بىلتىر شينجياڭداعى كەدەيلىكتەن ارىلعان ديقانداردىڭ كىسى باسىندىق تازا كىرىسى 13 مىڭ 343 يۋانعا جەتتى
2022.02.28 16:09 كەلۋ قاينارى : حالىق تورابى
شينجياڭ گازەتىنىڭ 2 - ايدىڭ 25 - كۇنى ۇرىمجىدەن بەرگەن حابارى. ءتىلشىنىڭ 2 - ايدىڭ 25 - كۇنى اشىلعان شينجياڭنىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى كوركەيتۋمەن ءونىمدى ۇشتاستىرۋ قىزمەت جاعدايى جونىندەگى اقپار جاريالاۋ ماجىلىسىنەن ۇعىسۋىنشا، 2021 - جىلى شينجياڭنىڭ كەدەيلىكتەن ارىلعان وڭىرلەرىندەگى اۋىل - قىستاق تۇرعىندارىنىڭ كىسى باسىندىق قولداعى تابىسى 14 مىڭ 798 يۋانعا جەتىپ، سايكەس مەزگىلدەگىدەن %12.08 ارتتى، كەدەيلىكتەن ارىلعان ديقانداردىڭ كىسى باسىندىق تازا كىرىسى 13 مىڭ 343 يۋانعا جەتىپ، سايكەس مەزگىلدەگىەن %19.55 ارتىپ، بۇكىل رايوننىڭ ورتاشا دەڭگەيىنەن جوعارى بولعان.
شينجياڭ ۇيعۇر اۆتونوميالى رايوندىق اۋىل - قىستاقتى گۇلدەندىرۋ مەكەمەسىنىڭ 1 - دارەجەلى شارلاۋشىسى چىن لەيدىڭ تانىستىرۋىنشا، 2021 - جىلى شينجياڭنىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى كوركەيتۋمەن ءونىمدى ۇشتاستىرۋ قىزمەتى ءساتتى ىلگەرىلەپ، كەدەيلىكتەن ارىلعان بۇقارانىڭ كىرىسى جاڭا ارتۋدى جۇزەگە اسىرىپ، اۋىل - قىستاقتى كوركەيتۋدى جالپى بەتتىك ىلگەرىلەتۋدە تىڭ قادامدار باسقان.
بىلتىردان بەرى شينجياڭ قايتا كەدەيلەسۋدەن ساقتانۋ مەحانيزمىن اقاۋسىزداندىرىپ، كاسىپ سالالارىن دامىتۋ، تۇراقتى جۇمىس ورىندارىندا جۇمىستاندىرۋ، تومەنگى شەكتەن تۇسىرمەي كەشەندى قامتاماسىز ەتۋ سياقتى شارالاردى جاساپ، كەمەلدەندىرىپ، جالاڭ حاۋىپ - قاتەرلى وبيەكتىلەرگە قاراتا جۇمىستاندىرۋ، ەمدەۋدى قامتاماسىزداندىرۋ، كاسىپ سالالارىن دامىتۋ سياقتىلاردى قامتىعان 123 مىڭ 500 شارانى اتقارىپ، حاۋىپ - قاتەرلەر قاباتتاسقان وبيەكتىلەرگە قاراتا 185 مىڭ 600 شارانى اتقارىپ، اۋىر دارەجەدەگى مۇگەدەك، سالماقتى اۋرۋ، ەڭبەك قابىلەتىنەن ايرىلعان قاتارلى قاۋىمداردى اۋىل - قىستاقتاعى ەڭ تومەنگى تۇرمىستى قامتاماسىز ەتۋ نەمەسە ەرەكشە قيىنشىلىعى بار ادامداردى قۇتقارۋ - كومەكتەسۋ، باعىپ - قاعۋ كولەمىنە ەنگىزىپ، كومەكتەسۋگە تيىستىلەرىنە مۇمكىندىگىنشە كومەكتەسۋدى جۇزەگە اسىردى.
