اساۋ اعىندا قايراتتانا قۇلاش سەرمەپ، ارىنداي العا ۇمتىلۋ
− اۆتونوميالى رايوننىڭ رەفورمانى جاپپاي تەرەڭدەتۋى تۋرالى شولۋ
□ انار بۇلت / شينجياڭ گازەتىنىڭ ءتىلشىسى جاڭ يۇنمەي
2022.02.24 15:22 كەلۋ قاينارى : شينجياڭ گازەتى
رەفورما − الدىڭعىلاردىڭ ءىزىن باسىپ، بولاشاققا جول اشاتىن تەرەڭ توڭكەرىس، ماڭگى توقتامايتىن العا ۇمتىلۋ جولى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى تۋ ۇستاپ، باعدار بەلگىلەپ، جوسپار - جوبا، ورنالاستىرۋ جاساپ، بۇرىن بولماعان بەكىممەن جانە سەرپىنمەن رەفورمانى جاپپاي تەرەڭدەتۋدى ىلگەرىلەتتى.
اۆتونوميالى رايوندىق پارتكوم قيىندىقتى ەڭسەرە ورگە ۇمتىلىپ، ءورىس اشىپ، جول سالىپ، رەفورمانى جاپپاي تەرەڭدەتۋدى كەلەلى ساياسي مىندەت، قوعام ورنىقتىلىعى مەن باياندى تىنىشتىقتى ىلگەرىلەتۋدىڭ ماڭىزدى قامتاماسىزدىعى ەتىپ، ورتالىق ورنالاستىرعان رەفورما مىندەتتەرىن بەلسەنە قابىلداپ، تياناقتاندىرىپ، شينجياڭنىڭ ءىس جۇزىندىگىمەن بىرلەستىرە وتىرىپ رەفورمانىڭ جالپىلىق جوبالانۋىن، ءبىر تۇتاس جوسپارلانىپ، سايكەستىرىلۋىن، تۇتاس تۇلعادا ىلگەرىلەتىلۋىن كۇشەيتتى، ەكونوميكانىڭ، قوعامنىڭ جوعارى ساپالى دامۋىنا پايدالى ءبىر توپ رەفورما شارالارى تياناقتانىپ، اتقارىلدى، قامال الۋ قيىندىعى جوعارى ءبىر توپ رەفورما مىندەتتەرىندە ماڭىزدى ىلگەرىلەۋشىلىككە قول جەتكىزىلدى، ءبىر توپ رەفورما، جاڭالىق اشۋ جەتىستىكتەرى زاڭ شىعارۋ جانە ءتۇزىم ارقىلى ارناعا ءتۇسىرىلىپ، رەفورمادا بەلسەندى ناتيجەگە قول جەتكىزىلدى.نازاردى ماڭىزدى تۇيىنگە شوعىرلاندىردى، شەشۋشى تەتىكتى يگەردى
رەفورما جاساۋ، ەسىك اشۋ − جۇيەلى ينجەنەريا، ءسوز جوق، جاپپاي رەفورمالاۋعا تاباندى بولۋ، ءارقايسى رەفورمانى سايكەستىرۋ، ۇيلەستىرۋ بارىسىندا ىلگەرىلەتۋ كەرەك.
بۇل ءۇشىن، اۆتونوميالى رايوندىق پارتكوم جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى تىعىز ارقاۋ ەتىپ، جوعارى دەڭگەيدە جوبالاۋدى كۇشەيتىپ، نازاردى ءتۇيىندى سالالارعا شوعىرلاندىرىپ، شەشۋشى بۋىنداردى مىقتى ۇستاپ، ءار سالاداعى رەفورمالاردى ءبىر تۇتاس جوسپارلاپ ىلگەرىلەتتى.
رەفورمانى جاپپاي تەرەڭدەتۋدىڭ ءار جىلعى مىندەت تىزىمىنەن شينجياڭنىڭ رەفورما جولىن انىق كورۋگە بولادى. ەكونوميكالىق ءتۇزىلىس، ساياسي ءتۇزىلىس، مادەنيەت ءتۇزىلىسى، قوعامدىق ءتۇزىلىس، ەكولوگيالىق وركەنيەت ءتۇزىلىسى جانە پارتيا قۇرىلىسى ءتۇزىمى رەفورمالارىندا جاپپاي كۇش سالۋ ارقىلى شينجياڭنىڭ رەفورمانى جاپپاي تەرەڭدەتۋىنىڭ نەگىزگى تۇلعاسى ورناتىلىپ بولدى؛ قالا - قالاشىقتارداعى پۋنكت - بولىمشەلەر رەفورماسىنان اۋدان دارەجەلى ۇكىمەتتىك شيپاحانالاردىڭ كەشەندى رەفورماسىنا دەيىن، نوپوس ءتۇزىمى رەفورماسىنان ”كوپ بولعاندا ءبىر رەت بارۋ“ رەفورماسىنا دەيىن، اۋىل شارۋاشىلىعى، اۋىل - قىستاق رەفورماسىنان مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتۋگە دەيىن... شينجياڭنىڭ رەفورمانى جاپپاي تەرەڭدەتۋى ىشكەرىلەي ءتۇستى.
مىنا ءبىر ساندى مالىمەتتى ايتا كەتۋگە تاتيدى. پارتيا 18 - قۇرىلتايىنان بەرى شينجياڭ قوعامدىق باسقارۋ ءتۇزىلىسى رەفورماسىن جەتەكشى ەتىپ، قوعامدىق باسقارۋ، ۇگىت - مادەنيەت، ەكونوميكالىق دامۋ، ەكولوگيالىق ورتانى قورعاۋ، قوعامدىق ىستەر، پارتيا قۇرىلىسى، بيڭتۋان قىزمەتى سياقتى سالالاردا 2000عا جۋىق رەفورما ورنالاستىردى، ورىستەتتى. ءاربىر رەفورمانىڭ ىلگەرىلەۋى بەلسەندى قوعامدىق ونىمدىلىك جارىققا شىعاردى.
قىستاق قاعيداسى، حالىق كەلىسىمى نەگىزگى ساتىنىڭ قوعامدىق باسقارۋىندا ماڭىزدى رول اتقاردى. اتۇش قالاسى سۇنتاع اۋىلى ازعان قىستاعى قىستاق قاعيداسىن، حالىق كەلىسىمىن جاساۋ، اتقارۋ بارىسىندا قۋانارلىق وزگەرىستەر تۋىلدى.
”بۇرىن قىستاقتا ءبىرتالاي ادام ىستەرگە جۇمىسى جوق بوس جۇرەتىن. جاقىنعى جىلداردان بەرى قىستاق قاعيداسىنىڭ، حالىق كەلىسىمىنىڭ اتقارىلۋىنا بايلانىستى وركەنيەتتى، العاباسار تاماشا سالت جۇرتتىڭ جىگەرىن قاۋلاتتى، قىستاعىمىز دا كورىكتەنىپ، ساياحاتشىلار دا كوبەيدى“، - دەيدى ازعان قىستاعىنىڭ تۇرعىنى ىدىرىس تۇرسىن شاتتانا. 2021 - جىلى ول قىستاقتان اشقان اسحاناسىنان 100 مىڭ يۋان تابىس تاۋىپتى.
قاعيدا بولمايىنشا ءىس ىلگەرى باسپايدى. قىستاق قاعيداسىنىڭ، حالىق كەلىسىمىنىڭ جاسالۋى، اتقارىلۋى شاعىن قىستاقتان ۇلكەن ومىرشەڭدىك تۋىنداتۋعا زور ۇلەس قوستى. وسى سياقتى اۆتونوميالى رايوننىڭ لاڭكەستىككە قارسى تۇرۋ زاڭىن اتقارۋ ءادىسى، اۆتونوميالى رايوننىڭ ۇشقارىلىقتى الاستاۋ ەرەجەسى، اۆتونوميالى رايوننىڭ ۇلتتار ىنتىماعى، العاباسارلىعىندا ۇلگىلى رايون قۇرۋ ەرەجەسى سياقتى جەرگىلىكتى زاڭ ەرەجەلەردىڭ جاسالۋى، وعان وزگەرىس ەنگىزىلۋى دە شينجياڭنىڭ زاڭمەن باسقارۋ قابىلەتىن جوعارىلاتۋىنا پارمەندى زاڭدىق قامتاماسىزدىق ازىرلەدى.
