«زاڭسىز الەۋمەتتىك ۇيىم» مەن «سىرتتا تىركەلگەن ۇيىمدار»، «كوشىرمە ۇيىمدار» اراسىندا قانداي پارىق بار
حالىق ىستەرى مينيسترلىگىنىڭ قاتىستى جاۋاپتىسى تىلشىلەردىڭ سۇراۋىنا جاۋاپ بەردى
حالىق گازەتىنىڭ ءتىلشىسى چىن جينسۇڭ
2018.03.02 14:07 كەلۋ قاينارى : حالىق تورابى
حالىق ىستەرى مينيسترلىگى جۋىردا «زاڭسىز الەۋمەتتىك ۇيىمداردىڭ» تىزىمدىگىن 3 توپقا ءبولىپ جاريالاپ، الەۋمەتتىك اڭىس قوزعادى. وسى جونىندە حالىق ىستەرى مينيسترلىگى الەۋمەتتىك ۇيىمداردى باسقارۋ مەكەمەسىنىڭ جاۋاپتىسى ءتىلشىنىڭ سۇحباتىن قابىلداعاندا، «زاڭسىز الەۋمەتتىك ۇيىمدار» مەن «سىرتتا تىركەلگەن ۇيىمدار»، «كوشىرمە ۇيىمدار» اراسىنداعى پارىقتى ەگجەي -تەگجەيلىءتۇسىندىردى.
ءبىرىنشى، ءمانى ۇقسامايدى
«زاڭسىز الەۋمەتتىك ۇيىمدار» دەگەنىمىز حالىق ىستەرى تاراۋلارىنا تىركەلمەي، ءوز بەتىمەن الەۋمەتتىك ۇيىم اتىندا قيمىل ورىستەتكەن، سونداي – اق، كۇشىنەن قالدىرىلعاننان كەيىن دە الەۋمەتتىك ۇيىم اتىندا قيمىل ورىستەتۋىن جالعاستىرعان ۇيىمداردى كورسەتەدى، مۇنان سىرت، ۇيىم قۇرۋ مەزگىلىندە ۇيىم قۇرۋ ىستەرىنە جاتپايتىن قيمىلداردى ۇيىمداستىرعان ۇيىمداردى كورسەتەدى.
«سىرتتا تىركەلگەن ۇيىمدار» دەگەنىمىز نەگىزىنەن ىشكى ولكە تۇرعىندارىنىڭ شەكارا سىرتىندا تىزىمدەلۋ شارتى بوساڭداۋ مەملەكەتتەر مەن رايونداردا بەلگىلەمەگە ساي تىزىمدەلىپ، ۇڭگونىڭ شەكاراسى ىشىندە الەۋمەتتىك ۇيىم رەتىندە قيمىل ورىستەتەتىن ۇيىمداردى كورسەتەدى.
«كوشىرمە ۇيىمدار» دەگەنىمىز «سىرتتا تىركەلگەن ۇيىمداردان» ەل ىشىندە زاڭدى تىزىمگە الىنعان الەۋمەتتىك ۇيىمداردىڭ اتىمەن بۇكىلدەي ۇقساس ات قويعان نەمەسە ونىڭ اتىنا بارىنشا ۇقسايتىن ات قويعان ۇيىمداردى كورسەتەدى. قاتىستى زاڭدار مەن بەلگىلەمەلەرگە ساي، «سىرتتا تىركەلگەن ۇيىمدار» مەن «كوشىرمە ۇيىمداردىڭ» زاڭدىق سيپاتى شەتەلدەگى ۇكىمەتكە جاتپايتىن ۇيىمدار بولىپ ەسەپتەلەدى.
ەكىنشى، زاڭدىق نەگىزدەرى ۇقسامايدى
«زاڭسىز الەۋمەتتىك ۇيىمداردى» تەكسەرۋ مەن كۇشىنەن قالدىرۋدىڭ زاڭدىق نەگىزى ـــ ەلىمىزدىڭ «الەۋمەتتىك ۇيىمداردى تىركەۋگە الۋدى باسقارۋ ەرەجەسى»، «حالىق باسقارۋىنداعى كاسىپورىنعا جاتپايتىن ورىنداردى تىركەۋگە الۋدى باسقارۋ جونىندەگى ۋاقىتتىق ەرەجە»، «قور قوعامىن باسقارۋ ەرەجەسى»، سونداي – اق، «حالىق اراسىنداعى زاڭسىز ۇيىمداردى كۇشىنەن قالدىرۋ جونىندەگى ۋاقىتتىق ءادىسناما»؛ «سىرتتا تىركەلگەن ۇيىمدار » مەن «كوشىرمە ۇيىمداردى» باقىلاۋ – باسقارۋدىڭ زاڭدىق نەگىزى ەلىمىزدىڭ «شەتەلدەگى ۇكىمەتكە جاتپايتىن ۇيىمداردىڭ ەل ىشىندەگى قيمىلدارىن باسقارۋ ءادىسناماسى» بولىپ تابىلادى.
ءۇشىنشى، باقىلاۋ – باسقارۋ تاراۋلارى ۇقسامايدى
«زاڭسىز الەۋمەتتىك ۇيىمداردى» تەكسەرۋ - ءبىرجاقتىلى ەتۋ مىندەتىنە ءار دارەجەلى حالىق ىستەرى تاراۋلارى جاۋاپتى بولادى؛ «شەتەلدەگى ۇكىمەتكە جاتپايتىن ۇيىمداردىڭ ەل ىشىندەگى قيمىلىن باسقارۋ ءادىسناماسىنىڭ» التىنشى تارماعىنداعى «مەملەكەتتىك كەڭەستىڭ قوعام حاۋىپسىزدىگى تاراۋلارى مەن ولكە دارەجەلى حالىق ۇكىمەتتەرىنىڭ قوعام حاۋىپسىزدىگى تاراۋلارى شەتەلدەگى ۇكىمەتكە جاتپايتىن ۇيىمداردىڭ جۇڭگودا قيمىل وتكىزۋىن تىركەۋدى باسقاراتىن ورگان ەسەپتەلەدى» دەگەن بەلگىلەمەسى بويىنشا، «سىرتتا تىركەلگەن ۇيىمدار» مەن «كوشىرمە ۇيىمداردى» باقىلاۋ – باسقارۋ مىندەتى قوعام حاۋىپسىزدىگى تاراۋلارىنىڭ قاراماعىندا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
