مالايزيا اۆياتسيا سەرىكتىگىنىڭ دەرەكسىز كەتكەن جولاۋشىلار ۇشاعىن ىزدەۋ – قۇتقارۋ قىزمەتى جالعاستى كۇش سالا جۇرگىزىلۋدە

2014.03.12 17:14   كەلۋ قاينارى : حالىق تورابى

　　گازەتىمىزدىڭ 11 – ناۋرىزدا بەيجيڭنەن بەرگەن حابارى. سىرتقى ىستەر مينيسترلىگىنىڭ اقپارات مالىمدەمەشىسى چين گاڭ 11 – ناۋرىزدا وتكىزىلگەن كەزەكتى تىلشىلەر جينالىسىندا بىلاي دەدى: مالايزيا اۆياتسيا سەرىكتىگىنىڭ دەرەكسىز كەتكەن جولاۋشىلار ۇشاعىن ىزدەۋ – قۇتقارۋ قىزمەتى جالعاستى كۇش سالا جۇرگىزىلۋدە، جۇڭگو مالايزيانى ىزدەۋ – قۇتقارۋ قىزمەتىنىڭ تەبىنىن ارتتىرا تۇسۋگە، سونىمەن بىرگە، باسقا جاقتارداعى ورنالاستىرۋلاردى وتە – موتە، جولاۋشىلاردىڭ تۋىس – تۋعاندارىنا ويداعىداي قىزمەت وتەۋگە قۋزادى.

　　چين گاڭ بىلاي دەدى: 12 – ناۋرىزدا 8 جۇڭگو كەمەسى ىزدەۋ – قۇتقارۋ ارەكەتىنە قاتىناسادى. ولار الەۋمەتتىك ىستەر كەمەسىن، تەڭىز ساقشى كەمەسىن جانە تەڭىز ارمياسىنىڭ اسكەري كەمەسىن قامتيدى. جۇڭگو ۇكىمەتىنىڭ بىرلەسكەن قىزمەت گرۋپپاسى 11 – ناۋرىز تۇستەن بۇرىن كۋالا لۋمپۋر اۋەجايىنا جەتىپ، مالايزياداعى جۇڭگولىق جولاۋشىلاردىڭ وتباسىنداعىلارمەن كەزدەستى ءارى ولاردان جاعداي ۇعىستى. بىرلەسكەن قىزمەت گرۋپپاسى مەن مالايزيادا تۇراتىن جۇڭگو كونسۋلحاناسىنىڭ قىزمەتكەرلەرى سول كۇنى كۋالا لۋمپۋر اۋەجايىنداعى مالايزيا اۋە قاتىناسى شىرعالاڭىنا شوعىل توتەپ بەرۋگە قولباسشىلىق ەتۋ ورتالىعىنا بارىپ قىزمەتتى ەتەك الدىردى.

　　ءتىلشىنىڭ سول كۇنى جۇڭگو عىلىم اكادەمياسى الىستان بايقاۋ جانە سيفرلى جەر شارىن زەرتتەۋ ورنىنان ۇعىسۋىنشا، عىلمي زەرتتەۋ قىزمەتكەرلەرى مالايزيا اۆياتسيا سەرىكتىگىنىڭ دەرەكسىز كەتكەن جولاۋشىلار ۇشاعىنىڭ ورنىن الىستان بولجاپ بايقاۋ، باقىلاۋ، تەكسەرۋ قىزمەتىن ورىستەتىپ، دەرەكسىز كەتكەن جولاۋشىلار ۇشاعىن ىزدەۋىنە كەڭىستىك ينفورماتسياسى جاعىنان قولداۋ كورسەتتى. قازىرگە دەيىن قاتىستى تەڭىز ايدىنىنىڭ ءۇش جەرىنەن ماي ىزدەرىنىڭ بەلگىسى بايقالدى، مۇنى مالايزيا اۆياتسيا سەرىكتىگى دەرەكسىز كەتكەن جولاۋشىلار ۇشاعىمەن قاتىستى بولۋى مۇمكىن دەپ جورامالداۋدا. الىستان بايقاۋ، سيفرلى جەر شارىن زەرتتەۋ ورنى ءتۇرلى جاساندى سەرىك ساندى مالىمەتتەرىنەن پايدالانا وتىرىپ، ءتيىمدى عىلمي مالىمەتتەرمەن الىستان بايقاۋ، باقىلاۋ، تەكسەرۋ قىزمەتىن جالعاستى جۇرگىزۋدە.

　　مالايزيا اۆياتسيا سەرىكتىگى جوعارى دارەجەلى باسقارۋ كوميتەتىنىڭ اقپارات مالىمدەمەشىسى ۋاڭ ميڭساي 11 – ناۋرىز ساعات 18 دە بەيجيڭ گودۋ قوناق سارايىندا مالايزيا اۆياتسيا سەرىكتىگىنىڭ دەرەكسىز كەتكەن جولاۋشىلار ۇشاعىن ىزدەۋ - قۇتقار قىزمەتىنىڭ ەڭ جاڭا جاعدايلارى تۋرالى تاعى دا اقبار جاريالاۋ جينالىسىن وتكىزدى. ۋاڭ ميڭساي بىلاي دەدى: ىزدەۋ – قۇتقارۋ اۋماعى مالايزيا تۇبەگىنىڭ شىعىس بولەگى مەن باتىس بولەك اۋماعىن قامتىپ، 42 كەمە جانە 35 ۇشاق ىزدەۋ – قۇتقارۋ قىزمەتىنە قاتىناستى، ءبىراق، دەرەكسىز كەتكەن جولاۋشىلار ۇشاعىنان ءالى گە دەيىن حابار وشار جوق.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى