ادامدى الاڭداتاتىن ۇشاققا كوپتەگەن ەل ىزدەۋ سالدى

2014.03.09 16:03   كەلۋ قاينارى : حالىق تورابى

　　مالايزيا اۆياتسيا تاراۋىنىڭ ءبىر جولاۋشىلار ۇشاعىنىڭ 8 – ناۋرىز ساعات 1دەن 20 مينۋت وتكەندە جەر بەتىمەن بايلانىسى ۇزىلگەن، جولاشىلار ۇشاعىندا 153 جۇڭگولىق پەن ءبىر جۇڭگو تايۋاندىق جولاۋشىنى قامتىعان 239 ادام بار ەكەن. جۇڭگو ىزدەۋ – قۇتقارۋ قوسىنى قاتىستى تەڭىز ايدىنىنا اتتاندى.

　　بەيجيڭ ۋاقىتى 8 – ناۋرىز ساعات نولدەن 42 مينۋت وتكەندە مالايزيا اۆياتسيا سەرىكتىگىنىڭ MH370 ءنومىرلى ۇشاعى كۋالا لومپۋردان جولعا شىقتى، ەگەر بارلىق ءىس قالىپتى بولعاندا ۇشاق ساعات 6دان 30 مينۋت وتكەندە بەيجيڭگە كەلۋى كەرەك ەدى. الايدا 8 – ناۋرىز ساعات 1دەن 20 مينۋت وتكەندە MH370 ءنومىرلى ۇشاقتىڭ ۆيەتنام حوچيمين اۋەدەن باسقارۋ رايونىندا باسقارۋشى تاراۋلارمەن بايلانىسى ءۇزىلىپ قالدى، سونىمەن بىرگە رادار سەگنالى دا جوق بولدى. بۇل حاباردى تاراتقانعا دەيىن وسى ۇشاق جەر بەتىندەگىلەرمەن ەشقانداي بايلانىس جاسامادى. 239 ادامدىق بۇل ۇشاق تالايلاعان جاندى الاڭداتىپ، تابانىنان تىك تۇرعىزدى.

　　ۆيەتنام تەز حابار تورابىنىڭ 8 – ناۋرىزداعى حابارىنا قاراعاندا، بەيجيڭ ۋاقىتى 17دەن 30 مينۋت وتكەندە ۆيەتنام سولتۇستىك ەندىك 55' 7°، شىعىس بويلىق ′′52 ′18° 103 رايونىندا ۇزىندىعى 20 كيلومەترگە جەتەتىن ماي داعىن بايقاپ، ۆيەتنام اۆياتسيا مەكەمەسى ماي داعى جولاۋشىلار ۇشاعىنان شاشىلعان بولۋى مۇمكىن دەپ كۇماندانعان، الايدا ۇشۋ بيىكتىگىن تومەندەتۋ مۇمكىن بولماعاندىقتان، قازىرشە وعان بىردەمە دەپ ءجىپ تاعۋعا بولمايدى.

　　8 – ناۋرىز ساعات 23تەن 26 مينۋتقا دەيىن 8 – ناۋرىز تاڭەرتەڭنەن باستالعان كوپ ەلدىڭ بىرلەسكەن ىزدەۋ ارەكەتىنەن ەشقانداي ناتيجە بولمادى، مالايزيا جاق ىزدەۋ جۇمىسى 24 ساعات بويى جالعاسادى دەدى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى