ۋاكىل مىڭ حاي: سايدام اينالمالى ەكونوميكا سىناق رايونىن ويداعىداي قۇرۋ تاپسىرماسىن ەستە بەرىك ساقتايمىز

2018.03.14 16:43   كەلۋ قاينارى : حالىق تورابى

　　حالىق تورابى، 13 – ناۋرىز، بەيجيڭ (ءتىلشى جاۋ نا). مەملەكەتتىك حالىق قۇرىلتايىنىڭ ۋاكىلى، چيڭحاي ولكەسى حايشي وبلىستىق پارتكومنىڭ ورىنباسار شۋجيى، وبلىس باستىعى مىڭ حاي 13 – ناۋرىز مەملەكەتتىك 13 – كەزەكتى حالىق قۇرىلتايى 1 – ءماجىلىسىنىڭ ءتورتىنشى جالپى جيىنى اشىلۋدان بۇرىن حالىق سارايى ورتالىق زالىنىڭ سول جاعىنداعى «ۋاكىلدەر دالزىندە» ءتىلشىنىڭ سۇراۋىنا جاۋاپ بەردى.


　　مىڭ حاي بىلاي دەدى: 2016 – جىلى 22 – تامىزدا باس شۋجي شي جينپيڭ چيڭحاي ولكەسىنىڭ حايشي موڭعۇل – زاڭزۋ اۆتونوميالى وبلىسى، سايدام اينالمالى ەكونوميكا سىناق رايونى، گولمۋد، چارحان تۇزدى كولىن كوزدەن كەشىرگەندە، ەكولوگيالىق ورتانى قورعاۋ العى شارتىندا، تۇزدى كول حيميا ونەركاسىبىن ويداعىداي جۇرگىزىپ، اينالمالى پايدالانۋدى تالاپ ەتكەن - دى.


　　«2 جىلدان بەرى ءبىز اينالمالى ەكونوميكانىڭ دامۋىن ورنىقتى ىلگەرىلەتىپ، كەسەك تابىسقا قول جەتكىزدىك» دەي كەلە مىڭ حاي حايشيداعى جاسىل، اينالمالى دامۋدىڭ بەلگى سيپاتىندىق ءونىمى – مەتالدىق ماگنيدى كورسەتىپ تۇرىپ: «بۇل ءونىم تۇزدى كولدىڭ سۋىنان كالي ەلەمەنتىن ايىرىپ العاننان كەيىن ىعىستىرىلعان جاراقسىز سۋدى جىنتىكتەي مانەرلەپ الىنعان، ءبىز كەزدەرى جاراقسىز زات ەدى، قازىر قولدان تۇسپەيتىن اسىلعا اينالدى» دەدى.


　　مىڭ حاي بىلاي دەدى: «جەرگىلىكتى ورىن تۇزدى كول سۋىنان كاليلى تۇز، تۇز كول حيميا، جاراتىلىستىق گاز حيميا ونەركاسىبى سىندى كوپ ءتۇرلى شارۋاشىلىقتىڭ توعىسپالى دامۋىن جۇزەگە اسىرىپ، ودان كاليلى تىڭايتقىشتان جاڭا ماتەريال، جاڭا ەنەرگيا ءوندىرۋ سىندى 100 ميلليارد يۋاندىق 5 ءتۇرلى كاسىپ شوعىرىن قۇرىپ، جاسىل، اينالمالى دامۋدىڭ تيۆتىك ۇلگىسىن قالىپتاستىردى. ءبىز تاپسىرمانى ەسىمىزدە بەرىك ساقتاپ، بورىشىمىزدى اداقتاپ، سايدام مەملەكەتتىك اينالمالى ەكونوميكا سىناق رايونىن ويداعىداي قۇرىپ شىعامىز».


　　كەلۋ قاينارى: حالىق تورابى