«جالعىز پەرزەنتتى اتا – انالاردى كۇتىمدەۋگە» قاراتا مۇشە يۇي جينياۋ بىلاي دەدى: پەرزەنتتەرىنىڭ تۋىسشىلاۋ دەمالىسى ۇزارتىلعانى ءجون
«حالىق گازەتى» (ءتىلشى ۋان پىڭ)
2018.03.12 16:55 كەلۋ قاينارى : حالىق تورابى
ەلىمىزدە حالىق سانىنىڭ قارتتاسۋ سالىستىرماسى تەز بولىپ، قارتتاردىڭ ىشىندە جالعىز پەرزەنتتى اتا – انالار باسىم كوپ ساندى ۇستايدى ەكەن. قازىر ەلىمىز ءبىر ءجۇپ ەرلى – زايىپتىنىڭ تەك جالعىز پەرزەنتتى بولۋ ساياساتىن جالعاستى اتقارماعانىمەن، الايدا جالعىز پەرزەنتتى بولۋ ساياساتى جانە ونىڭ ىقپالى ۇزاق مەزگىلگە دەيىن ءومىر سۇرەدى. جالعىز پەرزەنتتى اتا – انالاردى كۇتىمدەۋ ماسەلەسىنە پارتيا مەن مەملەكەت ەجەلدەن ءمان بەرىپ كەلەدى.
وسىعان وراي مەملەكەتتىك ساياسي كەڭەستىڭ مۇشەسى، جۇڭگو قوعامدىق عىلىمدار اكادەمياسى دۇنيە تاريحىن زەرتتەۋ ورنىنىڭ زەرتتەۋشىسى يۇي جينياۋ تىلشىگە بىلاي دەدى: كەزەكتە ۇكىمەتتىڭ جالعىز پەرزەنتتى اتا – انالاردى كۇتىمدەۋ ساياساتىن قول سالىپ جاساۋىنا كەمەلدى نازاريالىق جانە زاڭدىق نەگىزى بار. قارتتار ىشىندە باسىم كوپ سالىستىرمانى ۇستايتىن جالعىز پەرزەنتتى اتا – انالاردى كۇتىمدەۋ ماسەلەسىن ويداعىداي شەشىم ەتۋدىڭ ءوزى قاراپايىم دەڭگەيدەگى قارتتاردى كۇتىمدەۋ ماسەلەسىن شەشىم ەتكەندىك سانالادى.
وسى ماسەلە جونىنەن مۇشە يۇي جينياۋ بىلاي دەپ ۇسىنىس بەردى: قارتتاردى كۇتىمدەۋدى ءوز ىشىنە العان جوسپارلى تۋىت مەملەكەت ساياساتى مەن ساياساتتىق كوزقاراس ورناتىپ، جوسپارلى تۋىتپەن بايلانىستى بولعان قارتتاردى كۇتىمدەۋدى جوسپارلى تۋىت مەملەكەت ساياساتى جانە ساياساتتاردىڭ ىشكى قۇرامداس بولەگىنە اينالدىرۋ كەرەك. جوسپارلى تۋىت مەملەكەت ساياساتى جانە ساياساتتاردىڭ تۇلعالىق كوزقاراسىن ورناتۋ - جالعىز پەرزەنتتى اتا – انالاردى كۇتىمدەۋ ماسەلەسىن شەشىم ەتۋدىڭ العاشقى شارتى بولىپ، بۇل كوزقاراستى كەڭىنەن ۇگىتتەۋگە تۋرا كەلەدى.
يۇي جينياۋدىڭ قاراۋىنشا، جالعىز پەرزەنتتى اتا – انالاردىڭ كۇتىمدەلۋى ماقسات ەتىلگەن حالىق سانىن جاپپاي انىقتاۋعا كۇش سالا ازىرلىك كورىپ، جالعىز پەرزەنتتى اتا – انالاردى كۇتىمدەۋدىڭ مەملەكەت تۇرعىسىندىق ارناۋلى ساياساتىن بەلگىلەۋگە كۇش شىعارۋ كەرەك. مەملەكەتتىڭ حالىق سانى جانە جوسپارلى تۋىت زاڭى ءارى پارتيانىڭ قاتىستى قۇجاتتارىن نەگىز ەتىپ، جوسپارلى تۋىتپەن بايلانىسى بار قارتتاردى كۇتىمدەۋ بەلگىلەمەسى مەن ساياساتىن جۇيەلىلەندىرۋ، ناقتىلاندىرۋ كەرەك ەكەن.
