قارا قۇرىمدا مەملەكەت شەكاراسىن قورعاپ جۇرگەن ايدىن اتتى ازامات 8 ءتىل بىلەدى، مىندەت بارىسىندا دەنەسىنىڭ 23 جەرى جارالانعان، كەزىندە مىندەتكە اتتانار الدىندا وسيەتكە دەيىن جازىپ كەتكەن ...

2021.12.14 16:08   كەلۋ قاينارى : حالىق تورابى

　　ول 8 ءتىل بىلەتىن اسكەري اۋدارماشى، سونىمەن بىرگە، باستاماشىلدىقپەن اتوي سالاتىن ەرەكشە شايقاس اترەتىنىڭ جاۋىنگەرى، كەزىندە دەنەسىنىڭ كوپ جەرى جارالانعان، كەزىندە مىندەتكە اتتانار الدىندا وسيەتكە دەيىن جازىپ كەتكەن.

　　ەرەكشە شايقاس اترەتىنىڭ الىمدى جاۋىنگەرى ايدىنمەن بىرگە تانىسايىق.

　　كوپ ءتىلدى وزدىگىنەن ۇيرەنگەن

　　شايقاستا الىمدى، بايلانىسقا شەبەر

　　ايدىن تۇرسىنبەك ۇلى شينجياڭ اسكەري رايونىنداعى بەلگىلى ەرەكشە شايقاس بريگاداسىنداعى قازاق جاۋىنگەر، ول حانزۋ ءتىلى، قازاق ءتىلى، ۇيعۇر ءتىلى، اعىلشىن ءتىلى، پارسى ءتىلى قاتارلى 8 ءتىلدى يگەرگەن. مۇندا اعىلشىن ءتىلى، ۇردۋ ءتىلى، ءۇندى ءتىلى جانە پارسى ءتىلى، پۋشتۋ ءتىلى قاتارلىلاردى ول شەتەل تىلىندەگى اسكەري شىعارمالاردى زەرتتەۋ ءۇشىن ارناۋلى ۇيرەنگەن. كوپشىلىك ونى «شەتەل ءتىلى مامانى» دەپ قارايدى.

　　ايدىن اسكەري اۋدارماشى بولۋمەن بىرگە، ەرەكشە شايقاس اترەتىنىڭ جاۋىنگەرى. كەزىندە كوپ رەت شەكارا رايونعا مىندەت اتقارۋعا بارىپ، 2 رەت 3 – دارەجەلى ەڭبەك، 2 رەت 2 – دارەجەلى ەڭبەك سىڭىرگەن، قۇرلىق ارمياسىنىڭ «تورتكە يە» جاڭا داۋىردەگى توڭكەرىستىك اسكەريلەر ۇلگىسى دەگەن اتقا يە بولعان، جۋىردا عانا، ايدىن بۇكىل بريگادا بويىنشا ۇيىمداستىرىلعان ونەر كورسەتۋ باسەكەسىندە ءبىر ءوزى 9 تۇردەن ءبىرىنشى بولعان.

　　ايدىن: «مەن كىشكەنتايىمنان اسكەر بولۋدى ارماندادىم، اۋلەتىمىزدە 26 ادام پارتيا مۇشەسى، 9 ادام ارمياعا قاتىناسقان، كىشكەنتايىمنان العان تاربيەم مەنى وتانعا ادالدىقپەن ۇلەس قوسۋعا، ايبارلى جاۋىنگەر بولۋعا جەتەلەدى»، — دەيدى. جوعارى مەكتەپ ەمتيحانىندا ايدىن شينجياڭ داشۋەسىنىڭ مەملەكەت قورعانىسى كاسىبىنە قابىلدانىپ، ءوزى ۇزاقتان بەرى اڭساعان اسكەري كازارمادا 6 جىل مىندەت اتقارعان سوڭ، ءتۇرلى ناتيجەلەرى ۇزدىك بولعان ايدىن ەرەكشە شايقاس بريگاداسىنا اۋىسىپ كەلىپ، كەڭەسشى جانە اۋدارماشى قىزمەتىن اتقاردى.

