تاريحتى ۇمىتپاي، گۇلدەنۋدى مۇرات ەتەيىك (باسماقالا)
2017.12.13 15:36 كەلۋ قاينارى : حالىق تورابى
بۇگىن نانجيڭدەگى قاندى قىرعىننىڭ 80 جىلدىعى، سونداي - اق نانجيڭدەگى قاندى قىرعىندا قازا بولعاندارعا ارنالعان 4 - رەتكى مەملەكەتتىك ازا ءبىلدىرۋ كۇنى. ءدال وسىنداي قايعىلى كۇندە، ءبىز نانجيڭدەگى قاندى قىرعىندا قازا بولعان بەيكۇنا جانداردى ايرىقشا ەسكە الامىز، جاپون شاپقىنشىلارىنىڭ قىرعىنشىلىعىنا ۇشىراپ قازا تاپقان باۋىرلاستارىمىزدى ايرىقشا ەسكە الامىز، جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسى ءۇشىن جانىن قيعان توڭكەرىسشىل اعا بۋىندار مەن ۇلت قاھارماندارىن ايرىقشا ەسكە الامىز.
3 جىلدىڭ الدىنداعى وسى كۇنى باس شۋجي شي جينپيڭ نانجيڭ قاندى قىرعىنىندا قازا بولعاندارعا ارنالعان مەملەكەتتىك ازا ءبىلدىرۋ سالتىندا ءسوز سويلەپ، جۇڭحۋا حالقىنىڭ بەيبىت دامۋ جولىنان اۋىتقىمايتىن اسقاق تىلەگىن جەتكىزىپ، جۇڭگو حالقىنىڭ تاريحتى ەستە بەرىك ساقتايتىن، وتكەندى ۇمىتپايتىن، بەيبىتشىلىكتى قاستەرلەيتىن، بولاشاققا جول اشاتىن بەرىك تۇرعىسىن ايگىلەدى. 3 جىلدان بەرى، ءبىز قازا بولعاندارعا مەملەكەت اتىمەن ازا ءبىلدىرىپ، بەيبىتشىلىكتى ارداقتاۋ سەزىمىمەن قاستەرلەپ، ۇلتتىڭ كۇشىمەن گۇلدەنۋدى مۇرات ەتتىك. بۇگىنگى تاڭدا، جۇڭحۋا ۇلتتارىنىڭ دامۋ بولاشاعى ايرىقشا نۇرلى، جۇڭگو حالقىنىڭ بەيبىتشىلىكتى قورعاۋ بەكىمى مىزعىماق ەمەس.
1937 - جىلى 7 - شىلدەدە جاپون شاپقىنشىلارى شىمىرىكپەستەن جۇڭگوعا جاپپاي شاپقىنشىلىق سوعىس اشىپ، جۇڭگو حالقىنا بۇرىن بولماعان وراسان زور اپات ءتوندىردى. 13 - جەلتوقساندا جۇڭگوعا شاپقىنشىلىق جاساعان جاپون ارمياسى نانجيڭگە تاعىلىقپەن باسىپ كىرىپ، كىسىلىكتى اياققا تاپتاعان نانجيڭ قاندى قىرعىنىن تۋدىرىپ، 300 مىڭ باۋىرلاسىمىز ايانىشتى قىرعىنعا ۇشىرادى. ادامزاتقا قارسى ءدال وسىنداي سۇمدىق قىلمىس ادامزات تاريحىنىڭ ەرەكشە قارا تۇنەك ءبىر پاراعى، جۇڭحۋا ۇلتتارىنىڭ ماڭگىلىك قاسىرەتى سانالادى. اسقان تاعى، اسقان قانقۇيلى جاپون شاپقىنشىلارىنىڭ الدىندا، ۇلى وتانشىلدىق رۋحقا يە جۇڭگو حالقى باس يگەن جوق، جۇڭگو كوممۋنيستىك پارتياسىنىڭ ۇندەۋى مەن جەتەكشىلىگىندە، بۇكىل ۇلتتىڭ بەلسەندى كۇشتەرى جاۋعا بىرگە كەكتەنىپ، سىرتقى جاۋعا تىزە قوسا قارسى تۇرىپ، اقىرى جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسىنە جەتتى، دۇنيە ءجۇزىنىڭ فاشيزمگە قارسى سوعىسى ءۇشىن دە ماڭىزدى ۇلەس قوستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
