از ۇلتتاردىڭ 11 – كەزەكتى مەملەكەتتىك ءداستۇرلى سپورت جارىسىنىڭ جابىلۋ سالتى 9 - ايدىڭ 16 - كۇنى حىنان ولكەسىنىڭ جىڭجوۋ قالاسىندا وتكىزىلدى. ج ك پ ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان جابىلۋ سالتىنا قاتىناستى ءارى سپورت جينالىسىنىڭ جابىلعانىن جاريالادى. مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك ۇلت ىستەرى كوميتەتىنىڭ مەڭگەرۋشىسى باتىر جابىلۋ سالتىنا قاتىناستى.
9 – ايدىڭ 4 – كۇنى تۇستەن كەيىن، جىڭجوۋ قالالىق پارتكوم شۋجيىنىڭ ورىنباسارى، ۇيىمداستىرۋ ءبولىمىنىڭ باستىعى جياۋ يۇيرۋ قاتىستى تاراۋلاردىڭ جاۋاپتىلارىن باستاپ، ىرچي رايونى مەن جىڭدۇڭ جاڭا رايونىنا بارىپ، سپورت جينالىسىنىڭ الاۋىن قالا ىشىندە جەتكىزۋدىڭ باستالۋ سالتى مەن الاۋدى قابىلداۋ سالتى وتكىزىلەتىن الاڭ، سونداي – اق، الاۋ جەتكىزەتىن جولدىڭ بويىنداعى ورتانى جاقسارتۋ جاعدايى، بەلسەندى اۋقىم قالىپتاستىرۋ قاتارلى قامتاماسىزداندىرۋ قىزمەتتەرىنە تەكسەرۋ جۇرگىزدى. قالالىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى، قالا باستىعىنىڭ ورىنباسارى حۋاڭ چين، قالا باستىعىنىڭ ورىنباسارى، قالالىق قوعام حاۋىپسىزدىگى مەكەمەسىنىڭ باستىعى ما يجۇڭ تەكسەرۋگە قاتىناستى.