9 – ايدىڭ 14 – كۇنى مەملەكەتتىك كەڭەستىڭ اقپارات كەڭسەسى مەملەكەتتىك كەڭەستىڭ ساياسات جونىندەگى كەزەكتى قۇلاق قاعىس ەتۋ ءماجىلىسىن اشىپ، قازىنا مينيسترلىگى مينيسترىنىڭ كومەكشىسى وۋ ۋىنحان، قازىنا مينيسترلىگى عىلىم – تەحنيكا، وقۋ – اعارتۋ جانە مادەنيەت مەڭگەرمەسىنىڭ باستىعى حۋاڭ جيايۇي جانە وقۋ – اعارتۋ مينيسترلىگى قازىنا ىستەرى مەڭگەرمەسىنىڭ باستىعى گو پىڭداردى «مەملەكەتتىڭ ستۋدەنتتەرگە بەرەتىن نەسيە سوماسى جونىندەگى ساياساتىن اناعۇرلىم كەمەلدەندىرۋ تۋرالى ۇقتىرۋىنا» قاتىستى جاعدايلاردى تانىستىرۋعا ءارى تىلشىلەردىڭ سۇراۋىنا جاۋاپ بەرۋگە ۇسىنىس ەتتى. (لۋان حايجۇن فوتوسى)
شينحۋا اگەنتتىگىنىڭ ءتىلشىسى ۋەي يۇيكۇن، شىن چىڭ 9 – ايدىڭ 14 – كۇنى بەيجيڭنەن حابارلايدى. ءتىلشىنىڭ 9 – ايدىڭ 14 – كۇنى مەملەكەتتىك كەڭەستىڭ ساياسات جونىندەگى كەزەكتى قۇلاق قاعىس ەتۋ ماجىلىسىنەن ۇعىسۋىنشا، بيىل كۇزگى وقۋ ماۋسىمىنان باستاپ، تولىق كۇندىك جاي تولىق كۋرس، ارناۋلى كۋرس مەكتەپتەرىندەگى وقۋشىلارىنىڭ اربىرەۋى جىلىنا ءوتىنىش ەتە الاتىن نەسيە سوماسى 8000 يۋاننان اسپايدى دەگەن بەلگىلەمە 12000 يۋاننان اسپايدى دەپ وزگەرتىلگەن؛ تولىق كۇندىك اسپيرانتۋرا وقىپ جاتقانداردىڭ ءوتىنىش ەتە الاتىن سوماسى 12000 يۋاننان اسپايدى دەگەن بەلگىلەمە 16000 يۋاننان اسپايدى دەپ وزگەرتىلگەن.
قازىنا مينيسترلىگىنىڭ مينيسترىنىڭ كومەكشىسى وۋ ۋىنحان مىنانى ءبىلدىردى: ستۋدەنتتىك نەسيەگە بولعان قاجەتسىنۋ مەن قازىنانىڭ توزىمدىلىك قۋاتى قاتارلى فاكتورلاردى جان – جاقتىلى ويلاستىرا وتىرىپ، ستۋدەنتتەردىڭ ەكونوميكالىق جاقتاعى قىسىمىن اناعۇرلىم جەڭىلدەتۋ ءۇشىن، مەملەكەتتىڭ ستۋدەنتتەرگە بەرەتىن نەسيە سوماسى 4000 يۋان جوعارىلاتىلاتىن بولدى. ستۋدەنتتىك نەسيە ەڭ الدىمەن وقۋ قاراجاتى مەن جاتاق قاراجاتىنا جۇمسالۋى كەرەك، اسىپ قالعان بولىگىن كۇندەلىكتى تۇرمىستىق قاراجات رەتىندە پايدالانۋعا بولادى.
مەملەكەتتىڭ ستۋدەنتتەرگە بەرەتىن نەسيە سوماسىن الۋعا ءوتىنىش تاپسىرىپ بولعان ستۋدەنتتەر بۇل جاڭا ساياساتتان يگىلىكتەنە الا ما؟ وقۋ – اعارتۋ مينيسترلىگى قازىنا مەڭگەرمەسىنىڭ باستىعى گو پىڭ مىنانى ءبىلدىردى: نەسيە الۋعا ءوتىنىش تاپسىرىپ بولعان نەمەسە نەسيە الۋ توقتامىنا قول قويىپ بولعان ستۋدەنتتەر، ەگەر شىنىمەن دە قاجەت بولسا، ءىس جۇزىندىك جاعدايعا قاراي وتىرىپ، نەسيە سوماسىن جوعارىلاتۋدى ءوتىنىش ەتۋىنە بولادى.
كەيبىر ستۋدەنتتەردىڭ نەسيە سومانى قايتارۋعا جاعدايى جار بەرمەيتىنى جونىندە، گو پىڭ مىنانى ءبىلدىردى: اۋرۋ سەبەبىنەن ەڭبەك قۋاتىنان ايرىلعان، وتباسى اۋىر تابيعي اپاتقا ۇشىراعان، وتباسى مۇشەلەرى سالماقتى ناۋقاسقا شالدىققان نەمەسە ەكونوميكالىق كىرىس دەڭگەي وتە تومەن بولعان ستۋدەنتتەر، ەگەر وقۋ تاۋىسقاننان كەيىن شىنىمەن دە نەسيە سومانى ۋاقىتىندا قايتارا المايتىن بولسا، نەسيە ءبىتىرۋشى ورىندارعا كومەك سۇراۋ ءوتىنىشىن تاپسىرۋى ءارى قاتىستى جازباشا ىسپاتتاردى تاپسىرۋى كەرەك، نەسيە ءبىتىرۋشى ورىندار تەكسەرىپ كورگەن سوڭ، قۇتقارۋ مەحانيزمىن ىسكە قوسىپ، قايتارۋعا ءتيىستى نەسيە سوما مەن ءوسىمنىڭ ورنىن جاۋىپ، مۇنداي وقۋشىلاردى ۋايىمنان ارىلتادى.
كەلۋ قاينارى: حالىق تورابى