جالعىز پەرزەنتتى اتا – انالاردىڭ زەينەتكەرلىك كومەك قاراجاتى بەلگىلەنۋى كەرەك
«ايتالىق، جالعىز پەرزەنتتى اتا – انالاردىڭ مەملەكەت بويىنشا بىرلىككە كەلگەن زەينەتكەرلىك كومەك قاراجاتى بەلگىلەنۋى كەرەك». مۇشە يۇي جينياۋ: كومەك قاراجاتتىڭ مەملەكەتتىك ساناق مەكەمەسى جاريالاعان زات باعاسىنىڭ قىمباتتاۋ مولشەرىمەن بايلانىستى بولۋىن، ءار ەكى جىلدا ءبىر مارتە رەتتەلۋىن، مەملەكەت ولشەمىندىك كومەك قاراجاتتى مەملەكەتتىك قازىنانىڭ ۇستىنە الۋىن ۇسىنىس ەتەمىن. جەر – جەردىڭ ءىس جۇزىندىك جاعدايلارىنا ساي مەملەكەتتىك ولشەم نەگىزىندە، زەينەتكەرلىك كومەك قاراجاتىن جوعارىلاتۋعا، جوعارىلاعان ءىشىنارا قاراجاتتارعا جەرگىلىكتى ورىن قازىناسىنىڭ جاۋاپتى بولۋىنا شابىت بەرىپ، مەيلى مەملەكەتتىك ولشەمدەگى زەينەتكەرلىك كومەك قاراجاتى بولسىن نەمەسە جوعارىلايتىن ءىشىنارا جەرگىلىكتى ورىن زەينەتكەرلىك كومەك قاراجاتى بولسىن، قالا – اۋىلداردا ءبىر تۇتاس اتقارىلۋى كەرەك.
جالعىز پەرزەنتتى اتا – انالار ءۇشىن قارتتار ساناتورياسىن قۇرۋعا شابىت بەرىلەدى
مۇشە يۇي جينياۋ بىلاي دەپ ۇسىنىس بەردى: قازىنا، باجى، جەردەن پايدالانۋ سىندى جاقتارداعى ءتيىمدى ساياساتتارمەن جالعىز پەرزەنتتى اتا – انالار ءۇشىن قارتتار ساناتورياسىن قۇرۋعا شابىت بەرىلسە. جالعىز پەرزەنتتى اتا – انالاردىڭ ادەتتەگى قوعامدىق ساناتوريالارعا قابىلدانۋىنا قاراتا، قابىلداناتىن جالعىز پەرزەنتتى اتا – انالاردىڭ سانىن نەگىز ەتىپ، ساناتوريالاردان الىناتىن باجى ۇيلەسىمدى تومەندەتىلسە؛ جالعىز پەرزەنتتى اتا – انالاردىڭ زەينەتاقىسى ۇيلەسىمدى جوعارىلاتىلىپ، ۇكىمەت بەلگىلەگەن زەينەتاقى نەگىزىندە، زەينەتاقى ءمالىم سالىستىرما بويىنشا جوعارىلاتىلسا. ۇكىمەت قازىناسىنىڭ كومەگىمەن، اۋىل – قىستاقتارداعى جالعىز پەرزەنتتى اتا – انالاردىڭ كۇتىمدەۋ قامسىزداندىرۋ قاراجاتى ۇيلەسىمدى جوعارىلاتىلسا.
جالعىز پەرزەنتتەردىڭ تۋىسشىلاۋ دەمالىسى ۇيلەسىمدى ۇزارتىلعانى ءجون
مۇشە يۇي جينياۋ تىلشىگە بىلاي دەدى: جەر – جەر ناقتىلى اتقارىپ وتىرعان جالعىز پەرزەنتتى اتا – انالاردى كۇتىمدەۋدىڭ ءونىمدى ءادىس – امالدارىن مەملەكەت ساياساتىندىق دەڭگەيگە كوتەرۋىن، ايتالىق «جالعىز پەرزەنتتەردىڭ كۇتىمدەۋ دەمالىسىن» نەمەسە جالعىز پەرزەنتتەردىڭ تۋىسشىلاۋ دەمالىسىن ۇيلەسىمدى ۇزارتۋىن ۇسىنىس ەتەمىن. زەينەتكەرلىك جاسىنا تولعان جالعىز پەرزەنتتى اتا – انالاردىڭ باسقا جەردە قىزمەت ىستەپ جاتقان پەرزەنتتەرىنىڭ قاسىنا بارىپ ولارعا باسى – كوز بولۋىنا رۋحسات ەتىلگەنى ءجون. بۇندا رايوندارعا ءبولۋدى كۇشىنەن قالدىرىپ، جاسى ۇلعايعان جالعىز پەرزەنتتى اتا – انالاردىڭ (مەيلى اۋىل – قىستاق تۇرعىنى نەمەسە قالا – قالاشىق تۇرعىنى بولسىن) رايون اتتاپ باسقا جەرلەردە تۇراقتى كاسىپتەنىپ جاتقان، تۇراقتى قونىستانعان پەرزەنتتەرىنىڭ قاسىنا بارىپ ناپوسقا ورنالاسۋىنا، جەرگىلىكتى ورىن تۇرعىندارى سەكىلدى تيىمدىلىكتەردەن يگىلىكتەنۋىنە رۋحسات بەرىلۋى كەرەك. ولاردا جەرگىلىكتى ورىنداعى قارتتار سەكىلدى قوعامدىق قامسىزداندىرۋدان يگىلىكتەنۋى، ەمدەۋ قامسىزداندىرۋ ۇقىعى قاقپايعا ۇشىراماۋى كەرەك، ونىڭ ۇستىنە ناپوسقا ورنالاسۋ، قامتاماسىزداندىرۋ سيپاتىندىق تۇرعىن ۇيگە ءوتىنىش بەرۋ ۇقىعى دا بولادى. قارتتىق كەزەڭىنە اياق باسقاندا بالاسىنان ايرىلعان جالعىز پەرزەنتتى اتا – انالارعا قاراتىلعان قامقورلىقتى كۇشەيتۋگە قاراتا، ولاردىڭ كۇتىمدەلۋىن ۇكىمەت تاراۋلارى ارناۋلى بەلگىلەۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