نەگىزگى ساتىنىڭ قوعامدىق باسقارۋىن كۇشەيتۋدە شينجياڭ توقتاۋسىز ارەكەت ەتىپ كەلەدى. بۇل قاتاردا بىلتىر قالا، اۋىل الەۋمەتتىك اۋماقتارىن باسقارۋدىڭ 3 جىلدىق ارەكەت جوسپارىن ىشكەرىلەي اتقارىپ، قالا، اۋىل الەۋمەتتىك اۋماقتارىن باسقارۋ جۇيەسىن ونان ارى اقاۋسىزداندىردى، كەمەلدەندىردى؛ قىستاق دارەجەلى زاپاس كۇشتەردى باۋلۋ ينجەنەرياسىن جەدەل اتقارىپ، قىستاق دارەجەلى كۇشتەردى ونان ارى كۇشەيتتى؛ ”مالىدەن، اۋىلدان ماسەلەنىڭ قىلپى بايقالسا، قاتىستى تاراۋلار جەتىپ كەلۋ“ رەفورماسىن كوشىرىپ جالپىلاستىرىپ، ادام كۇشى، بايلىق، باسقارۋ بيلىگىنىڭ نەگىزگى ساتىعا ءتۇسۋىن ىلگەرىلەتىپ، نەگىزگى ساتىنىڭ قىزمەت ونىمدىلىگى بارىنشا جوعارىلادى.
اماليات شينجياڭنىڭ رەفورما قىزمەتىندە، ءسوز جوق، ماسەلەنى باعدار ەتۋگە تاباندى بولىپ، باياندى تىنىشتىققا ىقپال ەتەتىن شەشۋشى، ءتۇبىرلى، جالپى جاعدايلىق ماسەلەلەردى قاداعالاي وتىرىپ جوسپارلاپ ىلگەرىلەتىپ، ءتۇيىندى، قيىن ماسەلەلەردە سەرپىلىس جاساۋ ارقىلى جالپى جاعداي قىزمەتىنىڭ ورىستەتىلۋىنە جەتەكشىلىك ەتۋ كەرەكتىگىن دالەلدەدى. تەك ”بۇيدانى“ مىقتى ۇستاعاندا عانا، رەفورمادا از كۇشپەن كوپ جۇمىس بىتىرۋگە بولادى.دامۋدىڭ جۇمساق ورتاسىن قالىپتاستىردى
سۋ تەرەڭ بولسا بالىق ەركىن جۇزەدى، قالا قۋاتتى بولسا، ساۋدا گۇلدەنەدى. تاماشا شارۋاشىلىق - ساۋدا ورتاسى بازار ومىرشەڭدىگىن قاۋلاتۋدىڭ، ەكونوميكانىڭ، قوعامنىڭ جوعارى ساپالى دامۋىن جەبەۋدىڭ قاجەتتى شارتى، سونداي - اق مەملەكەتتى باسقارۋدى وسىزامانداندىرۋدىڭ ايقىن بەلگىسى سانالادى.
ەكونوميكالىق دامۋ سالىستىرمالى ارتتا قالعان جاعدايدا قايتكەندە قۋىپ جەتۋ ءۇشىن جىگەرلەنە ۇمتىلىپ، وزىنە ءتان دامۋ جولىن تابۋعا بولادى؟
شينجياڭ شارۋاشىلىق - ساۋدا ورتاسىن ساپالىلاندىرۋ امالياتىندا ۇزدىكسىز ىزدەنىس جاسادى.