　　2015 – جىلى ايدىن جۇڭگو – پاكيستان بىرلەسكەن اسكەري جاتتىعۋىندا قوسىنعا ەرگەن اۋدارماشى بولىپ، ۇزدىك ءتىل قابىلەتىنىڭ ارقاسىندا شەتەلمەن بايلانىس جاساۋ قىزمەتىن ساپالى ورىندادى. سول جولعى كەشىرمەسى ونىڭ شەتەل ارمياسىنىڭ ەرەكشە شايقاس قوسىندارىن زەرتتەۋ سىندى ويىنا قامشى بولىپ، سودان باستاپ كوپ ءتىلدى مەڭگەرۋدى ماقسات ەتتى.

　　ول كۇندەلىكتى قولدانىلاتىن سوزدەردى ۇيرەنۋدەن سىرت، اسكەري سالاداعى عىلىمي اتاۋلاردى دا ۇيرەندى، دايىن ماتەريال بولماعاندىقتان، ءوز قاراجاتىنا ماتەريال ساتىپ الدى نەمەسە ينتەرنەتتەن ماتەريال ءتۇسىرۋ ارقىلى ۇيرەندى، بىرنەشە جىلدان بەرى، ايدىن ىلگەرىندى – كەيىندى ون نەشە رەت كەلەلى اسكەري قيمىل مىندەتىن ورىنداپ، شايقاس تا جاساي الاتىن، بايلانىسقا دا شەبەر ەرەكشە قوسىن قولباسشىسىنا اينالدى. 2019 – جىلى ونىڭ قاتىناسۋىندا قۇراستىرىلعان وقۋلىق بۇكىل ارميا ەرەكشە شايقاس قوسىندارىن جاتتىقتىرۋ جۇيەسىندەگى وقۋلىق بولىپ بەكىتىلدى.

　　شايقاسقا اتتانار الدىندا وسيەت قالدىرعان

　　ايدىن مىندەت اتقاراتىن قوسىن ۇزاق جىل بويى قاراقۇرىم تاۋىنىڭ بوكتەرىندە تۇرادى، قوسىنعا قاتىناسقان 13 جىلدان بەرى، ول كەلەلى اسكەري مىندەتتەردى اتقارۋ بارىسىندا 23 جەرىنەن جارالانعان.

　　ءبىر جولى جاتتىعۋ بارىسىندا ايدىن باستاماشىلدىقپەن اتوي سالادى، مىندەت اقىرلاسقان كەزدە بارىپ، اسكەري شيپاگەر ونىڭ وڭ جاق بىلەزىگى سىنىپ، دەنەسىنىڭ كوپ جەرىندەگى بۇلشىق ەتتەرىنىڭ زاقىمدالعانىن بايقايدى.

　　بىلتىر ءبىر جولى مىندەتتە، قولباسشىسىنىڭ شەگىنۋىن قورعاۋ بارىسىندا ايدىننىڭ وڭ جاق بىلەگى جارالانادى، ول جاراقاتىن تاڭدىرعان سوڭ، جاۋىنگەرلەردى باستاپ، تاعى دا جالعاستى اتوي سالادى.

　　سول جولى مىندەتكە اتتانۋدىڭ الدىندا، ول ەكى جاستاعى بالاسىنا وسيەت قالدىرىپ، ونى ساپتاسىنا جازدىرادى: «بالام، سەن قازىر تەك ەكى جاستاسىڭ، الايدا سەن بۇل حاتتى كورگەن كەزدە اتپال ازامات بولىپ جەتىلۋىڭدى ءارى ءبىزدىڭ اۋلەتىمىزدەن شىققان ءۇشىنشى ۇرپاق اسكەر بولۋىڭدى تىلەيمىن»، — دەپ جازعان.

　　«وتاننىڭ شەكاراسىن قورعاپ، ءبىر سۇيەم جەردى دە وزگەگە بەرمەيمىز»

　　وتانىمىزدىڭ باتىس سولتۇستىك شەكاراسىندا تۇراتىن ايدىن ءىس جۇزىندىك ارەكەتى ارقىلى وتانىمىزداعى سان – مىڭداعان وتباسىلاردى قورعاۋعا ۇلەس قوسۋدا.

　　قالامعا دا، قارۋعا دا شەبەر، شەكارانى قورعاپ جۇرگەن ازامات، جارايسىڭ!

　　كەلۋ قاينارى: حالىق تورابى