تاعى ءبىر جەردە ۆيرۋستىڭ وميكرون وزگەرگەن تۇبىرشىگىمەن جۇعىمدالعان ناۋقاس بايقالدى

2021.12.15 16:01   كەلۋ قاينارى : حالىق تورابى

　　12 – ايدىڭ 14 – كۇنى گۋاڭجوۋ قالالىق حالىق ۇكىمەتىنىڭ اقپارات كەڭسەسى ىندەتتەن ساقتانۋ – تىزگىندەۋ جونىندە اقپار جاريالاۋ ءماجىلىسىن اشتى. حابارلاندىرۋعا قاراعاندا، گۋاڭجوۋدان جاڭا تيپتى ايدارشا ۆيرۋس وميكرون وزگەرگەن تۇبىرشىگىمەن جۇعىمدالعان ءبىر ناۋقاس بايقالعان.

　　اقپار جاريالاۋ ماجىلىسىندە، گۋاڭجوۋ قالالىق دەنساۋلىق ساقتاۋ – سالاماتتىق كوميتەتىنىڭ ورىنباسار مەڭگەرۋشىسى چىن بين حابارلاندىرۋ جاريالادى: گۋاڭجوۋ قالاسىنا شەتەلدەن كەلگەن ءبىر ادام باسقا قالادا شوعىرلى اۋاشالاۋ مەرزىمىن اياقتاتىپ، گۋاڭجوۋعا قايتىپ كەلگەن سوڭ، ۇيدە اۋاشالاۋ مەزگىلىندە كەزەكتى جاڭا تيپتى ايدارشا ۆيرۋسقا قاتىستى تەكسەرۋ ناتيجەسى بولىمدى بولىپ شىققان.

　　بۇل ناۋقاس ەر، 67 جاستا، وتباسى يۋەشيۋ شاعىن اۋماعى حۋايۋە ءمالىسى تيانشىڭ قىستاعى 65 – قورادا تۇرادى. 11 – ايدىڭ 27 – كۇنى شەتەلدەن كەلگەن سوڭ، باسقا قالادا شوعىرلى اۋاشالاۋعا الىنعان، وسى مەزگىلدە كوپ رەتكى نۋكلەين قىشقىلىن تەكسەرۋ ناتيجەسى بولىمسىز بولعان؛ 12 – ايدىڭ 12 – كۇنى حۋايۋە الەۋمەتتىك اۋماعىنداعى دەنساۋلىق ساقتاۋعا قىزمەت وتەۋ ورتالىعى ورنالاستىرعان كەزەكتى نۋكلەين قىشقىلىن تەكسەرۋ قىزمەتى بارىسىندا، 12 – ايدىڭ 13 – كۇنى تاڭ سارىدە ۇقتىرىلعان تەكسەرۋ ناتيجەسى بولىمدى بولىپ شىققان، قالالىق، رايوندىق اۋرۋدى تىزگىندەۋ ورتالىقتارى قايتالاي تەكسەرۋ جۇرگىزگەندە، ناتيجەسى تاعى دا بولىمدى بولىپ شىققان. بۇل ناۋقاس اۋاشالانعان تاسىلمەن گۋاڭجوۋ مەديتسينا داشۋەسىنىڭ قاراماعىنداعى قالالىق 8 – ەمحاناعا جەتكىزىلىپ، اۋاشالاپ ەمدەۋگە الىنعان، ىشكەرىلەي تەكسەرۋ جانە مامانداردىڭ دياگنوز قويۋى بارىسىندا، جاڭا تيپتى ايدارشا ۆيرۋس وكپە قابىنۋ اۋرۋىنا شالدىققان جاي تيپتەگى ناۋقاس دەپ دياگنوز قويىلعان، قازىر ناۋقاستىڭ جاعدايى ورنىقتى.

　　ىندەتتەن ساقتانۋ – تىزگىندەۋدى ۇدايىلاندىرۋعا قاتىستى قانداي تالاپتارىڭىز نەمەسە ۇسىنىستارىڭىز بار، «باسشىلارعا ءسوز قالدىرۋ» تەكشەسىنە جازۋىڭىزدى قارسى الامىز

　　كەلۋ قاينارى: حالىق تورابى