شي جينپيڭ، لي كىچياڭ، لي جانشۋ، جاۋ لىجي مەملەكەتتىك حالىق قۇرىلتايى ماجىلىسىنە قاتىناسقان ءىشىنارا ۋاكىلدەر ۇيىرمەلەرىنىڭ تالقىسىنا جەكە - جەكە قاتىناستى
2018.03.11 15:09 كەلۋ قاينارى : حالىق تورابى
شينحۋا اگەنتتىگى، 10 – ناۋرىز، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى لي جانشۋ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي 10 – ناۋرىز تۇستەن بۇرىن مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسقان ءىشىنارا ۋاكىلدەر ۇيىرمەلەرىنىڭ تالقىسىنا جەكە - جەكە قاتىناستى.
شي جينپيڭ چۇڭچيڭ ۋاكىلدەر ۇيىرمەسىنىڭ تالقىسىنا قاتىناستى. شي جينپيڭ دارىپتەپ بىلاي دەدى: پارتيامىز بەن ۇكىمەتىمىزدىڭ باسشى كادرلارى تۇگەل امبەباپ كادرعا اينالۋى كەرەك، قانداي قىزمەت ورنىندا ىستەسە دە نەگىزگى ءبىلىم جۇيەسىن ازىرلەۋى قاجەت، زاڭ __ وسىنىڭ نەگىزگى قۇرامداس ءبولىمى. ءار جاقتاعى نەگىزدىك ءبىلىمدى تۇگەل يگەرۋى، بىرىنە اۋناپ، ءبىرىن ەلەۋسىز قالدىرماۋى، وسى نەگىزدە ماماندىقتى ارنايى يگەرۋى كەرەك. كادرلاردى باۋلۋ جۇيەسىنە وسى نىسانا توڭىرەگىندە رەفورما جۇرگىزۋ كەرەك. شي جينپيڭ دارىپتەپ بىلاي دەدى: جۇڭگوشا سوتسياليزمنىڭ عيماراتى ارقالىق پەن تىرەۋدى تىرەك ەتەدى، پارتيا __ وعان ارقاۋ بولعان نەگىزگى قاڭقاسى، پارتيا ورتالىق كوميتەتى __ تىرەۋ. سونىمەن قاتار نەگىز دە اسا ماڭىزدى، نەگىزى بەرىك بولماسا جەر قوزعالىپ، تاۋ شايقالادى. نەگىزگى ساتىدا پارتيا ياچەيكاسى مىڭ ساباق ءجىپتى ءبىر ينەگە ساباقتايدى، سوندىقتان ءسوز جوق، نەگىزگى ساتىنى نىعايتۋ كەرەك. ءىس جۇزىندىك جاعدايمەن ۇشتاستىرا ءتۇرلى قىزمەتتەردى تياناقتاندىراتىن ميلليونداعان تاڭداۋلى نەگىزگى ساتى تىرەكتىلەرى بولۋى كەرەك. شي جينپيڭ سوڭىنداعى ماڭىزدى سوزىندە چۇڭچيڭدەگى قالىڭ كادرلار مەن بۇقارانىڭ جۇدىرىقتاي جۇمىلىپ، بايسالدىلىقپەن ىستەپ، ىشكى قۇرلىقتاعى قاقپا اشۋ تۇعىرىن، تاۋى جاسىل، سۋى تۇنىق كوركەم مەكەندى جەدەل قۇرىپ، ساپالى دامۋدى قۇلشىنا ىلگەرىلەتىپ، ساپالى تۇرمىس جاراتىپ، چۇڭچيڭنىڭ ءتۇرلى قىزمەتتەرىنىڭ تىڭ ساتىعا كوتەرىلۋىنە مۇمكىندىك جاساۋىن ءۇمىت ەتتى. شي جينپيڭ دارىپتەپ بىلاي دەدى: ساياسي ەكولوگيا تابيعي ەكولوگيا سياقتى، ءسال بايقاماساڭ وڭاي لاستانادى، الدا - جالدا ماسەلە شىعا قالسا، قايتادان قالپىنا كەلتىرەم دەگەنىڭمەن اسا زور بوداۋ بەرۋگە تۋرا كەلەدى. سالتى دۇرىس، ستيلى پاك ساياسي ەكولوگيا قالىپتاستىرۋ __ ايقىن تۋ ۇستاپ ساياسيدى دارىپتەۋدىڭ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدىڭ ساياسي تالابى، العان بەتتەن تايماي ستيلدى دۇرىستاپ، ءتارتىپتى قاتايتۋدىڭ، پارتيانى جاپپاي قاتاڭ جونگە سالۋدىڭ تەرەڭ دامۋىن جەبەۋدىڭ كوكەي