سىرتقى ىستەر مينيسترلىگى: حالىقارالىق دامۋ سەلبەستىگىندە «ديپلوماتيالىق قوقانلوقى جاساۋعا» بولمايدى
2022.02.25 08:58 كەلۋ قاينارى : حالىق تورابى
شينحۋا اگەنتتىگىنىڭ 2 - ايدىڭ 23 - كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ 2 - ايدىڭ 23 - كۇنى بىلاي دەدى: حالىقارالىق دامۋ سەلبەستىگىندە ءوزارا قۇرمەت ەتۋ، تەڭ تۇرعىدا مامىلە جاساۋ پرينسيبىن ۇستانىپ، قاتىستى ەلدەردىڭ يەلىك ۇقىعى مەن حالىقتىڭ تىلەگىنە تولىق قۇرمەت ەتۋ كەرەك، «ديپلوماتيالىق قوقانلوقى جاساۋعا» بولمايدى.
سول كۇنگى كەزەكتى تىلشىلەر ماجىلىسىندە، ءبىر ءتىلشى بىلاي دەپ سۇرادى: جۋىردا نەپال ۇكىمەتى ا ق ش – پەن قول قويعان «مىڭ جىلدىق سايىس جوسپارى (MCC)» كەلىسىمىن پارلامەنتكە تاپسىرىپ، قيان - كەسكى تالاس - تارتىس تۋدىردى، گادماندۋ قاتارلى جەرلەردە زور كولەمدى بۇقارالىق قارسىلىق قيمىلى تۋىلدى. ا ق ش مەملەكەتتىك كەڭەسى نەپال MCC دى بەكىتپەسە، ا ق ش پەن نەپالدىڭ قاتىناسىنا ىقپال جاسايتىندىعىن ءبىلدىردى. تالداۋعا قاراعاندا MCC كەلىسىمىندە ونىڭ كۇشى نەپالدىڭ ىشكى زاڭىنان جوعارى بولادى دەپ بەلگىلەنگەن، نىسانداعى ا ق ش جاقتىڭ قىزمەتكەرلەرى نەپالدا قيمىل جاساعاندا نەپالدىڭ باسقارۋىندا بولمايدى، نىسان بۇعالتىرلىعى مەن قازىنالىق باقىلاۋدى ا ق ش جاق باقىلايدى، باسقارادى نەمەسە اتقارادى، ت.ب. نەپال ماماندارى ەگەر MCC دى قابىلداسا، نەپالدىڭ مەملەكەت حاۋىپسىزدىگى مەن يەلىك ۇقىعىنا زيان جەتكىزەدى دەپ قارايدى. جۇڭگو جاق بۇعان قالاي قارايدى؟
حۋا چۇنيىڭ بىلاي دەدى: وسىدان بۇرىن ا ق ش مەملەكەتتىك كەڭەسىنىڭ مالىمدەمەشىسى ەگەر نەپال MCC دى بەكىتپەسە، ا ق ش پەن نەپالدىڭ قاتىناسىنا ىقپال جاسايدى؛ ا ق ش - تىڭ نەپالدا تۇراتىن ەلشىحاناسى تاعى دا MCC دىڭ 500 ميلليون امەريكا دوللارىندىق كومەگى ا ق ش حالقىنىڭ نەپال حالقىنا سيلاعان تارتۋى ەكەندىگىن اشىق ايتتى.
«مەنىڭ ايتپاقشى بولعانىم ‹تارتۋ› قالايشا ‹ەڭ سوڭعى كەسەتپە› ارقىلى جەتكىزىلۋى كەرەك؟ مۇنداي <تارتۋدى> قالاي قابىلدايدى؟ بۇل ‹تارتۋ› ما، الدە ‹پاندورانىڭ قوبديشاسى› ما؟ نەپالدىڭ تامسىلىندە ايتىلعانداي، «قاراماققا وتە جاقسى كورىنگەنىمەن، اۋىزعا تۇسكەندە شايناۋعا وتە قيىن ەت»،- دەدى حۋا چۇنيىڭ.
حۋا چۇنيىڭ مىنانى باسا دارىپتەدى: جۇڭگو جاق باستان ـ اياق بىلاي دەپ قارايدى: حالىقارالىق دامۋ سەلبەستىگىندە ءوزارا قۇرمەت ەتۋ، تەڭ تۇرعىدا مامىلە جاساۋ پرينسيبىن ۇستانىپ، ىسكە قاتىستى ەلدەردىڭ يەلىك ۇقىعى مەن حالىقتىڭ تىلەگىنە تولىق قۇرمەت ەتىلۋى كەرەك، باسقا ەلدىڭ ىشكى ىسىنە كيلىگۋىنە، ەشقانداي ساياسي شارت قويۋىنا، «ديپلوماتيالىق قوقانلوقى جاساۋعا»، جەكە مۇددەسى ءۇشىن باسقا ەلدىڭ يەلىك ۇقىعى مەن مۇددەسىنە زيان جەتكىزۋگە ءتىپتى دە بولمايدى. نەپالدىڭ دوس كورشىسى جانە دامۋ سەرىگى رەتىندە، جۇڭگو نەپال حالقىنىڭ دامۋ جولىن دەربەس تاڭداۋىن بۇرىنعىداي قولداپ، نەپالدىڭ ەكونوميكالىق، قوعامدىق دامۋىنا مۇمكىندىگىنشە قولداۋ كورسەتىپ، كومەك بەرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