بىلتىر شينجياڭ جۇمىستاندىرۋدى كەڭەيتىپ حالىقتى يگىلىككە كەنەلتۋ ينجەنەرياسىن اتقارىپ، اۋىل - قىستاقتارداعى ەڭبەككۇشتەردەن 3 ميلليون 174 مىڭ ادام - رەت جۇمىستاندىرىپ، ءتۇرلى كاسىپتىك شەبەرلىككە تاربيەلەۋدى ءبىر ميلليون 477 مىڭ 800 ادام - رەت ورىستەتىپ، تۇتاس جىلدا كەدەيلىكتەن ارىلعان حالىقتان ءبىر ميلليون 82 مىڭ 300 ادامدى تۇراقتى جۇمىس ورىندارىندا جۇمىستاندىرىپ، 2020 - جىلداعىدان %2.3 ارتتىردى.
اۋىل - قىستاقتى كوركەيتۋ نىساندارىن باسقارۋ جاعىندا شينجياڭ قارجىنى نىسانعا ىلەستىرۋگە، نىساندى ەگىنشى - مالشى بۇقاراسىنىڭ قاجەتىنە ىلەستىرۋگە تاباندى بولىپ، 2021 - جىلى 38 ميلليارد 822 ميلليون يۋان سايكەستىرۋ قارجىسىن ورنالاستىرىپ، 3739 جىلدىق نىساندى اتقارىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى كوركەيتۋگە فينانستىق قولداۋ كورسەتەتىن 27 شارانى ءبىر ۋاقىتتا جولعا قويىپ، 3 ميلليارد 252 ميلليون يۋان شاعىن سومالى سەنىمدى نەسيە تاراتىپ، 101 مىڭ 900 شارۋا وتباسىن قامتىپ، كەدەيلىكتەن ارىلعان حالىقتىڭ ءوندىرىستى دامىتىپ، كىرىستى ارتتىرىپ، بايۋ قاجەتىن ءونىمدى قاناعاتتاندىردى.
چىن لەي تانىستىرىپ بىلاي دەدى: بيىل ۇزدىكسىز دالمە - ءدال كومەكتەسىپ - سۇيەمەلدەپ قايتا كەدەيلەسۋدەن ساقتانۋ نەگىزىندە، كاسىپ سالاسى مەن جۇمىستاندىرۋ سىندى «ەكى تەتىكتى» مىقتاپ يگەرىپ، كاسىپ سالالارىن دامىتۋ ارناۋلى قارجىسىن جاندى ، ويداعىداي پايدالانىپ، كەدەيلىكتەن ارىلعان وڭىرلەردەگى كاسىپ سالالارىن كەيىنگى مەزگىلدە ۇزاق ۋاقىت جەتىلدىرۋدى كۇشەيتەمىز؛ ەڭبەك شوعىرلى كاسىپ سالالارىن زور كۇشپەن دامىتىپ، ەرەكشە، باسىمدىققا يە كاسىپ سالالارىن ۇلعايتىپ، وڭتۇستىك شينجياڭداعى 4 ايماق - وبلىسىن ءتۇيىن ەتىپ، ماقتا (ماقتا توقىماشىلىق)، ءجۇزىم، سونداي - اق ءجۇزىم شارابى سياقتى كاسىپ سالالارىن تۇلعالاپ، اۋىل شارۋاشىلىعىنىڭ كاسىپ سالالانىپ دامۋىنداعى سەركە كاسىپورىندارعا قولداۋ كورسەتىپ، كەدەيلىكتەن ارىلعان وڭىرلەردە تانىمال ماركا جەتىلدىرىپ، ديقاندارمەن بايلانىس ورناتۋ، ديقانداردى جەتەكتەۋ مۇددە بايلانىس مەحانيزمىن كەمەلدەندىرىپ، ءاربىر قونىس جاڭالاتىپ كوشىرىپ، شوعىرلى ورنالاستىرعان اۋماقتا از دەگەندە كىرىس ارتتىرۋعا جەتەكشى بولاتىن ءبىر ورنىقتى كاسىپ سالاسى بولۋ سياقتىلاردى جۇزەگە اسىرامىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