− شارۋاشىلىق - ساۋدا ورتاسىن ساپالىلاندىرۋدىڭ، دەڭگەيىن كوتەرۋدىڭ 10 ۇلكەن ارەكەت جوباسىن جاريالادى، شارۋاشىلىق - ساۋدا ورتاسىن باعالاۋ ءتۇزىمىن ورناتتى، كەمەلدەندىردى، اۆتونوميالى رايوننىڭ شارۋاشىلىق - ساۋدا ورتاسىن ساپالىلاندىرۋ ەرەجەسىن اتقارۋ ءادىسىن جاسادى، ۇكىمەت قۇرىلىمدارىن ىقشامداۋدى، ۇقىقتى تومەنگە بەرۋدى ۇزدىكسىز ىلگەرىلەتىپ، اكىمشىلىك تەكسەرىپ بەكىتۋ ىستەرىنەن جيىنى مىڭنان استامىن كۇشىنەن قالدىردى، رەتتەدى نەمەسە ىقشامدادى؛
− 100 ءتۇرلى ”رۇقسات كۋالىگى مەن تيجارات كۋالىگىن ءبولۋ“ رەفورما مىندەتىن ورىنداپ، ”كوپ كۋالىكتى بىرىكتىرۋدى“ تياناقتاندىرىپ، ”26 كۋالىكتى بىرىكتىرۋدى“ جۇزەگە اسىردى، ”ۇكىمەت پەن بانكە سەلبەستىگىن“، ”ۇكىمەت پەن پوچتا سەلبەستىگىن“ تەرەڭدەتىپ، ”ءبىر ەسىكتە، ءبىر رەتتە، ءبىر ينتەرنەت جەلىسىندە“ كۋالىك ءبىتىرۋدى جۇزەگە اسىرىپ، قارجى قوسۋداعى، شارۋاشىلىقتى وركەندەتۋدەگى اۋرە - سارساڭدىقتى، ۋاقىت بوداۋىن بارىنشا تومەندەتتى؛
− قارجى قوسۋ، قارجى قۇراۋ ءتۇزىلىسى رەفورماسىن تەرەڭدەتىپ، بازارعا كىرۋ رۇقساتىن كەڭەيتىپ، بازار تۇلعالارىنىڭ ومىرشەڭدىگىن قاۋلاتتى، بىلتىر 11 - ايدىڭ سوڭىنا دەيىن بۇكىل شينجياڭ بويىنشا تىركەۋگە الىنعان ءتۇرلى بازار تۇلعالارىنىڭ جالپى سانى 2 ميلليون 140 مىڭعا جەتتى؛
− حالىقتىق ەكونوميكانىڭ اقاۋسىز دامۋىن جەبەۋدىڭ ساياسات - شارالارىن جاپپاي تياناقتاندىرىپ، اۆتونوميالى رايون، ايماق، اۋدان 3 دارەجەلى باسشى كادرلاردىڭ حالىقتىق كاسىپورىندارمەن بايلانىس ورناتۋ، كاسىپكەرلەر كاسىپورىندارعا ساياتىن ساياساتتاردى جاساۋعا ارالاسۋ، كاسىپورىنداردىڭ قيىنشىلىق جايلى تالاپ - تىلەكتەرىن اڭىس ەتۋ سياقتى ءتۇزىم - مەحانيزمدەردى ورناتىپ، حالىقتىق ەكونوميكانىڭ جەدەل، اقاۋسىز دامۋىن جەبەدى؛
− ”قابىلدانعان تالاپ - تىلەكتى تاباندا ءبىتىرۋ“ رەفورماسىن زور كۇشپەن ىلگەرىلەتىپ، بۇكىل رايون كولەمىندە اكىمشىلىك قىزمەت وتەۋگە 12345 دەگەن ءبىر نومىردەگى ىستىق لەنيامەن قىزمەت ەتۋدى جۇزەگە اسىردى؛
...
”تومەنگە بەرۋ، باسقارۋ، قىزمەت وتەۋ“ رەفورماسىنىڭ ”دارەجەسى جوعارىلاتىلعان ۇلگىسى“ رەتىندە، سوڭعى جىلدارى ”ەڭ كوپ بولعاندا ءبىر رەت بارۋ“ رەفورماسى شينجياڭنىڭ شارۋاشىلىق - ساۋدا ورتاسىن ساپالىلاندىرۋدا كوپ ايتىلاتىن سوزگە اينالدى.
بىلتىر رايونىمىز ”ەڭ كوپ بولعاندا ءبىر رەت بارۋ“،”ەڭ تەز بولعاندا ءبىر رەتتە جەتكىزۋ“ رەفورماسىن تىڭعىلىقتى ىلگەرىلەتىپ، اكىمشىلىك ىستەردىڭ ％65ىن سايتتا ءبىتىرۋدى، ءبىر جولدا ءبىتىرۋدى، دەرەۋ ءبىتىرۋدى جۇزەگە اسىردى. مۇنان تىس، جىبەك جولى ەكونوميكالىق بەلدەۋى بويىنداعى 5 ولكە، اۆتونوميالى رايون، سونداي - اق بيڭتۋاننىڭ ”جىبەك جولى ءبىر تۇتاس ءبىتىرۋ“ ينجەنەرياسى ورنىقتى قاداممەن ىلگەرىلەتىلىپ، جوعارى جيىلىكتى اكىمشىلىك ىستەر بويىنشا 116 قىزمەت وتەۋ ىستەرىن ”ولكە اتتاپ ءبىر تۇتاس ءبىتىرۋدى“ جۇزەگە اسىردى.
