ۋاڭ ياڭ كەنيا پرەيزدەنتى كەنياتتامەن كەزدەستى

2018.09.05 14:53   كەلۋ قاينارى : حالىق تورابى

　　حالىق تورابى، 5 – قىركۇيەك، بەيجيڭ. مەملەكەتتىك ساياسي كەڭەستىڭ ءتوراعاسى ۋاڭ ياڭ 4 – قىركۇيەك كۇنى دياۋيۇيتاي مەملەكەتتىك مەيمانسارايىندا كەنيانىڭ پرەزيدەنتى كەنياتتامەن كەزدەستى.

　　ۋاڭ ياڭ بىلاي دەدى: جۇڭگو – افريكا سەلبەستىك فورۋمىنىڭ بەيجيڭدەگى ساميتى ءساتتى اياقتاپ، كەسەك تابىستارعا قول جەتكىزدى. جۇڭگو مەن كەنيا جاقسى دوس، جاقسى سەرىكتەس، جاقسى اعايىن، قاي – قاشاندا ءبىر – ءبىرىن ٴتۇسىنىسىپ، ءوزارا قولداپ كەلەدى. ساميت اياقتالا سالىسىمەن، ەكى ەل باسشىلارى كەزدەسىپ، ەكى ەل قاتىناسى مەن ناقتىلى سەلبەستىك جونىندەگى ماڭىزدى ورتاق تانىمدى تەرەڭدەتتى. جۇڭگو جاق كەنيا جاقپەن ءبىر ارنادا بولىپ، «ءبىر بەلدەۋ، ءبىر جولدى» بىرلىكتە قۇرۋ مەن فورۋمىنىڭ بەيجيڭدەگى ساميتىنىڭ جەتىستىگىن دايەكتىلەندىرۋ ورايىمەن، ءارقايسى سالاداعى ٴتيىمدى سەلبەستىكتى جان – جاقتىلى تەرەڭدەتىپ، جۇڭگو – كەنيا جان – جاقتىلى ستراتەگيالىق سەلبەستىك سەرىكتەستىك قاتىناسىن بارعان سايىن دامىتۋعا پەيىلدى.

　　كەنياتتا بىلاي دەدى: بۇل رەتكى ساميت اسا سالتاناتتى بولىپ، بۇكىل دۇنيە جۇزىنە افريكا –جۇڭگو دوستىعىن ايگىلەدى. كەنيا جاق ەكى جاقتىڭ «ءبىر بەلدەۋ، ءبىر جول» سەلبەستىگىن كۇشەيتۋىنە وسكەلەڭ ءمان بەرەدى، جۇڭگو جاقپەن ءبىر ارنادا بولىپ، ەكى ەل قاتىناسىن جاڭا دەڭگەيگە كوتەرۋگە پەيىلدى.

　　شيا باۋلۇڭ كەزدەسۋگە قاتىناستى.

　　كەلۋ قاينارى: حالىق تورابى