شينجياڭدا كومىر كەنىنەن سۋ شىعۋ شىرعالاڭى تۋىلىپ، 21 ادام قامالىپ قالۋدا

2021.04.12 13:15   كەلۋ قاينارى : حالىق تورابى

سۋرەتتە: شينجياڭ سانجى حۇيزۋ اۆتونوميالى وبلىسى قۇتىبي اۋدانى چورگۋ قالاشىعىنداعى فىڭيۋان كومىر كەنىندە تۋىلعان شىرعالاڭعا قاتىستى قۇتقارۋ ناق مايدانى (4 – ايدىڭ 11 – كۇنى ۇشقىشسىز ۇشاقپەن تۇسىرىلگەن سۋرەت). شينحۋا اگەنتتىگىنىڭ ءتىلشىسى گاۋ حان فوتوسى

　　شينحۋا اگەنتتىگىنىڭ ءتىلشىسى يۇي تاۋ 4 – ايدىڭ 11 – كۇنى ۇرىمجىدەن حابارلايدى. ءتىلشىنىڭ شينجياڭ ۇيعۇر اۆتونوميالى رايوندىق شۇعىل جاعدايلارعا توتەپ بەرۋ ىستەرىن باسقارۋ تاراۋلارىنان ۇعىسۋىنشا، 4 – ايدىڭ 10 – كۇنى ساعات 18 دەن 10 مينۋت وتكەندە، شينجياڭ سانجى حۇيزۋ اۆتونوميالى وبلىسى قۇتىبي اۋدانى چورگۋ قالاشىعىنداعى فىڭيۋان كومىر كەنىندە كەن قۇدىعىنا تەحنيكالىق وزگەرىستەر ەنگىزىلىپ جاتقاندا، كەنەتتەن كومىر كەنىنەن سۋ شىعۋ شىرعالاڭى تۋىلىپ، كەن قۇدىعىندا توك توقتاۋ، حابارلاسۋ جەلىسى ءۇزىلۋ جاعدايىنا اپارىپ سوققان. العاشقى قادامدا ۇعىسۋعا قاراعاندا، شىرعالاڭ تۋىلعان كەزدە كەن قۇدىعىندا كەزەكشىلىكتە 29 ادام بار ەكەن، قازىرگە دەيىن 8 ادام كەن قۇدىعىنان حاۋىپسىز قۇتقارىلىپ شىققان، 21 ادام ءالى دە كەن قۇدىعىندا قامالىپ قالۋدا.

　　شىرعالاڭ تۋىلعاننان كەيىن، اۆتونوميالى رايوندىق پارتكوم مەن ۇكىمەت شۇعىل جاعدايعا توتەپ بەرۋ ساقتىق جوباسىن دەرەۋ ىسكە قوسىپ، مينۋت - سەكۋندتى دا زايا ەتپەستەن قامالىپ قالعانداردى قۇتقارۋعا كىرىستى، ادامداردىڭ جارالانۋ، قازا بولۋ ىقتيمالدىعىن بارىنشا تومەندەتۋدى، ءارقانداي بوداۋ بەرۋدەن تايىنباي، بارلىق شارالاردى ىسكە قوسۋ ارقىلى قۇتقارۋ – كومەكتەسۋ جولىن اشۋدى، قامالىپ قالعانداردى كۇش سالا قۇتقارۋدى؛ قۇتقارۋ – كومەكتەسۋ قىزمەتىنە قولباسشىلىق ەتۋ باس شتابىن قۇرىپ، ءبىرتۇتاس سايكەستى جەتەكشىلىك ەتىپ، قۇتقارۋ - كومەكتەسۋ قىزمەتىن عىلىمي جولمەن جالعاستىرىپ، قوسالقى شىرعالاڭداردىڭ تۋىلۋىنان قاتاڭ ساقتانۋدى؛ شىرعالاڭنىڭ سەبەبىن دەرەۋ تەكسەرىپ انىقتاپ، ءبىرى ارقىلى باسقاسىن ءبىلىپ، بۇكىل اۆتونوميالى رايونداعى كومىر كەندەرىندە، باسقا كەندەردە دە حاۋىپسىزدىك جاعىنداعى كومەسكى قاتەرلەردى اداقتاۋ، جونگە سالۋ قىزمەتىن ءبىر – بىرلەپ، ىشكەرىلەي ورىستەتۋدى تالاپ ەتتى.

　　قازىر اۆتونوميالى رايوندىق پارتكوم شۇعىل جاعدايلارعا توتەپ بەرۋ، كومىر كەندەرىن باقىلاۋ، گەولوگيا، ەلەكتر قۋاتى، دەنساۋلىق ساقتاۋ جانە سالاماتتىق ىستەرى قاتارلى قاتىستى تاراۋلاردى جانە كاسىپتىك قۇتقارۋ – كومەكتەسۋ اترەتتەرىن، جابدىقتاردى ىسكە قوسىپ، قۇتقارۋ – كومەكتەسۋ قىزمەتىن كۇش سالا ورىستەتۋدە، ءتۇرلى قۇتقارۋ – كومەكتەسۋ، ءبىرجاقتى ەتۋ قىزمەتتەرى قاربالاس تا ءتارتىپتى ىستەلۋدە.

　　كەلۋ قاينارى: حالىق تورابى