2020 – جىلعى جۇڭگو ينتەرنەت سەنىمدىلىگى ءماجىلىسى شاندۇڭ ولكەسى چۇيفۋ قالاسىندا وتكىزىلدى

2020.12.08 15:52   كەلۋ قاينارى : حالىق تورابى

　　12 – ايدىڭ 7 – كۇنى، «سەنىمدىلىكتى ساقتاپ، ءوزارا سەنىمدى بولىپ، امالياتتا بىرگە ايگىلەۋ، ينتەرنەت سەنىمدىلىگى قۇرىلىسىن قول ۇستاسا ىلگەرىلەتۋ» اتتى تاقىرىپتاعى 2020 – جىلعى جۇڭگو ينتەرنەت سەنىمدىلىگى ءماجىلىسى شاندۇڭ ولكەسى چۇيفۋ قالاسىندا وتكىزىلدى.

　　ورتالىق ۇگىت ءبولىمىنىڭ ورىنباسار باستىعى، ورتالىق ينتەرنەت ينفورماتسياسى كەڭسەسىنىڭ مەڭگەرۋشىسى، مەملەكەتتىك ينتەرنەت ينفورماتسياسى كەڭسەسىنىڭ مەڭگەرۋشىسى جۋاڭ رۇڭۋىن، شاندۇڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ليۋ جيا – ي، مەملەكەتتىك دامىتۋ – رەفورمالاۋ كوميتەتى پارتگرۋپپاسىنىڭ مۇشەسى، ورىنباسار مەڭگەرۋشىسى ليان ۋەيلياڭ، بازاردى باقىلاۋ – باسقارۋ باس مەكەمەسىنىڭ پارتگرۋپپا مۇشەسى، ورىنباسار مەكەمە باستىعى سۇن مەيجۇن، ساۋدا مينيسترلىگى پارتگرۋپپاسىنىڭ مۇشەسى، مينيستردىڭ كومەكشىسى رىن حۇڭبين ماجىلىسكە قاتىناستى ءارى ءسوز سويلەدى. ورتالىق ينتەرنەت ينفورماتسياسى كەڭسەسىنىڭ ورىنباسار مەڭگەرۋشىسى، مەملەكەتتىك ينتەرنەت ينفورماتسياسى كەڭسەسىنىڭ ورىنباسار مەڭگەرۋشىسى شىڭ رۇڭحۋا اشىلۋ سالتىن باسقاردى.

　　جۋاڭ رۇڭۋىن مىنانى اتاپ كورسەتتى: پارتيا 19 – كەزەكتى ورتالىق كوميتەتى بەسىنشى جالپى ماجىلىسىندە «ينتەرنەتتەگى وركەنيەت قۇرىلىسىن كۇشەيتۋ، بەلسەندى دە اقاۋسىز ينتەرنەت مادەنيەتىن دامىتۋ» قاتارلى ماڭىزدى ورنالاستىرۋلار جاسالدى. سەنىمدىلىك — جۇڭحۋا ۇلتىنىڭ وركەنيەت بەلگىسى جانە ءداستۇرلى تاماشا ءمورالى، ينتەرنەت وركەنيەتى قۇرىلىسىنىڭ ماڭىزدى مازمۇنى. ينتەرنەتتىڭ دامۋىنا بايلانىستى، ينتەرنەت كەڭىستىگى كۇن سايىن سەنىمدىلىكتى امالياتتا ايگىلەيتىن جاڭا كەڭىستىككە اينالۋدا، ينتەرنەتتەگى سەنىمدىلىك كۇن سايىن سەنىمدىلىك قۇرىلىسىنىڭ جاڭا تاقىرىبىنا اينالۋدا. جاڭا ءداۋىر جاڭا وركەنيەتتى جەتىلدىرەدى، جاڭا وركەنيەت جاڭا ءداۋىردى ىلگەرىلەتەدى. ءبىز تاماشا ءداستۇرلى ساۋلەلەندىرىپ، ءداۋىر تالابىنا سايكەسىپ، ينتەرنەتتىڭ ەرەكشەلىگىن مىقتى ۇستاپ، باتىلدىقپەن تىزە قوسا بىرگە ىلگەرىلەپ، جاڭا داۋىردەگى ينتەرنەت سەنىمدىلىگى قۇرىلىسىن اناعۇرلىم جوعارى ساتىدا جوسپارلاۋىمىز ءارى ىلگەرىلەتۋىمىز كەرەك. سەنىمدىلىككە ءمان بەرىپ، ادالدىقتى دارىپتەپ، ينتەرنەتتەگى سەنىمدىلىك مادەنيەتىن بەلسەندى جەتىلدىرۋ كەرەك؛ سەنىمدىلىككە ءمان بەرۋ، ۋادەسىندە تۇرۋدى دارىپتەپ، ينتەرنەتتەگى سەنىمدىلىك ءتۇزىمىن ۇزدىكسىز كەمەلدەندىرۋ، سيلاۋعا تيىستىلەرىن سيلاپ، جازالاۋعا تيىستىلەرىن جازالاۋ، ينتەرنەتتەگى سەنىمدىلىكتەن ايرىلعان ارەكەتتەردى باتىل جازالاۋ كەرەك؛ شىنايىلىقتى دارىپتەپ، ينتەرنەتتەگى سەنىمدىلىك كۇشىن كەڭ كولەمدە ۇيىستىرۋ كەرەك. ينتەرنەتتەگى سەنىمدىلىك قۇرىلىسى ارقىلى ينتەرنەتتىك وركەنيەت قۇرىلىسىن ىلگەرىلەتۋ، ينتەرنەتتەگى قۋاتتى ەل، مادەنيەتتەگى قۋاتتى ەل، سەنىمدىلىكتەگى قۋاتتى ەل قۇرىپ، جاپپاي سوتسياليستىك وسىزامانداندىرىلعان مەملەكەت قۇرۋ ءۇشىن ءتيىستى ۇلەس قوسۋ كەرەك.

　　كەلۋ قاينارى: حالىق تورابى