شينجياڭداعى ورتا، باستاۋىش مەكتەپتەر جەلىدە وقىتۋ تاسىلىمەن ساباق باستايدى
2020.02.12 16:34 كەلۋ قاينارى : حالىق تورابى
حالىق تورابى، 2 – ايدىڭ 12 – كۇنى، بەيجيڭ. شينجياڭ گازەتىنىڭ ۇرىمجىدەن بەرگەن حابارى، 2 - ايدىڭ 9 – كۇنى شينجياڭ ۇيعۇر اۆتونوميالى رايوندىق وقۋ - اعارتۋ مەڭگەرمەسى «ىندەتتەن ساقتانۋ - تىزگىندەۋ مەزگىلىندە ورتا، باستاۋىش مەكتەپتەردىڭ جەلىدە وقىتۋ قىزمەتىن ويداعىداي ىستەۋ جونىندەگى حابارلاندىرۋدى» تاراتتى، 2 - ايدىڭ 17 - كۇنىنەن باستاپ، شينجياڭداعى ورتا، باستاۋىش مەكتەپتەر جەلىدە وقىتۋ تاسىلىمەن ساباق باستاپ، ورتا، باستاۋىش مەكتەپتەردىڭ وقۋ باستاۋدى كەشەۋىلدەتكەن مەزگىلدە «ساباقتى توقتاتقانىمەن وقىتۋدى توقتاتپاۋىن، ساباقتى توقتاتقانىمەن ۇيرەنۋدى توقتاتپاۋىن» قامتاماسىز ەتىپ، ىندەتتىڭ ورتا، باستاۋىش مەكتەپتەردىڭ وقىتۋ قىزمەتىنە تيگىزەتىن ىقپالىن بارىنشا ازايتپاقشى.
ۇعىسۋعا قاراعاندا، شينجياڭداعى ورتا، باستاۋىش مەكتەپتەر وقۋ - اعارتۋ مينيسترلىگى، شينجياڭ ۇيعۇر اۆتونوميالى رايوندىق وقۋ - اعارتۋ مەڭگەرمەسى ءبىرتۇتاس قامداعان وقىتۋ بايلىعى جۇلگەسى كولەمىندە جەلىدە وقىتۋ ءتاسىلىن يكەمدى تاڭدايدى. ورتا مەكتەپتىڭ 3 - جىلدىعىنىكىن جەر - جەردەگى مەكتەپتەر وزدەرى بەلگىلەيدى ەكەن.
شينجياڭ ۇيعۇر اۆتونوميالى رايوندىق وقۋ - اعارتۋ مەڭگەرمەسىنىڭ قاتىستى جاۋاپتىسى بىلاي دەپ تانىستىردى: شينجياڭ وقۋ - اعارتۋ تەلەۆيزياسى ارناسى اۆتونوميالى رايوندىق وقۋ - اعارتۋ مەڭگەرمەسى ءبىرتۇتاس تۇسىرگەن بەينەجازبا ساباقتارىن تاراتادى، بۇل باستاۋىش مەكتەپتىڭ 4 - جىلدىعىنان ورتا مەكتەپتىڭ 2 - جىلدىعىنا دەيىنگى نەگىزگى ساباقتاردى قامتيدى. سول كەزدە جۇڭگو وقۋ - اعارتۋ تەلەۆيزياسى ارناسى دا وقۋ - اعارتۋ مينيسترلىگى قامداعان قاتىستى ساباقتاردى جانە بايلىقتاردى تاراتادى، بۇل باستاۋىش مەكتەپتىڭ 1 - جىلدىعىنان ادەتتەگى ورتا مەكتەپتىڭ 3 - جىلدىعىنا دەيىنگىسىن قامتيدى. وقۋشىلار ساباق كەستەسىنە ساي، ۇيىندە سىمدى تەلەۆيزيا، ينتەرنەت تەلەۆيزياسى، جاساندى سەرىك تەلەۆيزياسى سياقتىلار ارقىلى كورىپ ۇيرەنە الادى.
شينجياڭ نەگىزدىك وقۋ - اعارتۋ بايلىعى الەۋمەتتىك قىزمەت وتەۋ تەكشەسى، شينجياڭ وقۋ - اعارتۋ، عىلىمي زەرتتەۋ ورنى ينتەرنەت تەكشەسى شينجياڭ ۇيعۇر اۆتونوميالى رايوندىق وقۋ - اعارتۋ مەڭگەرمەسى ءبىرتۇتاس تۇسىرگەن ساباقتاردى ءبىر ۋاقىتتا تاراتادى، سونىمەن بىرگە، مەملەكەتتىك ينتەرنەت بۇلتى ساباقحاناسى دا بۇكىل ەلگە باعىتتاپ ورتا، باستاۋىش مەكتەپتەردىڭ ءتۇرلى ساباقتارىمەن جانە وقىتۋ بايلىعىمەن قامدايدى. وقۋشىلار مەكتەپتىڭ ورنالاستىرۋىنا ساي، ۇيلەرىندە كومپيۋتەر نەمەسە تاقتايشا كومپيۋتەر سياقتى تەرمينال جابدىقتاردان پايدالانىپ، جەلىدە كورىپ، ۇيرەنە الادى. ساباق كەستەسى شينجياڭ وقۋ - اعارتۋ تەلەۆيزياسى، شينجياڭ نەگىزدىك وقۋ - اعارتۋ بايلىعى الەۋمەتتىك قىزمەت وتەۋ تەكشەسى (http://edu.xjcxedu.com)، شينجياڭ وقۋ - اعارتۋ، عىلىمي زەرتتەۋ ورنى ينتەرنەت تەكشەسى (http://jky.xj.edu.cn) سياقتى اقپارات قۇرالدارى ارقىلى وقىتۋشى - وقۋشىلارعا جانە اتا - انالارعا جاريالانادى.
شينجياڭ ۇيعۇر اۆتونوميالى رايوندىق وقۋ - اعارتۋ مەڭگەرمەسى وقىتۋشى - وقۋشىلاردىڭ جەلىدەن تىس توپتالۋىنا قاتاڭ تيىم سالۋدى، ۇيدەن شىقپاي ۇيرەنۋدى باسا دارىپتەدى. 2 - ايدىڭ 17 - كۇنىنەن ىلگەرى جەر - جەردەگى مەكتەپتەردىڭ جاڭا وقۋ ماۋسىمىنداعى ساباقتاردى جەلىدە وقىتۋدى مەرزىمىنەن بۇرىن باستاۋىنا بولمايدى. جەر - جەردەگى وقۋ - اعارتۋ تاراۋلارى قاراستى جەر بويىنشا باسقارۋ پرينسيبىنە ساي، ورتا، باستاۋىش مەكتەپتەردىڭ ۇيدە جەلىدە وقۋ - اعارتۋ، وقىتۋ قىزمەتىن ورىستەتۋدى تياناقتاندىرۋ جاعدايىنا باقىلاۋ - تەكسەرۋ جۇرگىزىپ، بۇيرىق بولسا دا اتقارماۋ، تيىم سالسا دا تيىلماۋ ارەكەتتەرىنە قاراتا جاۋاپكەرشىلىگىن قاتاڭ قۋزاستىرۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
