بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>مادەنيەت

ستۋدەنتتەر اباي ءومىرىن ارقاۋ ەتكەن ساحنالىق شىعارما ورىندادى

2014.04.22 16:22   كەلۋ قاينارى : حالىق تورابى



  2014 – جىلى 19 – ءساۋىر تۇستەن كەيىن، جۇڭگو – ساياسي زاڭ ۋنيۆەرسيتەتىندە ءبىلىم الىپ جاتقان قازاق ستۋدەنتتەر 4 - كەزەكتى قازاق تىلىندەگى ەلىكتەمەلى سوت قيمىلىن وتكىزدى. سول كۇنى كەشكە ساياسي – زاڭ ۋنيۆەرسيتەتىنىڭ وقۋشىلار قيمىل ورتالىعىندا، وقۋشىلار وزدەرى ءتۇسىرىپ، وزدەرى مونتاجداعان «تەك، العا» اتتى ميكروفيلىم مەن اباي ءومىرىن ارقاۋ ەتكەن «تۋراعا تۋعان ۇل» اتتى ساحنالىق شىعارما قويىلدى. قيمىل بارىسىندا ءۇنحات داۋالى ىسكە قوسىلىپ، كورەرمەندەردىڭ ءۇنحات ارقىلى جولداعان ءتاتتى ازىلدەرى، ماقتاۋ – ماداقتارى ساحنا شەتىندەگى ەكراننان كورىنىپ، قيمىلعا وزگەشە ءسان قوسىپ، ءمان سيلادى.

  قۇربى – قۇرداستارىنىڭ ۇقىپتىلىقپەن ورنالاستىرعان قيمىلىن تاماشالاعان بەيجيڭدەگى باسقا ۋنيۆەرسيتەت وقۋشىلارى دا قىزىعا، تاڭدانا قاراپ، ءتۇرلى وي ءتۇيىپ قايتتى. قاسىمقاننىڭ قاسقا جولى، ەسىمقاننىڭ ەسكى جولى، جەتى جارعى سىندى حالقىمىزدىڭ تاريحتاعى زاڭ – جارعىلارىن وزەك ەتكەن زەيىن سىناۋ جارىسى وتكىزىلدى، ءماندى دە قىزىقتى ويىندار وينالدى.

  وسىلايشا، «ءبىر قولدىڭ سالاسىنداي، ءبىر ءۇيدىڭ بالاسىنداي» ىنتىماعى جاراسقان ستۋدەنتتەردىڭ ىرگەلى قيمىلدارىنا تامسانا، تاڭداي قاعا تاراستىق. «الىپ وزەن بۇلاقتان باستاۋ الادى» دەگەندەي، شاعىننان باستالىپ، قۇلاشىن كەڭگە جايىپ كەلە جاتقا بۇل قيمىلدىڭ بولاشاعى بۇدان دا نۇرلى بولىپ، بۇكىل بەيجيڭ كولەمىندە، ءتىپتى، بۇكىل ەل كولەمىندە ستۋدەنتتەر اراسىندا وتكىزىلەتىن كولەمدى قيمىلعا اينالسا ەكەن تىلەگىمىزدى ارقالاپ اتتاندىق. وسىنداي جالىنى جاسىماعان، ارىنى باسىلماعان ۇل – قىزدار تۇرعاندا، ول دا الىنباس اسقار، بەرىلمەس بيىك بولماس – اۋ.

  حالىق تورابى، نۇرعيسا قۇرمانجان ۇلى، مۇحيت امانتاي ۇلى بەيجيڭنەن حابارلايدى.

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
【16】 【17】 【18】 【19】 【20】 【21】 【22】 【23】 【24】 【25】 【26】 【27】 【28】 【29】 
جاۋاپتى رەداكتورى : مۇحيت امانتاي ۇلى

 سۋرەت