- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ايەل جانى ادەپتىلىگىمەن ادەمى
2014.04.02 15:49
«ايەل زاتى ۇلتجاندىلىعىمەن، كىرشىكسىزدىگىمەن جانە يناباتتىلىعىمەن ەرەكشەلەنۋى ءتيىس ءارى وسى ۇلى مىنەزدەرىمەن ارداقتى» ۇلاعاتىن بابالار مۇراتى ءار بورىكتىنىڭ ساناسىنا ءسىڭىرىپ، تۇنىق ادامگەرشىلىك پەن زامزار ەستىلىكتى باياندى بوي تۇمار ەتىپ، ۇرپاعىنان دانالىق پەن ۇلاعات كۇتىپ كەلەدى. م.كارامزين:« ايەل زاتى جونىندە ەڭ قىمبات نارسە - گاۋھار ەمەس، قايتا ونىڭ كوركەم احلاعى» دەسە، عابيت مۇسىرەپوۆ:« قىز مىنەزىندە ۇياڭدىق پەن ادەپ ءبىر كەزدەسسە ءبىرىن-ءبىرى جاسىرىڭقىراپ تۇرادى دا، اشىقتىق پەن ابايسىزدىق كەزدەسسە ءبىرىن-ءبىرى اسىرىڭقىراپ تۇرادى» دەپ اقىل انادان، ادامگەرشىلىك ايەلدەن باستالاتىنىن احيقاتتاپ ۇلگىردى.
دانا پەيىل اتا-انانىڭ اق سامايىن ارداقتاپ، قۇندىلىققا قۇرىق جالعاپ، يناباتتى، ءىلتيپاتتى مۇراتتاعان قىرمىزى قىز وسىرۋگە زەردەل جان مىندەتتى دەسەك، سانانى سانگە ەمەس، ءساندى ساناعا باعىندىرۋ ەستى قىزعا بوتەن ەمەستى…
ايەل جانى ادەپتىلىگىمەن ادەمى، ادامگەرشىلىك، يناباتتىلىعىمەن ارداقتى، ولاردىڭ مىنەزىندە دورەكىلىك بوي كورسەتپەيدى، ورىندى سويلەپ، ادامدارعا جاقىندىق تانىتىپ، شاتتىق سيلايدى. ايەل زاتىنىڭ قاسيەتىن باعامداعاندا ايەلدەردىڭ يناباتتىلىق پەن سۇيكىمدىلىك تانىتىپ، كوركەمدىك ولشەمىن زەردەلەيتىنى، ناعىز كوركەمدىك ادەپتىلىكتە ەكەندىگى ۇلاعات تابادى.
ادەپتى ايەلدەر كەڭ پەيىل، بيازى، ىزگى نيەتتى كەلەدى، ءارقانداي ءىستى ورىندى، تەبىندى، ءتارتىپتى ىستەيدى. باسقالاردىڭ قيىنشىلىعىن سەزىنە بىلەدى، ولاردىڭ بويىنان باسقالارعا كومەكتەسۋدى قۋانىش سانايتىن ىزگىلىك مەنمۇندالايدى. ولار قىزمەت بارىسىندا ءتۇرلى قايشىلىقتار مەن قاقتىعىستارعا جولىققاندا پرينسيپتەن اۋىتقىماۋ شارتى استىندا، قايشىلىقتىڭ تۋىنداۋ سەبەبىنە تالداۋ جاساپ، لايىقتى جول بەرىپ، راقايلاسپ، باسقالارمەن سەلبەسە وتىرىپ، وزىنە جۇكتەلگەن مىندەتتى ورىنداۋعا كۇش سالادى.
وتباسى ايەل زاتىنىڭ عۇمىرلىق تياناعى. وتباسىندا مەيلى قانداي سالاۋاتتا بولسىن، ادەپتى ايەلدەر جانۇياداعى ۇلكەندى-كىشىنى بىردەي وزىنە تارتىپ، ولاردىڭ كوڭىلىن تابا بىلەدى. وتباسى بەرەكەسىنە ۇيتقى بولىپ، كەڭ پەيىلدىلىكپەن وتباسىنداعى قايشىلىقتاردى ءبىر جايلى ەتەدى. ولار قىراعىلىقپەن ماسەلەلەردى دەركەزىندە بايقاپ، اۋرەشىلىكتەردى شەبەرلىكپەن شەشىم ەتەدى. باسقالاردى كىنالاپ، قازىمىرلىققا سالىنبايدى. وسىنداي ايەل زاتىنىڭ وتباسىندا مارتەبەسى جوعارى بولىپ، وتباسىنداعىلار ولارمەن اعىنان اقتارىلا اڭگىمەلەسۋدى قالاسا، بالالار ولاردىڭ تالىمىنە قۇلاق اسادى.
قوعامدىق قارىم-قاتىناستا ءىستى بايسالدىلىقپەن ىستەپ، جىلى پوزيتسيا تانىتىپ، كىشى پەيىلدىلىك كورسەتەتىن ايەلدەردىڭ قوعامدىق قارىم- قاتىناسى كەڭ بولىپ، باسقالاردىڭ قۇرمەتىنە وڭاي يە بولادى. ولاردىڭ رياسىز كۇلىمسىرەگەنى، كەڭ پەيىلدىلىگى مەن جىلى لەبىزى كىسىلىك قارىم-قاتىناس ورناتۋىنىڭ التىن ارقاۋىنا اينالادى.
مادەنيەتتىلىكتى دارىپتەپ، ادەپتى بولۋ وسكەلەڭ قاسيەت ءارى ايەلدەردەگى ءبىر ءتۇرلى ءتىلسىم كۇش. ادەپتى ايەلدەر ەسىل قاسيەتتى انا بولا ءبىلىپ، وتباسى جۇمىستارىن تىندىرىمدى ىستەپ، ۇلاعاتتى ۇل، يناباتتى قىز ءوسىرىپ، وتاعاسىنىڭ كاسىبىن قولداپ، جاراسىمدى جانۇيانىڭ بەرەكەسىنە، ۇيتقىسىنا اينالادى. ادەپتى ايەلدەردىڭ ىزگى نيەتى مەن وسكەلەڭ ادامگەرشىلىك قاسيەتى كىسىلەر جۇرەگىنە شۋاقتى مەيىرىن توگىپ، باسقالارعا زور قۇرمەت كورسەتىپ، «قايىرىمدى جۇرەك ماڭگى قارتايمايدى» ۇلاعاتىن تاريح پاراعىنا تاڭبا ەتىپ قالدىرادى.
اۋدارعان: تۇيمەقان يساقان قىزى
كەلۋ قاينارى: تارباعاتاي اقپارات تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
