31 جىلدان بەرى ءار ۇلت بالالارىنا بار كۇشىمەن كومەكتەسىپ كەلگەن شينجياڭدىق شىن جيانجيا
173 بالانىڭ «اتاسى»
گازەتىمىزدىڭ ءتىلشىسى ارداق
2018.03.05 13:57 كەلۋ قاينارى : حالىق تورابى
حالىق تورابى، 5 – ناۋرىز، بەيجيڭ.قىس اياقتاپ، كوكتەم كەلىپ، ىلە دارياسىنىڭ مۇزى ەرىپ، تەكەس وزەنى باياۋ جىلجىپ اعا باستادى. وزەن – داريالاردىڭ اعۋىمەن، ءبىز جىلى ماۋسىمنىڭ كەلە باستاعانىن سەزدىك. مىنە، ٴبىزدە جەتتىك، بۇل شىن جيانجيانىڭ ءۇيى ەدى.
شىن جيانجيا ىلە قازاق اۆتونوميالى وبلىسى تەكەس اۋدانىنىڭ زەينەتكەرى. 30 جىلدان بەرى، قازاق، ۇيعۇر، قىرعىز، موڭعۇل قاتارلى 4 از ۇلتتان 173 بالا شىن جيانجيانىڭ رياسىز كومەگىنە يە بولىپ كەلەدى. بۇگىنگى كۇنى بالالاردىڭ الدى قىزمەتكە شىقتى، كەيبىر بالالار ونىڭ «قامقورلىق توبىنا» قاتىناسىپ، بۇل سۇيىسپەنشىلىكتى جالعاستىردى. ولار شىن جيەنجيانى شىن كوڭىلمەن «اتا» دەپ شاقىرادى.
شىن جيانجيا ەكى جاسىندا اكە – شەشەسىمەن بىرگە تەكەس اۋدانىنا كەلگەن. ول كەزدە ولاردىڭ وتباسىنداعى قيىنشىلىعى اۋىر بولعاندىقتان، ماڭايىنداعى مالشىلار ۇنەمى ولارعا كومەكتەسەتىن. كەيىن كەلە وتباسىندا قيىنشىلىعى بار مالشىلاردىڭ بالالارى كومەك سۇراپ كەلگەندە، ول ءارقاشان كومەكتەسۋگە پەيىلدى ەدى.
قازىر، شىن جيانجيانىڭ ءبىرىنشى توپتا كومەكتەسكەن بالالارىنا تۇپ – تۋرا 31 جىل بولىپتى.
1987 – جىلى، شىن جيانجيانىڭ ءۇيىنىڭ ماڭايىنا ورتا مەكتەپ سالىندى. سول جىلى جازدا، ول سايلاۋ اتتى قازاق بالامەن تانىستى. سايلاۋ تولىقسىز ورتا مەكتەپ تاۋىسقان، ناتيجەسى جاقسى بولاتىن، ءبىراق سايلاۋدىڭ ءۇيى مەكتەپتەن الىس بولعاندىقتان، تولىق ورتانى جالعاستى وقۋعا امالسىز قالعان. وقۋعا سونشاما ىنتالى سايلاۋدى كورگەن شىن جيانجيا «سەن مەنىڭ ۇيىمدە جاتىپ وقى» دەيدى ءارى ايتقانىنداي ونى ۇيىنە جاتقىزىپ وقىتادى. سول جىلى، سايلاۋدان كەيىن، جاعدايى ۇقساس 5 بالا وعان جاعدايىن ايتادى، شىن جيانجيا بارلىعىنىڭ ۇيىنە جاتىپ وقۋىنا ماقۇل بولادى.
كوزدى اشىپ – جۇمعانشا سونشاما جىل ءوتتى، شىن جيانجيا كومەك قولىن سوزعان بالانىڭ سانى دا 173كە جەتتى. قازىر ونىڭ ءار ايداعى زەينەت اقىسى 5000 يۋان، نەگىزىنەن دەرلىكتەي بالالاردىڭ يگىلىگىنە ىستەتىلەدى.
تۇستەن بۇرىن گۇلزات قانات قىزى ماڭايداعى بىرنەشە مالشىلاردىڭ بالالارىنا ساباق تولىقتاپ بەردى. بيىل 21 جاسقا كەلگەن قىرعىز قىزى گۇلزات جاڭا عانا سانجى ينستيتۋتىنان قىستىق دەمالىسقا كەلگەن بولاتىن. ول شىن جيانجيانىڭ كومەگىمەن ۋنيۆەرسيتەتكە تۇسكەن ەدى.
ءار رەت دەمالىسقا كەلگەندە، گۇلزات مالشىلاردىڭ بالالارىنا ءبىر تيىن الماستان، تەگىن ساباق پىسىقتاپ بەرەدى. «مەندە اتام سياقتى جاقسى ادام بولعىم كەلەدى» دەيدى گۇلزات. نۇردانيا ەرەن ۇلى شيلوزەك اۋىلى باقالى قىستاعى «قامقور اعا» توبىنىڭ جاۋاپتىسى، ول شىن جيانجيانىڭ ىزگى ىستەرىن ەستىگەننەن كەيىن قاتتى تەبىرەنىپ، بىلتىر قىستاقتارىندا «قامقور اعا» توبىن قۇرعان. اتالعان توپتىڭ مۇشەسى ەڭ باستاپتاعى 10 ادامنان قازىرگى كەزدەگى 29 ادامعا كوبەيىپ، مۇشەلەرى 4 ۇلتتان قۇرام تاپتى.
جاۋ حايحۋ شىن جيانجيانىڭ كەزىندەگى ساپتاسى ءارى «اسكەردەن شەگىنگەن ساقا ەرىكتىلەر توبىنىڭ» مۇشەسى. شىن جيانجيانىڭ جەتەكشىلىك ەتۋىندە، بۇل ەرىكتىلەر توبىنا قاتىناسقان ساقا اسكەرلەر سانى 30عا جەتتى. «ءبىز بىرلىكتە بولساق، ءتىپتى دە كوپ ادامدارعا كومەك قولىمىزدى سوزا الامىز» دەدى جاۋ حايحۋ.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