اقسۋ قالاسىنداعى ءبىر قورا - جاي سەرىكتەستىگىنىڭ قىزمەتكەرى جاڭ حۇڭۋي ”ەڭ كوپ بولعاندا ءبىر رەت بارۋدى“ القاپ بىلاي دەدى: ”بۇرىن تاڭەرتەڭ بارىپ كەزەككە تۇرىپ، ءنومىر الىپ، بىرنەشە مەكەمە - ورىننىڭ تەرەزەسىنە شاپقىلاپ، كەشكە قاراي ارەڭ بىتىرەتىنبىز. قازىر ينتەرنەتتە ماتەريال جولداپ، اكىمشىلىك ىستەر زالىندا ءبىر بەكەتتە ءبىتىرىپ، 20 مينۋتقا جەتپەيتىن ۋاقىتتا سەرىكتەستىكتىڭ ساپا حاۋىپسىزدىگىن باقىلاۋ راسمياتى مەن قۇرىلىس جۇرگىزۋگە رۇقسات ەتۋ ءىسىن ءبىتىرىپ الدىم“.
”ەڭ كوپ بولعاندا ءبىر رەت بارۋ“ رەفورماسى كاسىپورىنداردىڭ، بۇقارانىڭ ۇكىمەت قۇرىلىمدارىنا بارىپ ءىس ءبىتىرۋ رەت سانىن ازايتۋ رەفورماسى عانا ەمەس، ءمانى جاعىنان العاندا، ماڭىزى تەرەڭ رەفورما امالياتى سانالادى، ول ۇكىمەت بيلىگىنىڭ شەكاراسىن قايتالاي ايقىنداۋدى ىلگەرىلەتىپ، ءار دارەجەلى ءارقايسى تاراۋلاردى قىزمەت وتەۋ، ساياسات، ءتۇزىم، ورتا سىندى كوپ جاقتان ۇكىمەتتىك قامداۋدى ساپالىلاندىرىپ، كۇشتى شوعىرلاندىرىپ باسقارۋعا ءتيىستى ءىستى ويداعىداي باسقارىپ، قىزمەت وتەۋگە تيىستىلەرىنە ويداعىداي قىزمەت وتەۋگە قۋزادى.
ايتا كەتۋگە تاتيتىنى، شينجياڭ بازارعا كىرۋ رۇقساتىنىڭ ۇنامسىز ءتىزىمى ءتۇزىمىن جاپپاي اتقارىپ، ءبىر تۇتاس بازارعا جانە ءادىل باسەكەگە كەدەرگىلىك جاسايتىن ساياسات - شارالاردان ءبىر توبىن اداقتادى. سونىمەن قاتار، بازار تۇلعالارىنىڭ كىرۋىنە رۇقسات ەتۋدى ونان ارى كەڭەيتىپ، كاسىپورىنداردى تىزىمگە الىپ تىركەۋ ۋاقىتىن ءبىر قىزمەت كۇنىنە قىسقارتتى.رەفورما جەتىستىگى بۇقاراعا يگىلىك اكەلدى
حالىقتىڭ ارمان - تىلەگىنە رەفورما جاۋاپ قايتاردى. رەفورمانى جاپپاي تەرەڭدەتۋدىڭ ءساتتى بولعان - بولماعاندىعىنا، ءونىمىنىڭ بولعان - بولماعاندىعىنا بۇقارانىڭ ايتقانى ەسەپ.
بيىل 1 - ايدا اۆتونوميالى رايوننىڭ كەزەكتەگى ىندەتتەن ساقتانۋ - تىزگىندەۋ شارالارىن ونان ارى ساپالىلاندىرۋى جونىندەگى ءبىر حابار ۋيچات دوستىق شەڭبەرىندە قاۋىرت تارادى. ”ىندەتتەن ساقتانۋ - تىزگىندەۋ دالمە - ءدال بولدى، ونان دا ماڭىزدىسى، مەيىرگە تولى بولدى، 7 كۇن ىشىندەگى حىسۋان تەكسەرۋدىڭ جارامدى ناتيجەسىنىڭ بۇكىل شينجياڭ ىشىندە ءوزارا مويىندالعاندىعىنا القاۋ ايتامىز“، - دەدى 1 - ايدىڭ 27 - كۇنى قۇمىلدان ۇرىمجىگە كەلگەن ما ياۋحۋا. ول ءىسساپارعا شىعۋدان بۇرىن حىسۋان تەكسەرتىپ، سول كۇنى پويەزدەن تۇسە سالىپ كوزدەگەن جەرىنە توتە تارتىپتى. ”قايتا - قايتا حىسۋان تەكسەرتىپ جۇرمەيتىن بولدىق، وتە قولايلى بولدى“، - دەدى ول.
