شي جينپيڭ «ۇستىرتتە شەكارانى كۇزەتۋدەگى ۇلگىلى كازارماعا» جاۋاپ حات جازىپ، بارلىق كوماندير - جاۋىنگەردى
وتاندى قورعاۋ، شەكارانى كۇزەتۋ مىندەتىن ادالدىقپەن اتقارىپ، پارتيا مەن حالىق ءۇشىن تاعى دا تىڭ ۇلەس قوسۋ جولىندا قۇلشىنۋعا شابىتتاندىردى
2021.09.14 13:44 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 13 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا «ۇستىرتتە شەكارانى كۇزەتۋدەگى ۇلگىلى كازارماداعى» بارلىق كوماندير - جاۋىنگەرگە جاۋاپ حات جازىپ، ولاردان شىنايى حال سۇرادى.
شي جينپيڭ جاۋاپ حاتىندا مىنانى ءبىلدىردى: 5 جىلدان بەرى سىزدەر پارتيا مەن حالىق جۇكتەگەن بورىشتى ەستە بەرىك ساقتاپ، تىرشىلىك شەكتەلگەن وڭىردە تاباندىلىقپەن قىزمەت ىستەپ، وتاننىڭ قاسيەتتى تەرريتورياسىن جاستىق كوكتەمدەرىڭىزبەن جانە ىستىق قاندارىڭىزبەن قورعاپ، ارقالاعان مىندەتتى ەرەن تابىسپەن ورىندادىڭىزدار. بارلىقتارىڭىز جارايسىزدار!
شي جينپيڭ مىنانى دارىپتەدى: شەكارا قورعانىس اسكەري بولىمدەرى شەكارانى قۇدىرەتتەندىرۋدىڭ، قورعانىستى بەكەمدەۋدىڭ ءبىرىنشى شەبىندە شايقاس جاسايدى، مىندەت جاپالى، جاۋاپكەرلىك اۋىر. جولداستاردىڭ بورىش پەن جاۋاپكەرلىكتى كۇشەيتىپ، تاڭداۋلى ءداستۇردى ساۋلەلەندىرىپ، اسكەر جاتتىقتىرۋدى، سوعىسقا دايىندالۋدى كۇشەيتىپ، وتاندى قورعاۋ، شەكارانى كۇزەتۋ مىندەتىن ادالدىقپەن ويداعىداي اتقارىپ، پارتيا مەن حالىق ءۇشىن تاعى دا تىڭ ۇلەس قوسۋىن ءۇمىت ەتەمىن.
«ۇستىرتتە شەكارانى كۇزەتۋدەگى ۇلگىلى كازارما» − تاڭداۋلى داستۇرگە يە قاھارمان قوسىن. بۇل كازارما تۇرعان جەردىڭ تەڭىز دەڭگەيىنەن ورتاشا بيىكتىگى 4 مىڭ 800 مەتردەن اسادى، ەڭ تومەن تەمپەراتۋراسى نولدەن تومەن 40 سەلتسي گرادۋس، ءار جىلى 8 بالدان جوعارى بوران سوعۋ ۋاقىتى 200 كۇننەن اسادى. ۇزاق ۋاقىتتان بەرى اسكەري بولىمدەگى كوماندير - جاۋىنگەرلەر قارلى ۇستىرتكە تامىر تارتىپ، مىندەتىن ادالدىقپەن اتقارىپ، جاۋاپكەرلىگىن ادا ەتىپ، ىلگەرىندى - كەيىندى 9 رەت بۇكىل ەل، بۇكىل ارميا بويىنشا ماداقتالىپ - سيلانعان، 5 رەت داڭقتى اتاق بەرىلگەن، 1 - دارەجەلى ەڭبەك سىڭىرگەن 5 ەگەي، 2 - دارەجەلى ەڭبەك سىڭىرگەن 44 ەگەي قاتارلى ءبىر توپ وزات كوللەكتيۆتەر مەن جەكەلەر جارىققا شىققان. 2016 - جىلى 8 - ايدا شي جينپيڭ ورتالىق اسكەري ىستەر كوميتەتىنىڭ بۇيرىعىنا قول قويىپ، وسى كازارماعا «ۇستىرتتە شەكارانى كۇزەتۋدەگى ۇلگىلى كازارما» داڭقتى اتاعىن بەرگەن. تاياۋدا تۇتاس كازارماداعى كوماندير - جاۋىنگەرلەر ءتوراعا شي جينپيڭگە حات جازىپ، 5 جىلدان بەرگى قىزمەت جاعدايىنان مالىمەت بەرىپ، ءتوراعا شي جينپيڭنىڭ ماڭىزدى تاپسىرماسىن ەستە بەرىك ساقتاپ، وتاندى ادالدىقپەن قورعاپ، شەكارانى كۇزەتۋ بەرىك سەنىمى مەن بەكىمىن بىلدىرگەن بولاتىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