تەستى قاجەتى، تاڭداۋلى پارتيا ستيلىن، ۇكىمەت ستيلىن شىڭداۋدىڭ، رەفورما، دامۋ نىسانالارىنىڭ ءساتتى جۇزەگە اسۋىن قامتاماسىز ەتۋدىڭ ماڭىزدى كەپىلى. تاربيەلەۋ مەن جەتەكتەۋدى كۇشەيتىپ، قيراتۋ مەن ورناتۋدى قاتار جۇرگىزۋگە ءمان بەرىپ، «شەشۋشى ازشىلىقتى» مىقتى يگەرىپ، ءار دارەجەلى باسشى كادرلاردىڭ باسشىلىق جاۋاپكەرلىك پەن ۇلگى كورسەتۋ جاۋاپكەرلىگىن سانالىلىقپەن باتىل ارقالاپ، وزدەرىن، يدەيالارىن، قىزمەتتەرىن جايىپ سالىپ، «باسشى قاز اسەرىن» قالىپتاستىرۋىن جەبەۋ كەرەك. زاڭمەن جونگە سالۋدا تاباندى بولىپ، اداممەن جونگە سالۋعا قارسى تۇرىپ، نەگىزگى زاڭنان، زاڭداردان قاشاندا يمەنىپ، باستاماشىلدىقپەن نەگىزگى زاڭ مەن زاڭدار كولەمىندە قيمىل جاساپ، زاڭدا بەلگىلەنگەن ۇقىق كولەمىنە، ەرەجەگە، تارتىپكە قاتاڭ نەگىزدەلە وتىرىپ بيلىك جۇرگىزىپ، مىندەت وتەپ، زاڭ مەن ءتارتىپتىڭ شار ايناسىن كوڭىل تورىنە بيىك قويىپ، زاڭ مەن ءتارتىپتىڭ سىزعىشىن مىقتى ۇستاپ، ءمانساپ ۇستاپ ءىس ىستەۋدىڭ ولشەمىن ايقىن ءبىلۋ كەرەك.
لي كىچياڭ نيڭشيا ۋاكىلدەر ۇيىرمەسىنىڭ تالقىسىنا قاتىناستى. لي كىچياڭ ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت باياندامالارىن بۇكىلدەي قۇپتايتىندىعىن ءبىلدىردى. ول بىلاي دەدى: نيڭشيا __ باتىس بولىكتەگى ۇلتتىق رايون، وتكەن 5 جىلدا ەكونوميكالىق، قوعامدىق دامۋدا جۇرتتى جالت قاراتقان ناتيجەلەرگە قول جەتكىزدى. ول مىنالاردى ءۇمىت ەتتى: نيڭشيا شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ باتىس بولەكتى قاۋىرت اشۋ ورنالاستىرۋىن ىلگەرىلەتۋدى تياناقتاندىرىپ، ىشكى قۇرلىقتاعى رەفورما جۇرگىزىپ، قاقپا اشۋدىڭ جاڭا تۇعىرىن اشىپ، ۇقىقتى تومەنگە بەرۋ، تومەنگە بەرۋ مەن باسقارۋدى ۇشتاستىرۋ، قىزمەت وتەۋدى جاقسارتۋ رەفورماسىن ىشكەرىلەي جۇرگىزىپ، ساۋدا ورتاسن ساپالىلاندىرىپ، بازار تۇلعالارىنىڭ ومىرشەڭدىك كۇشىن ءتىپتى دە جالىنداتىپ، بۇقارانىڭ ءىس بىتىرۋىنە ءتىپتى دا كوپ قولايلىلىق تۋدىرۋى كەرەك. قامداۋ جاعىنداعى قۇرىلىمدىق رەفورمانى ىلگەرىلەتىپ، مەشەۋ ءوندىرىس قۋاتىن قاتاردان قالدىرىپ، وزىق ءوندىرىس قۋاتىن ىسكە قوسىپ، وزىق جاساۋ كاسىبىن دامىتىپ، جاڭا قوزعاۋشى كۇشتى ۇزدىكسىز جەتىلدىرۋ كەرەك. حالىق تۇرمىسىن كۇش سالا قامتاماسىز ەتىپ جانە جاقسارتىپ، كەدەيلىكتەن ارىلتۋدان قامال الۋ شايقاسىن باتىلدىقپەن جەڭىسپەن جۇرگىزىپ، ەكولوگيانى قورعاۋ تەبىنىن ارتتىرۋ كەرەك. مەملەكەت قاتىناس سياقتى نەگىزدىك قۇرىلعىلاردى، نەگىزگى ساتى مادەنيەت قۇرىلعىلار شارت - جاعدايىن جاقسارتۋدى قولدايدى، «ينتەرنەت +» ەمدەۋى، وقۋ - اعارتۋ سياقتىلاردى بەلسەنە دامىتىپ، ءار ۇلت بۇقاراسىنىڭ تۇرمىسىنىڭ جىلدان - جىلعا جاقسارا تۇسۋىنە مۇمكىندىك جاسايدى.