قولايلى بولدى دەپ القاعانداردىڭ اراسىندا تاعى شينجياڭدىق توراپكەرلەر دە بار. 2021 - جىلى 1 - ايدىڭ 1 - كۇنى اۆتونوميالى رايوننىڭ ”ينتەرنەت + قۋزاۋ - تەكسەرۋ“ تۇعىرى رەسمي ىسكە قوسىلدى. ءبىر جىلدان بەرى تۇعىرعا قالدىرىلعان لەبىز 4100دەن اسىپ، بۇقارانىڭ 1906 قيىنشىلىعىن شەشىپ، 94 مىڭ 300 بۇقاراعا تيىمدىلىك جەتكىزىپ، ساياساتتى تياناقتاندىرۋداعى قيىندىقتاردى، بوگەتتەردى، كەسىرلى تۇيىندەردى ءونىمدى تۇردە ءبىر - بىرلەپ تەكسەرىپ شەشىپ، بۇقارانىڭ، بازار تۇلعاسىنىڭ جانە نەگىزگى ساتى ۇكىمەتىنىڭ ءىس ءبىتىرىپ، قيىن ماسەلەلەردى شەشۋىندەگى توتە ارناسىن اشتى.
رەفورما جۇرەكتىلىكپەن جۇرگىزۋدى، جۇرەكتىلىكپەن سىناۋدى قاجەت ەتەدى، بۇقارانىڭ تۇلعالىق ورنىنا تولىق قۇرمەت ەتۋدى، اسىرەسە، سان مىڭداعان وتباسىنا ساياتىن، بۇقارانىڭ ءتول مۇددەسىنە قاتىستى رەفورما ماسەلەلەرىندە بۇقارالىق لۋشيانعا تاباندى بولۋدى تىپتەن قاجەت ەتەدى، جوعارى دەڭگەيلى جوباعا تۋرالانۋ، ونان دا ماڭىزدىسى، نەگىزگى ساتىداعى بۇقارامەن ۇشتاسۋ، رەفورمانىڭ اۋىتقىماۋىنا، جالعان بولماۋىنا، ناتيجەسىز بولماۋىنا شىنايى كەپىلدىك ەتۋ كەرەك.
بىلتىر شينجياڭ وقۋ - اعارتۋ ءتۇزىلىس رەفورماسىن ىلگەرىلەتىپ، ”ەكىنى جەڭىلدەتۋ“ كەزەڭدىك مىندەتىنىڭ جاپپاي ورىندالۋىنا بايلانىستى، وقۋشىلار مەن اتا - انالاردىڭ اۋىرتپالىعى ءونىمدى جەڭىلدەدى. ”وقۋ - اعارتۋدىڭ ەڭ سوڭعى ماقساتى ادامنىڭ دامۋى ءۇشىن، اۋىرتپالىقتى جەڭىلدەتۋ ساياساتىنىڭ بەتالىسى ءبىزدىڭ ادامدى وزەك ەتكەن وقۋ - اعارتۋ نىسانامىزبەن بىردەي“، - دەدى مەملەكەتتىك ساياسي كەڭەستىڭ شينجياڭداعى مۇشەسى دىڭ حۇڭ. ونىڭ ايتۋىنشا، ”ەكىنى جەڭىلدەتۋ“ ساياساتىنىڭ العا قويىلۋى وقۋشىلارعا اناعۇرلىم كوپ ۇيرەنۋ ۋاقىتىن بەرگەن جانە وزدەرىن باقىتتى، كوڭىلدى ەتەتىن ىستەردى سەزىندىرگەن.
