شينحۋا اگەنتتىگىنىڭ 3 – ايدىڭ 1 – كۇنى بەرگەن حابارى (جياڭ لين، ۋاڭ زىكاي) ءتىلشىنىڭ 3 – ايدىڭ 1 – كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، جۋىردا ادام كۇشى بايلىعى جانە قوعامدىق قامتاماسىزداندىرۋ مينيسترلىگى مەن مەملەكەتتىك مەديتسينالىق قامسىزداندىرۋ مەكەمەسى اراسىنداعى «باس مەكەمە مەن باس مەكەمەنى ۇشتاستىرعان» ءدالىز رەسمي ىسكە قوسىلدى، ەلەكتروندىق قوعامدىق قامتاماسىزداندىرۋ كارتۋچكاسى مەن مەديتسينالىق قامسىزداندىرۋدىڭ ەلەكتروندىق ىسپاتىنىڭ ەكەۋى دە ەمدەلۋ، ءدارى- دارمەك ساتىپ الۋ جاعىندا بىردەي قولدانىلادى. 2021 – جىلدىڭ سوڭىنا دەيىن، 16 ولكەدەگى 138 ايماق، قالادا ەلەكتروندىق قوعامدىق قامتاماسىزداندىرۋ كارتۋچكاسىمەن ەمدەلۋگە، ءدارى – دارمەك ساتىپ الۋعا بولاتىن جاعداي ىسكە اسىرىلعان.
ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ دەرەكتەرىنە قاراعاندا، 2021 – جىلدىڭ سوڭىنا دەيىن، مەملەكەت بويىنشا قوعامدىق قامتاماسىزداندىرۋ كارتۋچكاسىنا يە بولعان ادام سانى ءبىر ميلليارد 352 ميلليون ادامعا جەتكەن، جالپىلاسۋ مولشەرى %95.7 بولعان.
ادام كۇشى بايلىعى جانە قوعامدىق قامتاماسىزداندىرۋ مينيسترلىگى ينفورماتسيا ورتالىعىنىڭ ورىنباسار مەڭگەرۋشىسى سۇڭ جيڭياننىڭ تانىستىرۋىنشا، قوعامدىق قامتاماسىزداندىرۋ كارتۋچكاسى ارقىلى، بىرىنشىدەن، جۇمىس بىتىرۋگە بولادى. ادام كۇشى بايلىعى جانە قوعامدىق قامتاماسىزداندىرۋ سالاسىنداعى 95 ءتۇرلى قىزمەت تۇگەلدەي قوعامدىق قامتاماسىزداندىرۋ كارتۋچكاسىنا قوسىلعان، بۇقارا وسى كارتۋچكا ارقىلى نەمەسە كودتى جايمالاۋ ارقىلى جۇمىسىن تەز بىتىرە الادى. جاستاردىڭ قامسىزداندىرۋعا قاتىناسۋى، تىركەلۋ ارقىلى كاسىپتەنۋگە قىزمەت وتەۋدەن يگىلىكتەنۋى، ورتا جاستاعىلاردىڭ كاسىپتىك كۋرسقا قاتىناسۋى، قوعامدىق قامتاماسىزداندىرۋ قارىم – قاتىناسىن جوتكەۋى، قارتتاردىڭ قوعامدىق قامتاماسىزداندىرۋ مامىلەسىنە تولىمدىلىعىن كۋالاندىرۋى، قوعامدىق قامتاماسىزداندىرۋ جاعىنداعى ۇقىق – مۇددەسىن تەكسەرۋى قاتارلىلار قامتىلادى.
ەكىنشىدەن، اقشا تاراتۋعا بولادى. قوعامدىق قامتاماسىزداندىرۋ كارتۋچكاسى دا «مامىلە كارتۋچكاسى»، كاسىپتەنۋگە بەرىلگەن قوسىمشا قاراجات، زەينەتكەرلىك قاراجاتى، كاسىپسىزدىك قاراجاتى، جۇمىس ۇستىندە جارالانعاندارعا بەرىلەتىن قامقورلىق قاراجات، شارۋا جۇمىسكەرلەردىڭ ەڭبەكاقىسى قاتارلىلاردى وسى كارتۋچكا ارقىلى الۋعا بولادى. شارۋالارعا، اۋىل شارۋاشىلىعىنا ءتيىمدى قازىنالىق قوسىمشا قاراجاتتار 31 ولكەدەگى ءىشىنارا ايماق، قالالاردا قوعامدىق قامتاماسىزداندىرۋ كارتۋچكاسى ارقىلى تاراتىلا باستاعان. سىچۋان، جياڭشي قاتارلى جەرلەر مەملەكەتتىك وقۋشىلارعا بەرىلەتىن كومەك قاراجاتىن دا قوعامدىق قامتاماسىزداندىرۋ كارتۋچكاسى ارقىلى تاراتۋ جونىندە ىزدەنىس جاساۋدا.
ۇشىنشىدەن، اناعۇرلىم زەردەلى بولادى. 24 ولكەدەگى ءىشىنارا ايماق، قالالاردا قوعامدىق قامتاماسىزداندىرۋ كارتۋچكاسى ارقىلى قارىزعا كىتاپ الىپ وقۋعا، مۇراجايعا جانە باقشالار مەن كورىنىس رايوندارىنا كىرۋگە بولادى. شاندۇڭ، چيڭحاي، نيڭشيا قاتارلى جەرلەر قوعامدىق قامتاماسىزداندىرۋ كارتۋچكاسىنا مۇگەدەكتەرگە ارنالعان قىزمەت وتەۋ تۇرلەرىن قوسۋ قىزمەتىن ورىستەتۋدە، بۇقارا ەلەكتروندىق قوعامدىق قامتاماسىزداندىرۋ كارتۋچكاسى ارقىلى مەملەكەتتىك اكىمشىلىك قىزمەت وتەۋ تەكشەسىنە جانە ولكەلىك اكىمشىلىك قىزمەت وتەۋ تەكشەسىنە تىركەلە الادى.
«كەلەسى قادامدا، ءبىز اناعۇرلىم كوپ جەرلەردە تۇرعىندارعا ‹ءبىر كارتۋچكا› ارقىلى قىزمەت وتەۋدى ۇزدىكسىز ىسكە اسىرىپ، قوعامدىق قامتاماسىزداندىرۋ كارتۋچكاسىن اناعۇرلىم كوپ سالادا پايدالانۋعا بولاتىن ەتۋگە، پايدالانۋعا قولايلى ەتۋگە شارت – جاعداي ازىرلەيمىز»، — دەيدى سۇڭ جيڭيان.
كەلۋ قاينارى: حالىق تورابى