لي جانشۋ يۇننان ۋاكىلدەر ۇيىرمەسىنىڭ تالقىسىنا قاتىناستى. چىن حاۋ، رۋان چىڭفا، لو جۇن قاتارلى ۋاكىلدەردىڭ ءسوزىن تىڭداعان سوڭ لي جانشۋ ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت باياندامالارىن بۇكىلدەي قۇپتايتىنىن ءبىلدىردى. ول بىلاي دەدى: پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى مەملەكەتتى جاپپاي زاڭمەن جونگە سالۋدى تىڭعىلىقتى ىلگەرىلەتىپ، سوتسياليستىك زاڭمەن جونگە سالىناتىن مەملەكەت قۇرىلىسىنىڭ جاڭا جاعدايىن جاراتى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ىشكەرىلەي دايەكتىلەندىرىپ، پارتيانىڭ باسشىلىعىن مەملەكەتتى زاڭمەن جونگە سالۋدىڭ تۇتاس بارىسى مەن ءار جاعىندا دايەكتىلەندىرىپ، زاڭمەن جونگە سالۋ قۇرىلىسىن پارتيا مەن مەملەكەت قىزمەتىنىڭ جالپى جاعدايىنا قويىپ ويلاستىرىپ، جوبالاپ، ىلگەرىلەتىپ، جۇڭگوشا سوتسياليزمدە تاباندى بولۋ مەن ونى دامىتۋعا پارمەندى زاڭمەن جونگە سالۋ كەپىلىن ازىرلەۋ كەرەك. يۇننان ولكەسىنىڭ باس شۋجي شي جينپيڭنىڭ يۇننان قىزمەتى جونىندەگى ماڭىزدى نۇسقاۋىنىڭ تالابىن ىشكەرىلەي دايەكتىلەندىرىپ، تياناقتاندىرىپ، ەلىمىزدىڭ ۇلتتار ىنتىماعى العاباسارلىعىنان ۇلگى كورسەتۋ رايونىنا، ەلىمىزدىڭ ەكولوگيالىق وركەنيەت قۇرىلىسىنىڭ كوشباسىسىنا، ەلىمىزدىڭ وڭتۇستىك ازياعا، شىعىس وڭتۇستىك ازياعا بەت العان شارپۋ ورتالىعىنا اينالۋعا قۇلشىنىپ، كوركەم يۇنناندى ءتىپتى دە كوركەم ەتىپ قۇرىپ شىعۋىن ءۇمىت ەتەمىن.
جاۋ لىجي شيزاڭ ۋاكىلدەر ۇيىرمەسىنىڭ تالقىسىنا قاتىناستى. ۋ يىڭجيە، لوساڭجياڭسۇن، چيجالا قاتارلى ۋاكىلدەردىڭ ءسوزىن تىڭداعان سوڭ ول بىلاي دەدى: پارتيا ستيلى حالىقتىڭ قۇپتاۋ - قۇپتاماۋىنا، پارتيانىڭ ءومىر ءسۇرۋى مەن قۇرىپ - جوعالۋىنا سايادى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ ستيل قۇرىلىسى جونىندەگى ورنالاستىرۋ تالاپتارىن ىشكەرىلەي دايەكتىلەندىرىپ، «4 ءتۇرلى بۇرىس ستيلدى» تۇزەتۋدەن جازباي، ستيلگە ۇزدىكسىز بۇرىلىس جاساپ، ۇزاق ۋاقىت تىڭعىلىقتى ۇلەس قوسىپ، ەرەكشە ۇقىق يدەياسىنا، ەرەكشە ۇقىق قۇبىلىستارىنا باتىل قارسى تۇرىپ، فورماشىلدىقتىڭ، تورەشىلدىكتىڭ جاسىرىن، ءتۇرى وزگەرگەن ماسەلەلەرىن باتىل وڭاپ، قولىنان ءىس كەلمەۋ، جۇمىسى ماندىماۋ، الىنە قاراماۋ ماسەلەلەرىن باتىل تۇزەتىپ، ورتالىقتىڭ «8 ءتۇرلى بەلگىلەمەسىنىڭ» رۋحاني تابىسىن بەكەمدەۋ، كەڭەيتۋ كەرەك، ستيل ماسەلەلەرىنىڭ قايتا باس كوتەرۋىنە استە جول بەرۋگە بولمايدى. مىقتى يگەرىپ، تيتتەي دە جول بەرمەي، ماسەلەلەردى ءبىر - بىردەن شەشىپ، ءار كەزەڭ بويىنشا تاباندى بولىپ، بىرتە - بىرتە ادەتكە، سالتقا اينالدىرۋ كەرەك. بۇقارانىڭ پىكىرىن كەڭىنەن تىڭداپ، نە ماسەلە بولسا، سول ماسەلەنى شەشىپ، نە ماسەلە كورنەكتى بولسا، سول ماسەلەنى وڭاپ، ستيل قۇرىلىسىنىڭ جاڭا تابىسىمەن جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ قۇدىرەتتى وڭ قۋاتىن توپتاۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