رەفورمانىڭ ماقساتى حالىقتى دامۋدىڭ جەتىستىكتەرىنەن بىرگە يگىلىكتەندىرۋ. پارتيا 18 - قۇرىلتايىنان بەرى شينجياڭ حالىق تۇرمىسى سالاسىنداعى رەفورمالاردى ىشكەرىلەي ىلگەرىلەتىپ، ءار ۇلت بۇقاراسىنىڭ تۇرمىسى كورنەكتى جاقساردى.
− الەۋمەتتىك جۇمىستاندىرۋعا قىزمەت وتەۋ جۇيەسى قۇرىلىسىن ونان ارى كۇشەيتۋ، كاسىپتىك شەبەرلىكتى جوعارىلاتۋ ارەكەتى سياقتى اتقارۋ جوبالارىن جاساپ، جۇمىستاندىرۋ، شارۋاشىلىق قۇرۋ جۇيەسىن ۇزدىكسىز اقاۋسىزداندىردى؛
− اۋىل - قىستاقتاردا مەكتەپكە دەيىنگى 3 جىلدىق تەگىن تاربيەنى جاپپاي جالپىلاستىرۋ جۇزەگە اسىرىلىپ، وڭتۇستىك شينجياڭنىڭ اۋىل - قىستاقتارىندا 4 − 6 جاستاعى بالالاردىڭ ”بالاباقشاعا كىرۋگە تيىستىلەرى تۇگەلدەي كىردى“؛
− سالاماتتىق، دەنساۋلىق تەكسەرۋ ءتۇزىمىن ورناتىپ، تياناقتاندىرىپ، دارەجەگە ءبولىپ دياگنوز قويۋ - ەمدەۋ ءتۇزىمى رەفورماسى ورنىقتى قاداممەن ىلگەرىلەتىلدى، تۇتاس رايونداعى بارلىق ۇكىمەتتىك شيپاحانالاردىڭ ءدارى - دارمەككە ۇستەمە باعا قوسۋى جاپپاي كۇشىنەن قالدىرىلدى، بۇقارانىڭ ”ناۋقاس كورسەتۋى قيىن بولۋ، ناۋقاس كورسەتۋى قىمبات بولۋ، ناۋقاس كورسەتۋدە الىسقا بارۋ“ ماسەلەلەرى ىشكەرىلەي شەشىلدى؛
− ەلەۋلى ىندەتتەن ساقتانۋ - تىزگىندەۋ ءتۇزىلىس - مەحانيزمى، الەۋمەتتىك دەنساۋلىق ساقتاۋ بويىنشا شۇعىل جاعدايعا توتەپ بەرۋ - باسقارۋ جۇيەسى ۇزدىكسىز كەمەلدەندىرىلىپ، توسىن تۋىلعان الەۋمەتتىك دەنساۋلىق ساقتاۋ وقيعالارىنا شۇعىل توتەپ بەرۋگە قولباسشىلىق ەتۋ جۇيەسى مەن زاتتىق قامتاماسىز ەتۋ قابىلەتى جاپپاي كۇشەيتىلدى؛
− ەكونوميكالىق، قوعامدىق دامۋ دەڭگەيىنە ساي كەلەتىن وسى زامانعى قوعامدىق قۇتقارۋ - كومەكتەسۋ جۇيەسىن قۇرىپ، قالا، اۋىل ەڭ تومەنگى تۇرمىسىن قامتاماسىز ەتۋ ءتۇزىمى اقاۋسىزداندىرىلىپ، قالا، اۋىلداعى قيىنشىلىعى بار بۇقارانىڭ نەگىزگى تۇرمىسىن قامتاماسىز ەتۋگە تيىستىلەرىن مۇمكىندىگىنشە قامتاماسىز ەتۋ جۇزەگە اسىرىلىپ، السىزدەردى سۇيەمەلدەۋ سىندى قامتاماسىز ەتۋ جۇيەسى ونان ارى نىعايدى.
رەفورما تەك جۇرگىزىلە بەرەدى، اياقتامايدى. ەسكىگە جارماسىپ العان العا باسپايدى، كەمە اعىننىڭ ورتاسىنا جەتكەندە، ءسوز جوق، العا ۇمتىلا ءتۇسۋى كەرەك. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قايراتتانا جاقسى جازۋدا، ءبىز ۇزدىكسىز كۇش سالىپ، بۇقارانىڭ ارمان - تىلەگىن رەفورما ارەكەتىنە، بۇقارانىڭ ارمان - تىلەگىن تاماشا رەالدىققا اينالدىرۋىمىز قاجەت.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
