1 - ايدا شينجياڭنىڭ ارتقان قۇن سالىعىن ىركىپ دولايلاستىرۋدان قايتارىلعان سالىق %70كە جۋىق ارتتى
2022.02.24 15:30 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ميھىرگۇل ناسىر 2 - ايدىڭ 21 - كۇنى ۇرىمجىدەن حابارلايدى. اۆتونوميالى رايوندىق سالىق مەكەمەسىنەن ۇعىسۋىمىزشا، 1 - ايدا رايونىمىزدىڭ سالىق ورگاندارى سالىق تولەۋشىلەرگە ارتقان قۇن سالىعىن ىركىپ دولايلاستىرۋدان جيىنى ءبىر ميلليارد 450 ميلليون يۋان سالىق قايتارىپ، سايكەس مەزگىلدەگىمەن سالىستىرعاندا ％67.05 ارتقان.
2019 - جىلى 4 - ايدىڭ 1 - كۇنىنەن باستاپ ەلىمىز ارتقان قۇن سالىعىن ىركىپ دولايلاستىرۋ ارقىلى سالىق قايتارۋ ساياساتىن سىناق رەتىندە جاپپاي اتقارا باستاپ، قالىپتى سالىق تولەۋشىلەرگە ساتىپ الۋ - ساتىپ بەرۋدى دولايلاستىرعاننان كەيىن ماۋسىم سوڭىندا قالعان ىركىندى سومانى سالىستىرما بويىنشا قايتارىپ بەردى. ارتقان قۇن سالىعىن ىركىپ دولايلاستىرۋدان سالىق قايتارۋ ساياساتى − مەملەكەتتىڭ سالىقتى ازايتىپ، اقىنى تومەندەتۋدى تياناقتاندىرۋداعى ناقتى شاراسى بولىپ، كاسىپورىننىڭ ءالى دولايلاستىرماعان سول مەزگىلدەگى ارتقان قۇن سالىعىن ىركىپ دولايلاستىرۋدان الدىن الا سالىق قايتارۋ ارقىلى بازار تۇلعاسىنىڭ قارجى قىسىمىن باسەڭدەتىپ، كاسىپورىننىڭ ناق اقشا اينالىمىن ارتتىرىپ، بازاردىڭ ومىرشەڭدىك كۇشىن ءونىمدى جانداندىرىپ، ەكونوميكانىڭ جوعارى ساپالى دامۋىن ىلگەرىلەتەدى.
بيىل جىل باسىنان بەرى رايونىمىزدىڭ سالىق ورگاندارى جاساۋ كاسىبى سياقتى كاسىپورىندارعا قاراتا ”بىرگە ءبىر“ ۇگىت جۇرگىزۋدى، جەتەكشىلىك ەتۋدى دالمە - ءدال ورىستەتتى، سونىمەن بىرگە قازىنا تاراۋلارىمەن بايلانىس جاساپ، سايكەستىرۋدى ىرىقتى تۇردە كۇشەيتىپ، ارتقان قۇن سالىعىنىڭ ىركىپ دولايلاستىرۋ ارقىلى سالىق قايتارۋ ساياساتى بازار نەگىزگى تۇلعاسىنا جىلدام، تىكە جەتكىزىلۋىنە شىنايى كەپىلدىك ەتىپ، وزىق جاساۋ كاسىبى سياقتى كاسىپورىنداردىڭ قايتارىلعان سالىق قارجىسىن دەر كەزىندە شىعارىپ الىپ، زەرتتەپ اشۋعا جانە قايتالاي ءوندىرىستى كەڭەيتۋگە جۇمساۋىنا كومەكتەستى.
2 - ايدىڭ 11 - كۇنى تۇستەن كەيىن ءۇرىمجى قالاسى سايباق رايوندىق سالىق مەكەمەسىنىڭ بىرنەشە سالىق ىستەرى كادرى شينجياڭ قاتىناس قارجى قوسۋ (توبى) شەكتى جاۋاپكەرشىلىك سەرىكتەستىگىنە كەلىپ ساياساتتى ۇگىتتەدى جانە جەتەكشىلىك ىستەدى. بۇل كاسىپورىن بۇكىل شينجياڭ كولەمىندەگى تيجاراتتىق جوعارى جىلدامدىقتى تاس جول تيجاراتىن جۇرگىزەدى ءارى جول قورعاۋ جۇمىسى سياقتى كاسىپتەرمەن قامتاماسىز ەتەدى، كاسىپورىنداردى بىرىكتىرۋ، بەرەشەكتى قايتا قۇراۋ جانە جول قۇرىلىسى سياقتى جاعدايلارعا بايلانىستى ىركىپ دولايلاستىرۋدان زور مولشەردە سالىق قايتارۋدى ءوتىنىش ەتۋگە تۋرا كەلەدى. جۋىقتا وسى كاسىپورىن 2021 - جىلعى ءۇرىمجى قالاسىنداعى ەڭ ۇلكەن ءبىر رەتكى ىركىپ دولايلاستىرۋدان قايتارىلعان سالىقتى ءوتىنىش ەتتى، سالىق قايتارۋ سوماسى 618 ميلليون يۋانعا جەتتى.
”ىركىپ دولايلاستىرۋدان قايتارىلعان سالىق كاسىپورىننىڭ ناق اقشا اينالىمىن بەلگىلى مولشەردە ارتتىرىپ، ءتۇرلى وزىندىك قۇن تولەمىنىڭ قىسىمىن ءونىمدى باسەڭدەتىپ، كاسىپورىن تيجاراتىنىڭ دامۋى ءۇشىن ومىرشەڭدىك كۇش ۇستەدى“. سەرىكتەستىكتىڭ القاسى، ورىنباسار باس ديرەكتورى حۋ ميڭيىڭ: ”وسى رەتكى سالىق قايتارۋدان كەلگەن ءبىر ءبولىم قارجىنى كاسىپورىنعا جاڭادان كەلگەن دارىندىلاردى باۋلۋ، بۇكىل شينجياڭداعى تاس جول قۇرىلىسى، سونداي - اق كەڭسە جابدىقتارىن ساتىپ الۋ سياقتىلارعا جۇمساپ، كاسىپورىننىڭ ۇزاق بولاشاقتاعى دامۋىنا بارىنشا دەم بەردىك“، - دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
