستەر مينيسترلىگى كونسۋل مەڭگەرمەسىنىڭ ورىنباسار باستىعى گو شاۋچۇن ۇيىرمە باستىعى بولعان بىرلەسكەن قىزمەت گرۋپپاسى 10 – ناۋرىز كەشتە مالايزيانىڭ كۋالا – لۋمپۋر حالىقارالىق اۋەجايىنا جەتىپ، سول كۇنى كەشتە قىزمەتكە كىرىسىپ كەتتى. قاتىناس – تاسىمال مينيسترلىگىنىڭ تەڭىزدەگى ىزدەۋ – قۇتقارۋ ورتالىعى باس كەزەكشى كەڭسەسىنىڭ ورىنباسار مەڭگەرۋشىسى جو لي بىلاي دەدى: وسىنىڭ الدىندا جولاۋشىلار ۇشاعى دەرەكسىز كەتكەن تەڭىز ايدىنىنداعى ىزدەۋ – قۇتقارۋ قىزمەتىنە جۇڭگو جاقتان 3 كەمە قاتىناسقان ەدى، 11 – ناۋرىز كەشكى ساعات 10 دا جۇڭگو جاقتان ىزدەۋ – قۇتقارۋعا كومەككە بارعان كەمە سانى 6 عا جەتتى، ودان باسقا جۇڭگو جاقتان ىزدەۋ – قۇتقارۋ قىزمەتىنە 3 تىك ۇشار قاتىناستى.

　　10 – ناۋرىزدا جۇڭگونىڭ تەڭىزدەگى ىزدەۋ – قۇتقارۋ ورتالىعى 10 – ناۋرىزدان 12 – ناۋرىزعا دەيىنگى ىزدەۋ – قۇتقارۋ جوباسىن جاسادى، مالايزيا، ۆيەتنام جاقتىڭ ىزدەۋ – قۇتقارۋ قۇرىلىمدارىمەن كەڭەسىپ پىكىر بىرلىگىنە كەلگەننەن كەيىن، ىزدەۋ – قۇتقارۋ جوباسىن ناق مايدانداعى جۇڭگو تەڭىز ارمياسىنىڭ «ميانياڭ» اتتى كەمەسى مەن جۇڭگو تەڭىز ساقشىلارىنىڭ 3411 ءنومىرلى كەمەسىنە بەرىپ، جوسپارعا الىنعان ىزدەۋ – قۇتقارۋ اۋماعىندا رادار، سوناردان پايدالانىپ تەڭىز بەتى مەن تەڭىز استىنداعى نىسانالاردى ىزدەۋ – بارلاۋ قىزمەتىن ورىستەتەدى. 10 – ناۋرىز ساعات 21 گە دەيىن تەڭىز بەتىنەن كۇدىكتى قالقىما زاتتار جانە تەڭىز تۇبىنەن كۇدىكتى ورىندار بايقالمادى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى